Jeremia 23:6 - Labrador Inuttitut Heritage Bible

⁶ Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Jeremia 23:6 Iomraidhean Croise

I Atannit 4:25

Taimâk Judakut Israelitillo ussornarnarlutik nunakalaungmatta, nelliat napârtokotime Weineliksab atâne, Feigeliksablo atâne, Danemit Berseba tikkidlugo, Salomob inosingane tamât.

Imgerut 45:5

Karᴋjuᴋotit ikpikput, innuᴋattigêksuit ochoᴋovlugit attingnut; attaniub ômigijingita ômattinginnut kibligutivut.

Exodus 9:26

Gosenemele, Israêlikut nunagijangane, kisiane nattarᴋonâlungnik kataktoᴋalungilak.

Jesaiase 2:4

Erᴋartuijomârporlo nallojut akkornganne nunaᴋatigêksuillo unuktut inerterlugit. Tagva saviksoaᴋotimingnik poagitelioromârput ᴋallugiaᴋotimingniglo iviksukatautelioromârput. Nunaᴋatigêt nellîllõnêt assimingnut saviksoarmik atorungnairomârput, unatadlarnermiglo illiniarungnairomârput.

Jesaiase 32:1

Ahak, attaneᴋ attaniojomârpoᴋ idluarnermik attortoᴋ, angajoᴋajallo aulatsijomârput erᴋartuitsiarlutik.

Jesaiase 32:18

Inuᴋotikkalo iglune ullapirsautelingne inneᴋaromârput, iglune terlingnartune merngoerservingnelo nangianalungitune.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jesaiase 33:5

Nâlegaᴋ ᴋotsikpoᴋ, ᴋotsiktome inneᴋartoᴋ. Zione pitatserpâ erᴋartuitsiarnermik idluarnermiglo.

Jesaiase 35:9

Tagvane loeveᴋaromângilaᴋ, ômajomiglo kêsuktoᴋsoamik tagvûna pissuktoᴋaromângilaᴋ tagvanẽtoᴋaranelo. Uttertitaujulle pissugomârput tagvane.

Jesaiase 42:6

Uvanga Nâlegaujunga ᴋairᴋovagit, idluartomik illiorlunga, aggatit tiguvakka, sapputivagit, angerutigijaujotut illingatipagit inungnut, ᴋaumaksaijuksatut nallojunut.

Jesaiase 45:17

Israêlele piulijaujomârpoᴋ Nâlekamut, piulijauviksaᴋartitauvlune issoᴋarniangitomik. Kangusuktitauniatsangilase mittautauniatsanaselo nâksaungitomut aglât.

Jesaiase 54:17

Sakkut illũnatik, sorsugvigijomavlutit senajaujut, sullijomângilat, oᴋallo ilũnaita erᴋartoromavlutit pilertut igvit erᴋartoromârpattit. Tamadja Nâlekab kivgangita kingormgutijaksangat idluarᴋutiksangallo uvamnit pijoᴋ, oᴋarpoᴋ Nâlegaᴋ.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Jeremia 29:11

Uvanga nalunginakpit issumat pivluse issumagijakka, oᴋarpoᴋ Nâlagaᴋ, issumat ulapirᴋsautelit, idluitôlungitullo, mattoma kingorngane tunitjivigijomavluse nerriungnermik.

Jeremia 30:10

Taimaimat, sivôraniarnak Jâko kivgara, oᴋarpoᴋ Nâlagaᴋ; kapiasudlarnak, Israêle; ahâk, ᴋelujomârpagit ungasiktomit, kinguvâksatillo nunamit aularutijauvigijamingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Jeremia 31:23

Imâk oᴋarpoᴋ Nâlagaᴋ Zebaot, Israêlib Gudinga: Oᴋautsit makkoa oᴋauserijomârivait Judab nunangane iglugasaksoanginalo, aularutijaunermit utertigupkit: Nâlakab saimarsarlitit, inniksaujotit idluarnermik, ᴋaᴋᴋaujotit ivsornaitoᴋ.

Jeremia 32:37

Ahâk, katersoromavakka nunanit tamainit ajaktortauviotilauᴋtamnit tâpkoninga ningarnimne, ᴋaningaumajârnimnalo, ilungertudlarnermelo; tikiutitsomagivakkalo tamaunga, terliklutiglo inôᴋojomavakka;

Jeremia 33:15

Uvlune tâpkonane, naliutomelo tâpsomane, nuitatitsijomârpunga nutaijoᴋtomik idluartomik Dâvidemut; tâmnalo erᴋartuitsiaromârpoᴋ idluarsaitsiarlunalo nuname.

Jeremia 33:16

Uvlune tâpkonane Juda piulijaujomârpoᴋ, Jerusalemelo terligomârpoᴋ; tamannalo attinga atserartaujutigijomârtanga: Nâlagaᴋ idluarsijutigijavut.

Hesekiel 21:27

Mumiklugo, mumiklugo, mumidlaromavara: tamanna taimailingajungnailârivoᴋ, tâpsominga peᴋartuksaᴋ tikerᴋârtinago, tâpsomungalo tunijomârpara.

Hesekiel 28:26

Nunagijomârpâllo terliklutik; ila, iglolioromârput, vaineliksatalingniglo ilijivlutik, terliklutiglo nunagijomârpât; erᴋartuijarêruma tamainik avatinginêtunik pagvisartunik tâpkoninga; ᴋaujijuksauvullo uvangaugama Nâlegaᴋ Gudigijangat.

Hesekiel 38:14

Tamanna pivlugo, inûb erninga, nelautailerit, Gogelo oᴋautilugo: Imâk oᴋarpoᴋ Nâlegaᴋ Nâlegaujoᴋ: Neliutome ipsomane inuᴋotikka Israêlikut terliklutik nunaᴋalerpatta, ᴋaujimaniangilatît tamattomingâ?

Hesekiel 48:35

Avatâgut suvlortut 18,000tut ituksauvoᴋ; uvlormillo tâpsomangat iglugasaksuit atteᴋartuksauvut: Nalekab najugânik.

Daniel 9:24

Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Daniel 9:7

Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.

Hosea 1:11

Judablo ᴋitorngangit Israêliblo ᴋitorngangit katijomârput, ingmingnullo atauseᴋ nâlegangortitsomârpât, majoraromârpullo nunamit, Jesreelib uvluksanga angijodlaromârmat.

Hosea 1:7

Judable ᴋitorngangit nâpkigijomavakka, Nâlekamullo Gudinganut piulijomavakka, piulijomangilakkalo pitiksimut, saviksoarmullônêt, unatarnermullônêt, horsenullônêt, horsenelônêt ablângajunut.

Hosea 2:18

Uvlormelo tâpsomane tâpkoa pivlugit angiᴋatigêngnelioromârpunga naternaub nergjutinginut, ᴋilaublo ikiangata tingmianginut, nunablo pâmgortunginut; pitikselo saviksoarlo unatarnerlo pêjaromavakka nunamit, inangatitsomavakkalo terliklutik.

Obadia 1:17

ᴋaᴋᴋamele Zioneme ᴋemâsimajoᴋaromârpoᴋ, ivsornaijomârporlo tâmna; Jâkoblo ᴋitorngangita perᴋutigilârpait perᴋutigilauᴋtatik.

Obadia 1:21

Piuliklertuksallo majuaromârput Zionib ᴋaᴋᴋanganut idluarsaromavlugit Esauib ᴋaᴋᴋanganêtut, nâlegauviglo Nâlekab pigilârpâ.

Sefania 3:13

Israêlib amiakungit idluituliniangilat, saglutiksaniglo oᴋauseᴋarniangilat; oᴋarlônêt uivêriklertok naipitauniangilak ᴋaningine; nerrilârmatta innilalutiglo, ᴋaggaijoᴋarniangilarlo tâpkoninga.

Saggaria 10:6

Jûdablo ᴋitorngangit pitsartutitsomârpakka, Josefiblo ᴋitorngangit piulijomârpakka, iniksaᴋartitsomârivakkalo, nâpkigijomârapkit; ajaktortaumalaungitutitullo îtsomârivut; Nâlegauvlunga Gudeovunga tâpkonunga, tusaromârpakkalo.

Saggaria 3:10

Uvlorme tâpsomane, oᴋarpoᴋ Nâlegaᴋ Zebaot, vaineliksataliub atânut paungatannaᴋtaliksûblo atânut ᴋaiᴋojiᴋatigêgomârpose.

Rômiunut 3:22

Idluarsinerle Gûdeme atortoᴋ, okpernermit Jêsuse Kristusemut pijoᴋ oᴋautigivara, tamainut piksaᴋ, ilûnatiglo okpertut pigijaksangat.

I Korintemiunut 1:30

Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Filippimiunut 3:9

Tâpsomane naipitaujomavlunga, idluarsineᴋarᴋonanga perᴋojanit pijomik, okpernermille Kristusemut pijomik, idluarsinermik Gûdib ilingatitanganik okpernermut;