Jeremia 23:25 - Labrador Inuttitut Heritage Bible

²⁵ Tusarsimavunga nalautaijut oᴋausinginik, saglovlutik nalautaijut attimne, oᴋarlutik: Sinnaktomalauᴋpunga, sinnaktomalauᴋpunga.

Jeremia 23:25 Iomraidhean Croise

Genesis 37:5

Josefelo sinnaktômanermik sinnaktômangmat ᴋatangutiminut oᴋautigivlugo, anginersamik omigivât.

Genesis 37:9

Aipanganik sinnaktômavoᴋ kingorngane, ᴋatangutiminullo unipkautigivâ, oᴋarlune: Okoᴋsê, aipanganik sinnaktômavunga: seᴋinerublo taᴋᴋerublo uvloritjallo 11 okkungavigivânga.

Imgerut 139:2

Iksivajarangama nikkovijarangamalonêt, tagva igvit ᴋaujimavat; issumakka tukkisivâttit ᴋaningitomit.

Imgerut 139:4

Ahâgle oᴋautsemik attautsemiglonêt oᴋamnêtoᴋangilak, igvit Nâlegak ᴋaujimangitarnik.

Jeremia 13:27

Takolaurama maᴋojungnartulinernik, assiniarnerniglo, narriomasijarnerniglo, ajortulinivîllo iloᴋeudlarninginik ᴋaᴋᴋârulangne perorsêvingne. Kapianarmêk igvit Jerusalem! Ivsornaititaujomangilatit. Kanoᴋ akunertigijomik taimailingalârᴋêt?

Jeremia 14:14

Nâlakable oᴋautivânga tagva: Nalautaijut saglovlutik nalautaivut attimne; tililaungilakka, perᴋolaungilakkalo, oᴋarvigilaungilakkalônêt; nalautaivigivâse takotitjumik mikseᴋârtôlungitomik, angakônermiglo, tukkeᴋangitomiglo, ômatimiglo uivêriklerninginik.

Jeremia 16:17

Ijîngma tâpkoa apᴋotingit tamaita tautungmatikik; ijertaulungimatta kênamnit, idluituliningillônêt angiarijaulungilat ijimnut.

Jeremia 23:28

Nalautaijoᴋ sinnaktomanelik unipkârle sinnaktomanerijaminik; oᴋausimniglo piᴋartoᴋ, nalâgôrlune oᴋausera oᴋautigiliuk. Iviksukat suksauvât sanaugaksat sanianê? oᴋarpoᴋ Nâlagaᴋ.

Jeremia 23:32

Sângavakka ipkoa sinnaktomanernik saglonernik nalautaijut, oᴋarpoᴋ Nâlagaᴋ, tamakkoningalo unipkauteᴋarlutik, tamartitsilutiglo inuᴋotimnik saglonermingnut nertûtinermingnullo tangeᴋangitunut; uvangale tililaungilakka perᴋolaungilakkalônêt; idluarᴋutauniangilallônêt inungnut ukkununga, oᴋarpoᴋ Nâlagaᴋ.

Jeremia 27:10

Tâpkoa nalautaivigingmase saglonernik, nûtitauᴋovluse nunapsingnit ungasiktomut; ajaktuiᴋovlungalo ilipsingnik nungutauᴋovluselo.

Jeremia 27:15

Uvanga tililaunginapkit, oᴋarpoᴋ Nâlagaᴋ, saglovlutigle nalautaivut attimne; ajaktuiᴋovlunga ilipsingnik, nungutauᴋovluselo, ilipselo nalautaijullo, ilipsingnut nalautaijut.

Jeremia 29:23

Silainartomik piniarmanik Israêleme, assiniarmaniglo inôᴋatimik nulianginut, saglovlutiglo oᴋâlamanik attimne, uvamnut perᴋojaungitunik, uvangalo ᴋaujimajôvunga kigligiutjijôvungalo, oᴋarpoᴋ Nâlagaᴋ.

Jeremia 29:8

Imâk oᴋarmat Nâlagaᴋ Zebaot, Israêlib Gudinga: Uivêrijautailititse nalautaijupsingnut akunaptingnêtunut, pijomârtuksaniglo oᴋarvigijipsingnut, sinnaktomaniselo nâlangniarasigik sinnaktomanerivaktase.

Jeremia 8:6

Nâlalauᴋpunga tusarlungalo, idluartomigle oᴋartoᴋangilaᴋ; ᴋaᴋᴋialertoᴋangilaᴋ idluitulinerminit, oᴋarlune: Sumik piniarsimavingâ? Ilûnatik aᴋpangerput aᴋpangervingmingne, horsetut kajusijotut sorᴋsungnermut.

Jeremiab Ogguarutigijangit 2:14

Pivlutit nelautaijoᴋotitit takolaukput takotitjutit tukkeᴋangitut atutsangitullo pivlugit, nelonaijailungilalle idluitulinernik, utertitaujungnarᴋovlutit aularutijaunernit; nelonaijaivigivâtille takotitjutinik oᴋautsiniglo silainartunik ajaktortaujutigijarnik.

Hesekiel 22:28

Nelautaijungillo nippitinerᴋusêvut maggarmut ᴋoajuitoᴋangitomut tâpkonunga, piutsangitunik, takovlutik, saglonerniglo nelautaivigivlugit, oᴋarlutik: Imâk oᴋarpoᴋ Nâlegaᴋ Nâlegaujoᴋ; Nâlegaᴋ oᴋarsimatinago.

Joel 2:28

Pijomarporlo tamattoma kingorngane, anernera kovijomârapko uvinilingnut tamainut; erniselo paniselo nelautaijomârput, ituselo sinnartomajomârput, inôsuktoselo takotitjutinik takojomârput;

Saggaria 13:3

Pijomârporlo, nalautaijoᴋalerpat sulle, atâtangata anânangatalo ernertalauktûk tâpsominga oᴋautijomârpâk: Inôjuksaungilatit; saglonernik oᴋâlagavit Nâlekab atingane; atâtangatalo anânangatalo ernertârtûk tâpsominga kapijomârpâk, nalautailerpat.

Numbers 12:6

Tâmnalo oᴋarpoᴋ: Oᴋausikka tusarsigik; nelautaijoᴋarpat akunapsingne, uvanga Nâlegaujunga nelonaijaromavunga uvamnik tâpsomunga takotitjutikut, oᴋarvigijomavara sinnartomanekut.

Mattêuse 1:20

Taimagle issumaᴋalermat, ahâk, Nâlekab Engelingata sakᴋervigivâ sinnaktomanikut, oᴋarlune: Jôsefe, Dâvidib erninga, sivôranak, Maria nuliaksat ilingnut pilugo; singainga Anernermit ajunginermit pingmat.

Lukase 12:3

Tamanna pivlugo tâktome oᴋauserilauktase ᴋaumajome tussartaujomârput, iglomelo issibjutigilauktase oᴋautaujomârput iglut ᴋângine.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

Ebrêerinut 4:13

Pingortitamiglo takuksaungitoᴋangilaᴋ tâpsomunga; ilûnamasiatigle ijersimanatiglo saᴋᴋersimavut ijîkita sângangne; tamanna oᴋautigivavut.

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.