Jeremia 26:19 - Labrador Inuttitut Heritage Bible

¹⁹ Hiskiab, Judab ataningata, Judablo inungita ilûnatik toᴋolauᴋpatsûk? Nâlagaᴋ sivôragilaungilaûk, Nâlakablo saimaninga ᴋenuarilugo, Nâlakablo ᴋaᴋᴋialerutigilaungilaûk idluineᴋ oᴋautigilauᴋtane piniaromavlugo tâpkonungâ? Taimaglo tarnivut idluitulivigidlarajarpavut.

Jeremia 26:19 Iomraidhean Croise

II Samuel 24:16

Engeliblo aggane issangmagit Jerusalemib ᴋollânut asseroromavlugit; Nalegak ᴋaᴋᴋialerpok idluinermik tamattominga, oᴋarlunelo Engelemut, asseroijomut innugatsoarnik: Namaksivok, aggaktit erᴋitikit. Nalekable Engelinga Arafnab Jebusitereôjub ᴋaᴋᴋojaksaliorvinganelaukpok.

II Kronika 32:20

Attanerlo Hiskia nallautaijorlo Jesaiase tuksiarpuk tamanna pivlugo, nipliadlarlutiglo ᴋillangmut.

II Kronika 34:21

Nalegak apperiartorsiuk pivlunga, Israelitillo amiakungit pivlugit, Judakullo pivlugit, aglait nachvartaumajut pitjutigallugit; Nalekab ningarninga kovijaumajok uvaptingnut angijovaksôngmat, atâtagijapta Nalekab oᴋausingit mallilaungimagit, pinniartaililutik sorlo aglaksimangmat aglangne tapᴋonane.

Exodus 32:14

Nâlegarlo anusingorpok idluinermit piniaromajaminit inuᴋotiminut.

Jesaiase 26:21

Ahâgle, Nâlegaᴋ inniminit annijomârpoᴋ, nunaᴋsûb inungit pidlariartorlugit kassẽningit pivlugit; nunablo auk ingminut kovijaumajoᴋ saᴋᴋertitsomârpâ, toᴋotaumajullo ingmine niparungnairtillugit.

Jesaiase 37:1

Attaneruble Hiskiab tamakkoa tussaramigit, annorâne allikpait pôksajaniglo ulliᴋarlune Nâlekab iglunganut itterpoᴋ.

Jesaiase 37:4

Nâlegaᴋ Gûdit tussarniangikune Rabsakib oᴋausinginik illũnainik, tillijaumajub angajoᴋâminut, Assiriamiut attaningannut, Gûdemik ômajomik mittauteᴋalerᴋovlugo. Imaᴋâ sugiarniarpâ oᴋautsit pivlugit Nâlekab Gûdivit tussartangit. Tagva igvit amiakôjut, ᴋemaktaujut sulle tuksiarutigilaukit.

Jeremia 26:15

Kaujimaleritsele nalonangimariktomik, toᴋogupsinga auk pasijaksaungitoᴋ pitiniarapsiuk ilipsingnut iglugasaksoarnullo ukkununga inunginullo; tagva mikseᴋârtôvoᴋ Nâlakab tilisimangmanga ilipsingnut oᴋautsit tamakkoa tamaita oᴋâlautigilugit siutipsingnut perᴋovlunga.

Jeremia 26:3

Imaᴋa tusaromalârput sâgiarlutiglo ilûnatik apᴋotigijamingnit idluitunit, idluitoᴋ piniarnilungnerijomalauᴋtara tâpkonunga piniarnerijamik idluiningat pivlugo ᴋaᴋᴋialerutigivlugo pijungnarᴋovlunga.

Jeremia 44:7

Taimaimat mâna imâk oᴋarpoᴋ Nâlagaᴋ, Gude Zebaot, Israêlib Gudinga: Soᴋ taimak angitigijomik tarnise idluitulitipisigîk, nakatsiluse ilipsingnit angutiniglo arnaniglo sorutsiniglo amâmaktuniglo Judamit, amiakoᴋarungnaiᴋovlusê?

Amos 7:3

Nâlegak nâpkigosulerpok tagva tamanna pitjutigivlugo; Tamanna pijuksaungilaᴋ, oᴋarpok Nâlegak.

Habakûb 2:10

Inûᴋotivît kangusûtigijaksanganik atuinaruterivotit, inôᴋatigêt unuktut kipigangne, tarnîllo idluitulivigivat.

Saggaria 7:2

Bêtelemiulle tiliklersimalauᴋput Sarêseremik Rêgemêlekemiglo tâpkoalo angutinginik ᴋenujartorᴋovlugit Nâlekab saimarsaininganik,

Numbers 16:38

Idluitulijut ipkoa, inôsermingnik akkilêgiaᴋalauᴋtut idluitulinitik pivlugit, pujôrtitsivingit, katjuktaulillo matuksauᴋovlugit tunerguservingmut; tunergutigilaungmagit Nâlekab sângane, taimaimallo ivsornaiput; kigligiutjutiksaulârpullo Israêlikunut.

Mattêuse 23:35

Tikitaukovluse idluartut aunginut ilûnainut, nunamut kovijaujunut, idluartub Abelib aunganit, Zacharîasib, Baraᴋîasib erningata aunga tikidlugo, toᴋolauktapse katimaviub tunerguserviublo akorngangne.

Apostelit Piniarningit 5:39

Gûdemille pikpatta, aserorlugit ajorpase; Gûdemut akkerartoromajutitut naipitauᴋonase.

Takotitaunermik 16:6

Ivjornaitut nelautaijokotitillo aungit tâpkoa kovilaungmagit, aungmik imertilaurivatit, taimaititaujariaᴋarmatta.