Jeremia 24:8 - Labrador Inuttitut Heritage Bible

⁸ Sorlolo paungatannait piungitut, nerrijaujungnangitut taimak piungitigigamik; ahamarik Nâlagaᴋ imâk oᴋarpoᴋ: Taimailioromârpakka Zedekia, Judab ataninga, angajoᴋângillo, Jerusalemiullo amiakungit amiakôjut nuname tamattomane, Egiptenemelo nunaᴋartut;

Jeremia 24:8 Iomraidhean Croise

I Kronika 3:15

Josiab erningit tapkoangolaukput: Sivurlek Johanan, tuglek Jojakim, pingajoat Zedekia, sitamangat Sallume.

Jeremia 13:7

Farâtemut ailauᴋpunga tagva, aggarlungalo, tapserullo tiguvara ijersivigilauᴋtamnit tâpsominga, ahâglo, tapserut sujuksimavoᴋ, sunamullônêt atoraksaujungnaivlune.

Jeremia 21:10

Kênara sangutisimagapko iglugasaksoarnut makkonunga kapiasuktitsomavlugit, idluartulivigijomavlugi-ungitoᴋ, Nâlagaᴋ oᴋarpoᴋ; tunijaujuksaungmatta Babilonib ataningata agganginut, tâpsomalo ikilârpait ikomamut.

Jeremia 24:2

Amargaujâk aipanga paungatannaktaᴋarpoᴋ piojunik, sorlo paungatannait sivorlit innersimatainartut, amargaujâglo aipâ paungatannaktaᴋarpoᴋ piungitôdlartunik, nerrijaujungnangituniglônêt taimak piungitigidlarmatta.

Jeremia 24:5

Imâk oᴋarpoᴋ Nâlagaᴋ, Israêlib Gudinga: Paungatannaktitut ukkutitunak piojutitut, taimak issumagijomavakka aularutijaujut Judamit, aulartitakka nunamit mattomangat Kaldêarit nunanganut, ajungitulivigijomavlugit.

Jeremia 37:10

Annaulersimagaloarupsigik Kaldêamiut sorᴋsuktoᴋatigêksoangit sorᴋsukvigijise ilûnaita, ikkelingnik kissianik amiakoᴋartilugit, sulle tâpkoa ilûnatik makitajârput atunit tupermine, iglugasaksuillo makkoa ikilugit ikomamut.

Jeremia 37:17

Ataniub Zedekiab tiliklerlune aijautipâ; ataniublo angigutjivlune iglomine aperivâ, oᴋarlune: Nâlakamit pijomik oᴋauseᴋarᴋâ? Jeremialo oᴋarpoᴋ: Pitaᴋarpoᴋ. Oᴋarporlotauᴋ: Igvit tunijaulârpotit Babilonib ataningata agganginut.

Jeremia 43:1

Pijoᴋarporlo Jeremiab inungnut tamainut oᴋautigijarêramigit Nâlakab Gudingata oᴋausingit tamaita, Nâlakab Gudingata tiliklerutigijangit tâpsominga tâpkonunga, ila, oᴋautsit makkoa tamaita;

Jeremia 44:1

Oᴋauseᴋ tikilauᴋtoᴋ Jeremiamut Judit tamaita nuname Egipteneme nunaᴋartut pitjutigilugit, nunaᴋartut Migdoleme, Tapanêsemelo, Nofemelo, Patrosiblo nunangane, oᴋarlune: