Jeremia 27:10 - Labrador Inuttitut Heritage Bible

¹⁰ Tâpkoa nalautaivigingmase saglonernik, nûtitauᴋovluse nunapsingnit ungasiktomut; ajaktuiᴋovlungalo ilipsingnik nungutauᴋovluselo.

Jeremia 27:10 Iomraidhean Croise

Exodus 22:18

Arnak angakkok inôrᴋojaksarilungilat.

Jeremia 14:14

Nâlakable oᴋautivânga tagva: Nalautaijut saglovlutik nalautaivut attimne; tililaungilakka, perᴋolaungilakkalo, oᴋarvigilaungilakkalônêt; nalautaivigivâse takotitjumik mikseᴋârtôlungitomik, angakônermiglo, tukkeᴋangitomiglo, ômatimiglo uivêriklerninginik.

Jeremia 23:16

Imâk oᴋarpoᴋ Nâlagaᴋ Zebaot: Nâlaniarase nalautaijut oᴋausinginik, nalautaijut ilipsingnut; sulingitunik ajoᴋertorpâse; ômatimik takotitjutingit oᴋâlatigingmatigik, Nâlakablo ᴋaninganit pijut pinagit.

Jeremia 23:25

Tusarsimavunga nalautaijut oᴋausinginik, saglovlutik nalautaijut attimne, oᴋarlutik: Sinnaktomalauᴋpunga, sinnaktomalauᴋpunga.

Jeremia 27:14

Nâlaniaraselo nalautaijut oᴋausinginik, ilipsingnut oᴋartut, oᴋarlutik: Babilonib ataninganik kivgartortuksautsangilase: tâpkoa saglonernik nalautaivigingmase.

Jeremia 27:15

Uvanga tililaunginapkit, oᴋarpoᴋ Nâlagaᴋ, saglovlutigle nalautaivut attimne; ajaktuiᴋovlunga ilipsingnik, nungutauᴋovluselo, ilipselo nalautaijullo, ilipsingnut nalautaijut.

Jeremia 27:16

Taimaktauᴋ ajoᴋertuijut inuillo tamakkoa tamaita oᴋarvigilaurivakka, oᴋarlunga: Imâk oᴋarpoᴋ Nâlagaᴋ: Nâlangniarasigik nalautaijupse oᴋausingit, ilipsingnut nalautaijut, oᴋarlutik, Ahâk, Nâlakab iglungata perᴋutingit mânakut tamaungautijaujomârput Babilonemit; saglonermik nalautaivigingmase.

Jeremia 28:11

Hannanialo oᴋarpoᴋ inuit tamaita tusâtilugit, oᴋarlune: Imâk oᴋarpoᴋ Nâlagaᴋ: Taimaluatsiaᴋ navgoromavara Nebukadnezarib, Babilonib ataningata, nangmautanga jârik iluitûk maggûk nâᴋârtinagik, pêrlugolo inôᴋatigêksuit ilûnatik ᴋongasinginit. Nalautaijorlo Jeremia aularpoᴋ.

Jeremia 28:16

Tamanna pivlugo Nâlagaᴋ oᴋarpoᴋ imâk: Ahâk, nunab ᴋânganit pêjaromavagit; jâreme tamattomane toᴋojuksauvotit, oᴋâlasimagavit tappatonermik Nâlakamut.

Jeremia 32:31

Iglugasaksuit makkoa ningarsautigênarpakka ᴋaningaumajârsautigênarpakkalo sanajautainarninginit uvlome tikidlugo; pêjaiᴋovlunga tâpkoninga kênama sânganit;

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Jeremiab Ogguarutigijangit 2:14

Pivlutit nelautaijoᴋotitit takolaukput takotitjutit tukkeᴋangitut atutsangitullo pivlugit, nelonaijailungilalle idluitulinernik, utertitaujungnarᴋovlutit aularutijaunernit; nelonaijaivigivâtille takotitjutinik oᴋautsiniglo silainartunik ajaktortaujutigijarnik.

Daniel 4:7

Itiput tagva ilisimajut, angakuillo, Kaldêarillo, uvloriaᴋsiortullo; sinnartômanira unipkautigivara tâpkonunga; nalonaijaivigilungilângali tukkigijanganik.

Saggaria 10:2

Gudingoat sulingitunik oᴋauseᴋalaungmatta, nalautainerluktullo saglonernik takotitjuteᴋarmatta; sinnartomanerniglo tukeᴋangitunik oᴋâlavut, sulingitomik manigoivut; tamanna pivlugo arvertarput saukatitut mianerijeᴋangitutitut.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Deuteronomy 18:10

Ilingne naipitaujokartuksaungilak ernerminik paningminiglônêt ingergartitsijomik ikomakut, nelautainerluktomiglônêt, angakomiglônêt, êlisêniartomiglônêt, angakoliartomiglônêt,