Jeremia 26:21 - Labrador Inuttitut Heritage Bible

²¹ Jojakimiblo ataniojub, pitsartujoᴋotingitalo, angajoᴋâᴋsuillo, oᴋausingit tusaramigit, ataniub toᴋonasuarpâ; Uriable tamanna tusaramiuk sivôravoᴋ, ᴋemâvlunalo, Egiptenemut aivlune;

Jeremia 26:21 Iomraidhean Croise

I Atannit 18:10

Sorlo miksekârtomik Nâlegak Gûdit inôngmat, Inûᴋatigêksoaᴋangilak, atannioviᴋaranelo, Nâlekama tilliklervigilaungitanganik, ᴋennerlutit. Oᴋalaukpattalo: Mânêngilak, tagva angermaringnermik tigusilaukpok atanniovingmit mattomangat, inûᴋatigêksoarnillo taipkonangat, nachvârtaulunginavit.

II Kronika 16:10

Assable takkojok ningarvigiva, pitilâlo parngnanêrsimavingmut; oᴋalokivigivalo pijoᴋartok tamanna pivlugo. Assablo nalliutome taipsomane innugasaksuit illangit nênerpait.

II Kronika 24:21

Angerᴋattigêngneᴋartitsivulle akkerartorlugo, millorpâllo inneme avaluliorsimajome Nalekab iglunganêtome, attanniub perᴋojanga malliklugo,

Imgerut 119:109

Tarniga tigumiatsainarlugo akjarpara; malligaksauᴋojattillo puigorlungilakka.

Salomob Okâl 29:25

Inuit sivôragilugit nigaksimatitsivok; tetteᴋartorle Nâlekamik, serngnigijauniarpok.

Jeremia 26:10

Judablo angajoᴋâᴋsoangita tamakkoa tusarmagit, majorarput ataniub iglunganit Nâlakab iglunganut; ingilerpullo Nâlakab iglungata iterviata nutâb sivurâne.

Jeremia 36:26

Ataniuble Jeramêele, Hamalekib erninga, Seraialo, Asriêlib erninga, Selemîalo, Abdiêlib erninga, tigusiᴋolauᴋpait Bârungmik aglakpaktomik Jeremiamiglo nalautaijomik; Nâlakable ijersimalauᴋpak.

Jeremia 38:4

Tagva angajoᴋâᴋsuit oᴋarput atanermut: Angut una toᴋotauᴋoleruktôᴋ; sorᴋsuktuksat iglugasaksoane ukkunane amiakôjut aggangit, inuillo ilûnatik aggangit, nukingêrutingmagit, oᴋauseᴋarvigivlugit taimaitunik; angutib oma inuit idluarᴋutiksarsiulungimagit, idluiᴋutisanigle pingmat.

Mattêuse 10:23

Iglugâsaksuille ilangine unangmikpase, assinginut ᴋemâtitse. Âhamarik, oᴋautivapse: Israêlitit iglugasaksoangit ingergajarêrviginiangilase, Inûb Erninga tikerᴋârtinago.

Mattêuse 10:28

Erᴋsiginiarasigiglo timinik toᴋotsijut, tarninigle toᴋotsijungnangitut. Anginersamigle taimna erᴋsigisiuk, timiniglo tarniniglo asserortitsijungnartok ânianartovingme.

Mattêuse 10:39

Inôserminik ivlersijub assiojijomârpâ, inôserminiglo assiojijub uvanga pivlunga nagvâromârpâ.

Mattêuse 14:5

Toᴋotsomagalloarpâlo, inuille erᴋsigivait, nalautaijônasugingmatsuk.

Markuse 6:19

Herôdiasible Jôhannese toᴋonasuaromagalloarlugo ajorpâle.