Jeremia 23:5 - Labrador Inuttitut Heritage Bible

⁵ Ahâk, uvlut naliutijomârput, oᴋarpoᴋ Nâlagaᴋ, tagva Dâvidemut makititsijomârama nutaijoᴋtomik idluartomik, tâmnalo nâlagauvlune ataniojomârpoᴋ silatudlartomik piniarlune, erᴋartuitsiaromârporlo idluarsaitsiarlunalo nuname.

Jeremia 23:5 Iomraidhean Croise

II Samuel 23:3

Israelib Gudinga oᴋalaukpok uvamnut, Israeliblo ᴋairtunga oᴋâlalaukpok, attanniôjok idluartok innuit akkorngane, attanniôjok sivuranerme Gudemik.

Imgerut 45:4

Sâlaᴋarlutillo arvertarit mikseᴋârnek idluarnerlo illanersârtok pivlugik; tagva tallit tattamnartunnik saᴋᴋêniarpok.

Imgerut 80:15

Weineliksak aggakpît tallerpikpît illilauktanga, ernerlo soᴋᴋosijuitomik anerilauktât.

Imgerut 99:4

Attanniublo pitsartuninga, idluarnermik nagligosuktub. Illusitsiaᴋarnek aulajuitipat; idluarnermik idluarsainermiglo peᴋartitsivotit Jakokune.

Jesaiase 33:5

Nâlegaᴋ ᴋotsikpoᴋ, ᴋotsiktome inneᴋartoᴋ. Zione pitatserpâ erᴋartuitsiarnermik idluarnermiglo.

Jesaiase 4:2

Tamanna nalliutikpat, Nâlekab nuilertitanga ivlernautauvlunelo nertornautaujomârpoᴋ, nunablo (Kânaanib) perortunga annernautauvlunelo inerᴋonautaujomârpoᴋ Israêlitinut amiakôjunut.

Jesaiase 42:6

Uvanga Nâlegaujunga ᴋairᴋovagit, idluartomik illiorlunga, aggatit tiguvakka, sapputivagit, angerutigijaujotut illingatipagit inungnut, ᴋaumaksaijuksatut nallojunut.

Jesaiase 45:24

Oᴋartuksauvullo pivlunga: Nâlekame kissiane idluarsainermik pitsartunermiglo pitaᴋarpoᴋ. Tâpsomungalo tikkitsomârput, illũnatiglo tâpsominga ômisuktut kangusuktitaksauvut.

Jesaiase 52:13

Ahâk, kivgara sullitsiaromârpoᴋ aglivalliavlunelo angijororpalliavlunelo nertornarsivlunelo.

Jesaiase 53:10

Kissianele Nâlekab idluarivâ, nerᴋerᴋsudlartitsomavlugo ãniatitsomavlugolo. Tarninga (nangminerminik) tunergutiksatut sattûtiksatut tunikpat, kinguvâksaminik takojomârpoᴋ, uvluksane unuksitillugit, Nâlekablo idluarijanga pivalliatitaujomârpok aggangitigut.

Jesaiase 53:2

Nuilerpoᴋ perorsiaksatut (Nâlekab) sângane, nutaijoᴋtotullo ivjomit pallermit. Takominartomik tautuᴋangimat, kamagingilavut; takorannertoᴋangimat, ᴋuviagingilavut.

Jesaiase 9:5

Kammît illũnatik attusût sorsuktuksanut annorâllo sallumaititaumajut aungmut ikkitauvut ikkomamullo nungutauvut.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Jeremia 22:15

Atanioniarasugivêt Sêdarenik pinnarnarsauteᴋaravît? Atâtait nerrilaungilâᴋ imilunalo, erᴋartuitsiarlunalo idluarsaitsiarlarmelô? Taipsomanalo ᴋanoengitsialauᴋpoᴋ.

Jeremia 22:3

Imâk oᴋarpoᴋ Nâlagaᴋ: Nâmaktomik erᴋartuileritse idluarsailuselo, oᴋumaiksartitaujorlo piulisiuk oᴋumaiksartitsijub agganginit; idluituliniaraselo, aksorornermiglo atorniarase, tujormianullônêt, iliarsunullônêt, uigarnernullônêt, kovisiniaraselo aungmik pasijaksaungitomik nuname tamattomane.

Jeremia 22:30

Imâk oᴋarpoᴋ Nâlagaᴋ, Angut una aglaksiuk ᴋitorngaᴋangitomik, angumik piloringniatsangitomik inôsine nâvlugo; kinguvângine piloriktoᴋarniatsangimat iksivajomik Dâvidib iksivautaᴋsoangane aulatsilunalo Judame.

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Jeremia 29:11

Uvanga nalunginakpit issumat pivluse issumagijakka, oᴋarpoᴋ Nâlagaᴋ, issumat ulapirᴋsautelit, idluitôlungitullo, mattoma kingorngane tunitjivigijomavluse nerriungnermik.

Jeremia 30:3

Ahâk, uvlut naliutsomârmatta, oᴋarpoᴋ Nâlagaᴋ, inuᴋotima Israêlikut Judakullo aularutijauningat sorairtitsomârapko, oᴋarpoᴋ Nâlagaᴋ; utertitsomârpakkalo nunamut tunilauᴋtamnut atâtanginut, pigilârpâllo.

Jeremia 30:9

Kivgartulârpullo Nâlakamik Gudemingnik, atanerijamingniglo Dâvidemik, makititsomârtamnik tâpkonunga.

Jeremia 31:27

Ahâk, uvlut naliutijomârput, oᴋarpoᴋ Nâlagaᴋ, Israêlikut Judakullo karngasoivigijomârapkit karngasutinik inungnik karngasutiniglo nergjutinik.

Hesekiel 21:27

Mumiklugo, mumiklugo, mumidlaromavara: tamanna taimailingajungnailârivoᴋ, tâpsominga peᴋartuksaᴋ tikerᴋârtinago, tâpsomungalo tunijomârpara.

Hesekiel 34:16

Assiomalauᴋtoᴋ ᴋeneromârpara, ᴋemâtitaujoᴋ tikiutijomârpara, aᴋᴋunaᴋsimajorlo mangipseromârpara, ᴋanimajorlo nakoᴋsititsomârpara: ᴋoinijullo sôngojullo nungutsomârpakka; nerripkaromârpakka idluartomik.

Hesekiel 34:29

Nuilertitsijomârpungalo tâpkonunga perortomik nertortaujutiksamik, kângnartoᴋsoarmullo nuname nungutaujungnairomârput, nangmariaᴋarungnairomârpullo nelojut mitauteᴋarninginik kingorngane.

Hesekiel 45:8

Nuna tamanna pigijaksarivâ Israêleme, angajoᴋângortitama inuit oᴋumaiksartitaksaringilait kingorngane; nunale tunijaksarivâ Israêlib ᴋitornganginut kinguvârêngit maliklugit.

Daniel 9:24

Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Hosea 1:11

Judablo ᴋitorngangit Israêliblo ᴋitorngangit katijomârput, ingmingnullo atauseᴋ nâlegangortitsomârpât, majoraromârpullo nunamit, Jesreelib uvluksanga angijodlaromârmat.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Amos 9:11

Uvlorme tâpsomane Dâvidib tupersoanga oggosimajok napartitsomârpara, angmarningillo matulugit; asserorningillo napartitsomârivakka, inertorlugillo itsartut;

Migga 5:3

Taimaimat tâpsoma tunijomârpait ernisuktoᴋ erniᴋârtinago; taipsomane ᴋatangutime amiakungit utilârput Israêlib ᴋitornganginut.

Saggaria 3:8

Nâlagit, Josua ajoᴋertuijersoangojotit, igvit ilatillo sângne iksivajut; angutaungmatta tâpkoa kigligiutjijut: tagva ahâk, kivgara akkerôjoᴋ tikiutitsomârpara.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Mattêuse 2:2

Erniangoᴋamertok Jûdit ataningat nanêᴋâ? Uvlorianga unane takogaptigo, tuksiarvigijartorpavut.

Johannese 1:45

Filippusib Natânaêl naipipâ oᴋautivlugolo: Tâmna naipilauᴋpavut, Môsesib perᴋojane nelautaijullo aglagutigilauᴋtangat, Jêsuse, Jôsefib erninga, Nazaremioᴋ.

Johannese 1:49

Natânaêlib kiovâ oᴋautivlugolo: Rabbi, Gûdib ernerivâtit, igvit Israêlitit atanerivâtit.

I Korintemiunut 1:30

Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.

Ebrêerinut 8:8

Patsitigingmagit oᴋarlunelo: Ahâᴋ, uvlut neliutijomârput, Nâlegaᴋ oᴋarpoᴋ, tagva Israêlikut Jûdakullo Testamentitângortitsivigijomavakka;

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.