Jeremia 26:2 - Labrador Inuttitut Heritage Bible

² Imâk Nâlagaᴋ oᴋarpoᴋ: Nangerit Nâlakab iglungata avalungita iluane, Judablo iglugasaksoarmiungit tamaita tuksiariartortut Nâlêkab iglunganut oᴋâlavigikit, oᴋautsinik tamainik ilingnut oᴋâlautauᴋolauᴋtamnik tâpkonunga; oᴋautsemik atautsemiglônêt ikitliniarnagit.

Jeremia 26:2 Iomraidhean Croise

Jeremia 1:17

Igville makkitikut tapserusijarit, nikovilutillo, oᴋâlavigikillo tamainik perᴋojamnik ilingnut; sivôraniarnak tâpkoninga, uimâlatitsiᴋonanga ilingnik tâpkoa sângine.

Jeremia 1:7

Nâlakable oᴋautivânga: Oᴋarniarnak inôsuluadlarnernik; namullônêt tiligupkit aijuksauvotit, sumiglônêt perᴋogupkit oᴋâlajuksauvotit.

Jeremia 19:14

Jeremialo tagva majorarpoᴋ Tôfetemit aivigilauᴋtaminit Nâlakamut tilijaugame nalautaileriartorᴋovlugo; nangeriartorporlo Nâlakab iglungata avalungita iluane, inuillo ilûnaita oᴋautivait:

Jeremia 23:28

Nalautaijoᴋ sinnaktomanelik unipkârle sinnaktomanerijaminik; oᴋausimniglo piᴋartoᴋ, nalâgôrlune oᴋausera oᴋautigiliuk. Iviksukat suksauvât sanaugaksat sanianê? oᴋarpoᴋ Nâlagaᴋ.

Jeremia 25:2

Nalautaijub Jeremiab oᴋauserilauᴋtangit Judamiunut tamainut, Jerusalemiunullo tamainut, oᴋarlune:

Jeremia 28:5

Nalautaijublo Jeremiab nalautaijoᴋ Hannania oᴋarvigivâ ajoᴋertuijut najûtitilugit inuillo tamaita Nâlakab iglungane ᴋikkartut najûtitilugit,

Jeremia 36:10

Bârukiblo Jeremiab oᴋausingit aglangnêtut atuarpait Nâlakab iglungane, Gemarîab, Sâfanib erningata aglakpaktub iningane, avaluliorsimajome ilulerme, Nâlakab iglunganut iterviub nutâb pângane, inuit ilûnatik tusâtilugit.

Jeremia 42:4

Jeremiablo nalautaijub oᴋautivait: Tusarpapse; ahâk, Nâlakamut Gudipsingnut tuksiaromavunga sorlo oᴋarapse; nalonaijaivigijomavapselo ᴋanoᴋ Nâlakab akkilârmangâse; sumiglônêt angigutijomangilapse.

Jeremia 7:2

Nangeriartorit Nâlakab iglungata itertarviane, oᴋauserlo tamanna oᴋâlautigiuk, oᴋarlutillo: Nâlakab oᴋausinga tusarsiuk, ilipse ilûnase Judamêtose, iterpaktose upkoaᴋsoatigut tamakkotiguna, Nâlagaᴋ tuksiarvigijomavlugo.

Jeremia 7:27

Igville oᴋautsit tamakkoa tamaita oᴋautigijaksarivatit tâpkonunga; tusaromangilâtille; ᴋaigarsugvigijaksarivatit, kiojomangilâtille.

Hesekiel 3:10

Oᴋautivângalo sulle: Inûb erninga, oᴋausikka ilingnut oᴋauserijakka tamaita ilaliorkit ômatingnut, tusarkillo siutingnut.

Hesekiel 33:7

Mânale, inûb erninga, udjertortingortipagit Israêlib ᴋitornganginut; taimaimat oᴋauseᴋ ᴋanimnit pijoᴋ tusaruk, kamasârkillo uvamnit.

Hesekiel 40:4

Angutiblo oᴋautivânga: Inûb erninga, ijîngnut takolerit, siutîngnut tusalerit, ômatillo kamatsiartiuk tamainik takotitjutigijomajamnik ilingnut, takotijomagapkit tamakkoninga tamaungautijauvotit: takojatit tamaita oᴋautigikit Israêlib ᴋitornganginut.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Lukase 19:47

Uvlullo tamaita katimaviksoarme ajoᴋertuivok. Ajoᴋertuijoksuille, aglangniglo ilisimajut, inuillo angajoᴋângit pinasuarput toᴋotsomavlugo.

Johannese 18:20

Jêsusib kiovâ: Agviartaunanga tusarnartomik oᴋâlalauᴋpunga silaksoarmiunut. Ilinniarvingnelo katimaviksoarmelo ajoᴋertuilaukpunga, Jûdit ilûnnatik katimavingine, oᴋâlalaungnangalo sumik sagvangitome.

Johannese 8:2

ᴋaulermallo katimaviksoarmut ᴋailerivok, inuillo ilûnnatik tikipât, ingidlunelo ajoᴋertorpait.

Apostelit Piniarningit 20:20

(Kaujimavapsingalo) angigutilaunginapse idluartomik sumiglônêt oᴋâlatigijaksamnik ajoᴋertûtigijaksamniglo ilipsingnut katimatiluse iglupsingnelo.

Apostelit Piniarningit 20:27

Angigutilaunginapse, oᴋâlavlungale Gûdib perᴋojanginik tamainik.

Apostelit Piniarningit 5:25

Tagva unipkâriartortoᴋarpok tâpkonunga imâk: Ahâk, angutit parngnanairsimavingmut pitilauktase katimaviksoarmêput, nangerlutiglo inuit ajoᴋertorpait.

Apostelit Piniarningit 5:42

Sorairatiglo ajoᴋertuivut uvlut tamaita katimaviksoarme iglullo nallîne, oᴋautigilugillo oᴋautsit tusarnertut Jêsuse Kristusemik.

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 12:5

Iniksarle Nâlekab Gûdipse annerijomârtanga kinguvârêngnipsingnit tamainit atterminut iniksautitsomavlugo, inigijomârtanga tâmna torâvigijaksarivase, tagvungartuksauvluselo;

Deuteronomy 4:2

Oᴋauseᴋ perᴋojijutigijara ilipsingnut ilajaksaringilase ilangaraksarilungilaselônêt; Nâlekab Gûdipse perᴋojangit perᴋojarijakka ilipsingnut nelaudlugit piᴋovluse.

Josua 8:35

Oᴋauseᴋalaungilak attautsemiglonêt perᴋojaulauktomik Mosesemut, Josuab ᴋaigarsuktauᴋolaungitanganik illagektut Israelitit illunatik takkoane arnallo sorrutsillo tujormijallo, agvertartut tapkoa akkorngane takkoane.

Takotitaunermik 22:19

Illangaijoᴋarpat oᴋautsinik nelautaimajunik aglangne tamakkonanêtunik, Gûdib tagva illangaivigijomârpâ piksanganik aglangnit ômanartunit, iglugasaksoarnillo ivsornaitunit, aglaksimajunillo aglangne tamakkonane.