Jeremia 26:13 - Labrador Inuttitut Heritage Bible

¹³ Taimaimat mâna arvertarnise piniarniselo âᴋiksorsigik, Nâlakablo Gudipse nippinga nâlaksiuk; Nâlakablo ᴋaᴋᴋialerutigijomavait idluinerit oᴋautigilauᴋtane pivluse.

Jeremia 26:13 Iomraidhean Croise

Exodus 32:14

Nâlegarlo anusingorpok idluinermit piniaromajaminit inuᴋotiminut.

Jesaiase 1:19

Kunulungikupse nâlekluselo, nunab perortungit nerrijomârpasse.

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Jeremia 11:4

Angerutigilauᴋtamnik atâtagijapsingnut uvlorme aularutjivigilauᴋtamne tâpkoninga nunamit Egiptenemit, kiaksauteâlungmit kikiangojomit, oᴋarlunga: Nippiga nâlaksiuk, piniarlugillo tamaita perᴋojakka ilipsingnut; taimak inuᴋutaujomârpose uvamnut, uvangalo Gudeojomavunga ilipsingnut;

Jeremia 18:11

Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 18:8

Inôᴋatigêksuit tâpkoa oᴋautigijakka, sâgiarpatta idluitulinermingnit, ᴋaᴋialerutigijomavara idluitoᴋ kajusijutigilauᴋtara piniaromavlugo tâpkonunga.

Jeremia 26:19

Hiskiab, Judab ataningata, Judablo inungita ilûnatik toᴋolauᴋpatsûk? Nâlagaᴋ sivôragilaungilaûk, Nâlakablo saimaninga ᴋenuarilugo, Nâlakablo ᴋaᴋᴋialerutigilaungilaûk idluineᴋ oᴋautigilauᴋtane piniaromavlugo tâpkonungâ? Taimaglo tarnivut idluitulivigidlarajarpavut.

Jeremia 26:3

Imaᴋa tusaromalârput sâgiarlutiglo ilûnatik apᴋotigijamingnit idluitunit, idluitoᴋ piniarnilungnerijomalauᴋtara tâpkonunga piniarnerijamik idluiningat pivlugo ᴋaᴋᴋialerutigivlugo pijungnarᴋovlunga.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 36:3

Imaᴋa Judab kinguvângit tusarajarput idluitunik tamainik kajusijutigijamnik piniaromavlugit tâpkonunga; sâgiarajarmattalo ilûnatik atunit apᴋotigijamingnit idluitomit; issumagijungnaivigivlugit ajorninginit idluitulininginillo pijungnarᴋovlunga.

Jeremia 38:20

Jeremiale oᴋarpoᴋ: Pitilulângilâtit. Nâlalauruktôᴋ Nâlakab nippinga, makkonane oᴋautigijamne ilingnut; idluarᴋutigilârangne, tarnîllo inôjomârpoᴋ.

Jeremia 42:10

Nuname tamattomanêgomagupse tamattomanêtuinaritse inersititsomârpapse igupteromanaselo, ilijomârpapselo nusugomanaselo; ajortoᴋ piniarnerisimajara ilipsingnut ᴋaᴋialerutigigapko.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Joel 2:14

Kina ᴋaujimavâ anusingorniangimangât issumatârlunelo, ᴋemainiangimangâllo saimanartomik kingunermine, tunergutiksamik nerᴋiksamik tunergutiksamiglo imiksamik Nâlekamut Gudipsingnût?

Jona 3:9

Kina ᴋaujijungnarᴋâ Gude sanguniangimangât ᴋaᴋialerlunelo, allailunelo ningarnersoaminik, asserortauᴋonatâ?

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Deuteronomy 32:36

Nâlekab inuᴋotine erᴋartoromârmagit kivgaᴋotinelo nâpkigilugit; takogame pitsartuerutingmatta, simnikoᴋarungnairmat ᴋomergutaujomiglônêt atuinaujomiglônêt.

Ebrêerinut 5:9

Tamaitalo nâmaksitinamigit, nalektiminut ilûnainut piulijaujutaumalerpoᴋ nâksaungitomik;

Idluarsaijut 2:18

Nâlekable idluarsaijoᴋartilaurangagit, tagva Nâlekab idluarsaijok aiparilaukpa, ikkajorlugillo omigijingita agganginit idluarsaijok inotillugo. Nâlekab tapkoa ogguarningit, taipkoa oᴋumaiksartitsijut tapkoninga pivlugit, illapsugosujutigingmagit.