Jeremia 24:10 - Labrador Inuttitut Heritage Bible

¹⁰ Saviksoarlo, kângnartoᴋsoarlo, nusilingnartorlo tilijomavakka tâpkoa akornganut, nungutauᴋovlugit nunamit tunilauᴋtamnit tâpkonunga atâtagilauᴋtanginullo.

Jeremia 24:10 Iomraidhean Croise

I Atannit 14:15

Nâlekablo Israelitit annauleromârpait, aulaᴋovlugit, sorlo ivik suvlolik imâne aulataungmat, Israelitillo nutsugomârpait nunamit ajungitomit mattomangat tunnilauktaminit atâtanginut, siamârtitsomârpaillo kôksub ungâtânut, tamânna pivlugo napârtoᴋotimingnik (Gûdingoalingnik) sanalaungmatta, Nâlegak ningaksaromavlugo.

Jesaiase 51:19

Makkoa tikkingmattit, kia naiperᴋotigijungnarᴋâtît: asserortaunerublo nungutaunerublo, kângnerublo saviksûblo? Kanoᴋ manigoijungnarᴋêk illingnik?

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 15:2

Oᴋautikpatillo: Namut aijuksauvitâ? oᴋautilârpatit: Imâk Nâlagaᴋ oᴋarpoᴋ: Toᴋomut ilingatitaujut, toᴋomut; saviksoarmut ilingatitaujut, saviksoarmut; kângnartoᴋsoarmut ilingatitaujut, kângnartoᴋsoarmut; aularutjaunermullo ilingatitaujut, aularutjaunermut.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 19:7

Uvangalo Judab Jerusalemiblo atanertuijingit kovijomârpakka nuname tamattomane, oggotitautitsomârpakkalo saviksoarmut ômigijimik sângine, inôsingitalo pinasuartingita agganginut; timingillo tunijomârpakka nerᴋiksauᴋovlugit tingmianut ᴋilaub atânêtunut, nergjutinullo nunamêtunut.

Jeremia 21:9

Iglugasaksoarne ukkunane noᴋangajut toᴋojuksauvut saviksoarmut, kângnartoᴋsoarmullo, nusilingnartomullo; anijorle ilauniarlunalo Kaldêamiunut ilumajipsingnut, inôlârpoᴋ, inôsinalo aᴋsârnigaujotut piksariniarpâ.

Jeremia 27:8

Pijoᴋalârporlo, inôᴋatigêksuit ataniovillo kivgartoromangitut Nebukadnezaremik, Babilonib ataninganik, ilijijomangitullo ᴋongasermingnik Babilonib ataningata nangmautinganut, inôᴋatigêksuit tâpkoa sugiaromavakka saviksoarmut, kângnartoᴋsoarmullo nusilingnartomullo, nungutsiᴋârtinanga tâpkoninga tâpsoma agganginut.

Jeremia 29:17

Imâk oᴋarpoᴋ Nâlagaᴋ Zebaot: Ahâk, tilikliutjijomavunga tâpkonunga saviksoarmik, kângnartoksoarmiglo, nusilingnartomiglo, ilingatitsomavakkalo paungatannaktitut piungitutitut nerrijaujungnangitutitut, taimak piungitigigamik.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 32:25

Igvillo Nâlagaᴋ Gudik! oᴋautivarma: Perorsêvik pisiariuk kênaujanut, kigligiutjijuksaniglo ᴋaiᴋojilerit; sunaubva iglugasaksuit tunijaumagaloartilugit Kaldêamiut agganginut.

Jeremia 34:17

Taimaimat imâk oᴋarpoᴋ Nâlagaᴋ: Nâlaksimanginapsinga ᴋaujititsiluse kipalûtjârinermik ilûnase atunit ᴋatangutiminik, ilûnaselo atunit inôᴋatiminik; ahâk, ᴋaujititsivunga ilipsingnik kipalûtjârinermik saviksoarmut, oᴋarpoᴋ Nâlagaᴋ, nusilingnartomullo, kângnartoᴋsoarmullo; egiorᴋartautitsomârpapselo nunaᴋsûb ataniovingita ilûnatik akorngane.

Jeremia 42:17

Taimailingalârput angutit ilûnatik torârtitsijut kênamingnik Egiptenaliaromavlutik taikane nunaᴋaromavlutik; toᴋolârput saviksoarmut kângnartoᴋsoarmullo nusilingnartomullo; atautsimiglônêt amiakoᴋaromângilaᴋ annatoᴋaromângilarlo idluitomit tikiutijomajamnit tâpkonunga.

Jeremia 42:22

Taimaimat nalonangitomik ᴋaujimaleritse mâna, toᴋolârapse saviksoarmut kângnartoᴋsoarmullo nusilingnartomullo nuname katjârvigijapsingne nunagijartoromavlugo.

Jeremia 5:12

Nâlagaᴋ missiarutigivât, oᴋarlutiglo: Tâmnaungilaᴋ; idluinerublo tikiniangilâtigut; takoniangilagullônêt saviksoarmik kângnartoᴋsoarmiglônêt;

Jeremia 9:15

Taimaimat imâk oᴋarpoᴋ Nâlagaᴋ Zebaot, Israêlib Gudinga: Ahâk, inugasaᴋsuit tamakkoa mamaitoᴋsoarnik nerrititsomavakka, imermiglo sungârnitomik imertitsomavlugit.

Jeremia 9:16

Siamartitsomavakka inôᴋatigêksuit akornganut, tâpkoalônêt atâtangitalônêt ilitarilaungitanginut; udlartautitsomavakkalo saviksoarmut, nungutsiᴋârtinanga tâpkoninga.

Hesekiel 33:27

Imâk oᴋautijaksarivatit: Imâk oᴋarpoᴋ Nâlegaᴋ Nâlegaujoᴋ: Sorlo mikseᴋârtomik oᴋarama, sunaᴋarungnaitunêtut oggotitaulârput saviksoarmut, naternamêtorlo tunijomalârpara nergjutinut nerrijaksauᴋovlugo, ungaluksoanêtullo ᴋairosungnêtullo toᴋotaujuksauvut nûsilingnartomut.

Hesekiel 6:11

Imâk oᴋarpoᴋ Nâlegaᴋ Nâlegaujoᴋ: Aggaktit pattaktorkit, ittigarnullo tukkartorit, oᴋarlutillo: Kappê, Israêlib ᴋitorngangita idluituliningit maᴋojungnartut tamaita pivlugit; toᴋoraromârmatta saviksoarmut, kângnartoᴋsoarmullo, nûsilingnartomullo.

Hesekiel 7:15

Saviksoaᴋ silamêpoᴋ, nûsilingnartorlo kângnartoᴋsoarlo iglomêpuk: perorsêvingmêtut toᴋovut saviksoarmut, iglugasaksoarnêtullo kângnerub nûsilingnartublo nunguniarpait.

Deuteronomy 28:21

Nâlekab nusilingnartok unangmiklertiniarpâ ilingnik, pêjartauᴋârtinak nunamit aivigijarnit pigijomavlugo.

Takotitaunermik 6:8

Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.