Jeremia 24:9 - Labrador Inuttitut Heritage Bible

⁹ Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

Jeremia 24:9 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Kronika 7:20

Tagva nutsungniarpakka nunaᴋotimnit, tunnilauktamnit tapᴋonunga, iglolo tamna ivsornaiviotilauktara attimnut, eginiarpara kênama sânganit, oᴋausiovaktungortiniarparalo oᴋangoarutingortiniarlugolo innuᴋattigêksuit illunatik akkorngane.

Imgerut 69:11

Attisimavunga pôksaijamik, oᴋausiovakpungalo tâpkonunga.

Jesaiase 43:28

Tamanna pivlugo angajoᴋaujut ivsornaitovingme ivlernarungnairtipakka, Jâkokkut ôminartillugit Israêlikkullo mittautaunartillugit.

Jesaiase 65:15

Attiselo ᴋemagomârpasse anerijamnut ôminautiksangortillugo, Nâlekab Gûdib toᴋotsomârmasse; kivganele atseraromârpait attermik assianik.

Jeremia 15:4

Egitautitsomavakkalo sunatuinarnut ataniovit nunamêtut akorngane, Manasse, Hiskiab erninga, Judab ataninga pivlugo, piniarnerilauᴋtanga Jerusaleme pitjutigilugo.

Jeremia 19:8

Iglugasaksuillo tamakkoa tataminiarutautitsomavakka inerᴋogijaungitilugillo; apᴋusârtut ilûnatik tataminiarutigilârpait inerᴋoginagillo, asserortaumaningit ilûnaita pivlugit.

Jeremia 25:18

(Imaitut): Jerusalem, Judablo iglugasaksoangit, tâpkoalo ataningit angajoᴋâᴋsoangillo, serᴋomakungortitsomavlugit, ᴋoaᴋsângajutiksangortilugillo, mitautiksautilugillo, ôminarsitiksautilugillo; sorlo uvlome ilingangmat;

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 29:22

Tâpkoalo oᴋarnerlutigijaujomârpuk Judamit aularutijaujunut tamainut Babilonemêtunut, oᴋautauvlutik: Nâlakab ilingatilitit Zedekiatut Ahabetullo, Babilonib ataningata ôtitâgiktitut ikomamut;

Jeremia 34:17

Taimaimat imâk oᴋarpoᴋ Nâlagaᴋ: Nâlaksimanginapsinga ᴋaujititsiluse kipalûtjârinermik ilûnase atunit ᴋatangutiminik, ilûnaselo atunit inôᴋatiminik; ahâk, ᴋaujititsivunga ilipsingnik kipalûtjârinermik saviksoarmut, oᴋarpoᴋ Nâlagaᴋ, nusilingnartomullo, kângnartoᴋsoarmullo; egiorᴋartautitsomârpapselo nunaᴋsûb ataniovingita ilûnatik akorngane.

Jeremia 42:18

Imâk oᴋarmat Nâlagaᴋ Zebaot, Israêlib Gudinga: Sorlo ningaumajârnera ᴋaningaumajârneralo kovijaumangmat Jerusalemib inunginut, taimaktauᴋ ᴋaningaumajârnera kovijaulârivoᴋ ilipsingnut Egiptenaliarupse; ôminarsitiksaujomârposelo, tataminiarutiksauvluselo, oᴋarnerlutjaujutiksauvluselo, mitautiksauvluselo; nunalo tamanna takoniarungnaipase kingorngane.

Jeremia 44:12

Judablo amiakungit, sangutitsisimajut kênamingnik aijomavlutik nunamut Egiptenemut taikane nunaᴋaromavlutik, tgujomârpakka nungutaujuksauvullo; nuname Egipteneme ioggotsomârput; nungutaujomârput saviksoarmut kângnartoᴋsoarmullo; toᴋojomârput, mikinerpâmit anginerpâk tikidlugo, saviksoarmut kângnartoᴋsoarmullo; ôminarsititaujomârpullo, tataminiarutiksaujomârlutiglo, oᴋarnerlûtiksaujomârlutiglo, mitautiksaujomârlutiglo.

Jeremia 44:13

Sugiaromârpakkalo nuname Egipteneme nunalît, sorlo Jerusalem sugailaurapko, saviksoarmut, kângnartoᴋsoarmullo, nusilingnartomullo;

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Hesekiel 23:46

Imâk oᴋarmat Nâlegaᴋ Nâlegaujoᴋ: Inugiartoᴋsuit majorartitsomavakka tâpkungnunga, tunijomavâkalo egitauᴋattarᴋovlugik namutuinaᴋ asserortauᴋovlugiglo.

Hesekiel 25:3

Ammoniblo ᴋitorngangit oᴋautikit: Nâlekab Nâlegaujub oᴋausinga tusarsiuk: Imâk oᴋarpoᴋ Nâlegaᴋ Nâlegaujoᴋ: Annerpanarmêk, ivsornaitoviᴋotiga pivlugo ivsornaijungnaititaungmat; Israêliblo nunanga pivlugo sujuktaungmat; Judablo ᴋitorngangit pivlugit aularutijaungmatta;

Hesekiel 26:2

Inûb erninga, Tiruse Jerusalem pivlugo oᴋarmat: Annerpanarmêk, taimna inôᴋatigêksuit itervigilauᴋtangat serᴋomisimavoᴋ, uvamnut sanguvoᴋ; ilumertaulârpunga mâna tâmna asserortaungmat:

Hesekiel 5:8

Taimaimat imâk oᴋarpoᴋ Nâlegaᴋ Nâlegaujoᴋ: Ahâk, uvanga, ila, uvanga nangmineᴋ sâpagit; erᴋartuinikkalo piniaromavaᴋᴋa ilingnut inôᴋatigêksuit takoane.

Deuteronomy 28:25

Nâlekab pikaluktautitsomârpâtit ômigijivit sângine; apᴋut atausek atorlugo anilârpotit tâpkonunga, apᴋulle sevenit atorlugit ᴋemâlârpotit tâpkonangat; egitauᴋatalârpotillo utertarᴋatartomik silaᴋsûb nâlegauvingine tamaine.

Deuteronomy 28:37

Igvillo ᴋoaᴋsângajutiksangoromârpotit, alêᴋutiksangorlutillo, mitautiksangorlutillo inôᴋatigêksuit, Nâlekab tikiviotitangita ilingnik, akorngane.