Jeremia 24:2 - Labrador Inuttitut Heritage Bible

² Amargaujâk aipanga paungatannaktaᴋarpoᴋ piojunik, sorlo paungatannait sivorlit innersimatainartut, amargaujâglo aipâ paungatannaktaᴋarpoᴋ piungitôdlartunik, nerrijaujungnangituniglônêt taimak piungitigidlarmatta.

Jeremia 24:2 Iomraidhean Croise

Jesaiase 5:4

Sumik sulle pijarialingmik perorsêviga vaineliksatalik pivigingilarâ? Sôᴋ paungalukaᴋarᴋâ, ajungitunik paungaᴋarniksanga nerriugigapko?

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Jeremia 29:17

Imâk oᴋarpoᴋ Nâlagaᴋ Zebaot: Ahâk, tilikliutjijomavunga tâpkonunga saviksoarmik, kângnartoksoarmiglo, nusilingnartomiglo, ilingatitsomavakkalo paungatannaktitut piungitutitut nerrijaujungnangitutitut, taimak piungitigigamik.

Hosea 9:10

Israêle naipilauᴋpara sorlo vaineliksat paungangit sunaᴋajuitome; atâtase takolauᴋpakka sorlo paungatannait innerᴋârtut paungatannaᴋuteme pijariortome: tikilauᴋpulle Baal-peoremut, kangunartomullo ingmikôrtiput, ungagijingititullo maᴋojungnartigijôvut.

Migga 7:1

Kapianarmek uvanga! Ilingavunga sorlo kinguraijoᴋ katersorêrpatta paunganik aujaᴋsiutinik, sorlo vainiksat amiakunginik ᴋenertoᴋ katersoiviub kingorngane; nerrijaksaᴋangilaᴋ; aungatannaᴋarungnaiporlo tarnima ikligijanganik.

Nahum 3:12

Ungalujijoksoatit ilûnatik napârtutitut paungatannaktaliktutitut pijariorutinik ilingavut, aulajârtitaugunik katakput kâdlartûb ᴋaninganut.

Numbers 18:13

Nunangita paungangit innersimaᴋârtut ilûnaita âtangit Nâlekamut, igvit pigilârpatit; ivsornaitut iglungnêtut ilûnatik nerrijuksauvut tâpkonangat.

Mattêuse 5:13

Nunab sioraujarivâse. Sioraujak tarriornitsungnairpat, sumût tarriornititaunajarivâ? Atoraksaujungnairpok, egitaksauvlune inungnut tulleraksauvok.