Jeremia 23:3 - Labrador Inuttitut Heritage Bible

³ Uvangalo saugaᴋotima amiakungit katersoromavakka nunanit tamainit ajaktortauvigijanginit uvamnut, utertitsomalerivakkalo pairijauvigilauᴋtanginut; kinguvâktâᴋattalârpullo unuksivaliavlutiglo.

Jeremia 23:3 Iomraidhean Croise

Imgerut 106:47

Ikajortigut Nâlegak Gûdivut, kattersortigullo nallojunnit; nertordlerᴋovluta atternik hailigeôjomik, nakorsarᴋovlutalo nertornarnernik.

Jeremia 16:15

Imâgle: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit taggânêtomit, nunanillo tamainit ᴋemâviotitaminit tâpkonunga; tikiutitsomârivakkalo nunamingnut tunilauᴋtamnut atâtagijanginut.

Jeremia 29:14

Nagvârtaujomârpungalo ilipsingnut, oᴋarpoᴋ Nâlagaᴋ, aularutjauniselo sorairtitsomârpara, katersoromârpapselo inôᴋatigêksuit akornganit, nunanillo tamainit âtauviotilauᴋtamnit ilipsingnik, oᴋarpoᴋ Nâlagaᴋ, utertitsomârpapselo nunamut aulartitauvigilauᴋtapsingnut uvamnut.

Jeremia 30:10

Taimaimat, sivôraniarnak Jâko kivgara, oᴋarpoᴋ Nâlagaᴋ; kapiasudlarnak, Israêle; ahâk, ᴋelujomârpagit ungasiktomit, kinguvâksatillo nunamit aularutijauvigijamingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Jeremia 30:3

Ahâk, uvlut naliutsomârmatta, oᴋarpoᴋ Nâlagaᴋ, inuᴋotima Israêlikut Judakullo aularutijauningat sorairtitsomârapko, oᴋarpoᴋ Nâlagaᴋ; utertitsomârpakkalo nunamut tunilauᴋtamnut atâtanginut, pigilârpâllo.

Jeremia 31:7

Imâk oᴋarmat Nâlagaᴋ: ᴋuviasungnermut imgeritse Jâko pivlugo, nipliatsiaritselo inôᴋatigêksuit pinerpângat pivlugo; nipliaritse, nertordleritse, oᴋarluse: Nâlagaᴋ, piulilaukit inuᴋotitit, Israêlib amiakungit.

Jeremia 31:8

Ahâk, tamaungartitsomârpakka nunamit taggardlermit, katersoromârpakkalo nunaᴋsûb kiglinginit issuklerpânit, tautungitut, tussiaktullo, singaijullo, ernisuktullo ilautilugit, katimgajoᴋsôvlutik uteromârput tamaunga.

Jeremia 32:37

Ahâk, katersoromavakka nunanit tamainit ajaktortauviotilauᴋtamnit tâpkoninga ningarnimne, ᴋaningaumajârnimnalo, ilungertudlarnermelo; tikiutitsomagivakkalo tamaunga, terliklutiglo inôᴋojomavakka;

Jeremia 46:27

Igville, sivôraniarnak, Jâko kivgara, kapiasudlarnak, Israêle; ahâk, ᴋelujomârpagit ungasiktomit, kinguvâtillo nunamit aularutijauvingmingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Jeremia 50:19

Israêlelo utertitsomârpara iniminut, nerrijuksaulârporlo Karmeleme Bâsanemelo, tarningalo nâmaksititaulârpoᴋ Efraimib ᴋaᴋᴋangine Gileademelo.

Jeremia 8:3

Toᴋolo annerijaungâromârpoᴋ inôtsemit ᴋitorngarêt makkoa idluitut amiakunginut, amiakôjunut nunane tamaine ajaktortauvigijangine uvamnut, Nâlagaᴋ Zebaot oᴋarpoᴋ.

Hesekiel 11:17

Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Inôᴋatigêksoarnit katersoromavapse, nunanillo siamartitauvigijapsingnit katersoromârpapse, tunitjivigijomavapselo Israêlib nunanganik.

Hesekiel 36:11

Inuillo nergjutillo unuksititsomârpakka ilipsingne, unuksijomârput kinguvâksatârlutiglo; inigijaujomârposelo sorlo sivornganetut, ajungituliviginersarijomârpapse sivornganenit; ᴋaujijuksaulârposelo uvangaugama Nâlegaᴋ.

Hesekiel 36:24

Tigujomârapse inôᴋatigêksuit akornganit, katersoromârluselo nunanit ilûnainit, tikiutiluselo nunaᴋotipsingnut.

Hesekiel 36:37

Imâk oᴋarpoᴋ Nâlegaᴋ Nâlegaujoᴋ: Mattominga sulle ᴋenuviojomârpunga Israêlib ᴋitornganginut, taimailiorvigivlugit piᴋovlunga; inungit unuksititsomârpakka sorlo saukat.

Leviticus 26:9

Uvangalo kamagitsiaromavapse, kinguvâᴋartitsomavapselo unuksitiluselo; angerneralo ilipsingnut atsungersoromavara.

Migga 2:12

Katersoromarpapse ilûnase, Jâko; katersoromârpakka Israêlib amiakungit; katersoromârpakka saukatitut Bosrame; katimgajutitut nerrinasugvingmingnêtutitut pervaludlaromârput inuit unuktovaksôningit maliklugit.

Migga 7:12

Uvlorme tâpsomane ilingnut tikilârput Assiriamit Egipteniblo iglugasaksoanginit, Egiptenemillo kôksoaᴋ tikidlugo, imarbingmillo imarbingmut, ᴋaᴋaᴋsoarmillo ᴋaᴋaᴋsoarmut.