Jeremia 26:12 - Labrador Inuttitut Heritage Bible

¹² Tagva Jeremia oᴋarpoᴋ angajoᴋâᴋsoarnut inungnullo tamainut, oᴋarlune: Nâlakab tililauᴋpânga nalautaiᴋovlunga oᴋautsinik tamainik tusartapsingnik iglo tamanna iglugasaksuillo makkoa pitjutigilugit.

Jeremia 26:12 Iomraidhean Croise

Jeremia 26:15

Kaujimaleritsele nalonangimariktomik, toᴋogupsinga auk pasijaksaungitoᴋ pitiniarapsiuk ilipsingnut iglugasaksoarnullo ukkununga inunginullo; tagva mikseᴋârtôvoᴋ Nâlakab tilisimangmanga ilipsingnut oᴋautsit tamakkoa tamaita oᴋâlautigilugit siutipsingnut perᴋovlunga.

Jeremia 26:2

Imâk Nâlagaᴋ oᴋarpoᴋ: Nangerit Nâlakab iglungata avalungita iluane, Judablo iglugasaksoarmiungit tamaita tuksiariartortut Nâlêkab iglunganut oᴋâlavigikit, oᴋautsinik tamainik ilingnut oᴋâlautauᴋolauᴋtamnik tâpkonunga; oᴋautsemik atautsemiglônêt ikitliniarnagit.

Hesekiel 21:7

Aperikpatillo: Sôᴋ anersaumivêt? oᴋartuksauvotit: Unipkautaujut pivlugit, neliutilermat: ômatillo ilûnatik auksijomârput, aggaillo ilûnatik nukingêrutijomârput, anernillo ilûnatik maksuijarsimajomârput, serᴋullo ilûnatik imeᴋtut sangêtigijomârput; ahâk, neliutilerpoᴋ nelautsilârporlo, oᴋarpoᴋ Nâlegaᴋ Nâlegaujoᴋ.

Amos 3:8

Loeve erinaloaᴋijâdlarpok, kina erᴋsiniangilâk? Nâlegak Nâlegaujok oᴋarsimavok, kina nalautaitailijungnarᴋâ?

Apostelit Piniarningit 4:19

Pêtrusible Johannesiblo kiovait oᴋautivlugillo: Nangminek kiglisiniaritse, Gûdib sângane idluarmangât, ilipse uvaptingnut nâlektaunersaugupse Gûdemit.

Apostelit Piniarningit 5:29

Pêtrusible kiovait Apostelillo oᴋarput: Gûde nâlengnarnersauvoᴋ inungnit.