Jeremia 23:11 - Labrador Inuttitut Heritage Bible

¹¹ Tagva nalautaijut ajoᴋertuijullo nalangaidlarput; ila, iglumne nagvârlauᴋpunga idluininginik, oᴋarpoᴋ Nâlagaᴋ.

Jeremia 23:11 Iomraidhean Croise

II Kronika 33:5

Altareliorsavaillo ᴋillaub kattimgajungit sunatuinait, Nalekab iglungata innigingne avaluliorsimajungne tamangne.

II Kronika 33:7

Innungoallo, Gudingoallo sannajauᴋojane pitipaittauk Gudib iglunganut, Nalekab Davidemut erninganullo Salomomut oᴋautigijanganut: Iglomut tamattomunga, Jerusalemullo annerilauktamnut Israelib kinguvarênginit tamainit, attera pititsomavara soraijuitomik;

II Kronika 36:14

Ajochertuijut angajoᴋaunerojungit illunatiktauk innugasaksuit illagilugit idluineᴋartitsivut unnuktunik, nallojut makkojungnartulliningit sunatuinait malliklugit, ivsornartipâllo Nalekab iglunga, ivsornaitilauktanga Jerusaleme.

Esra 10:18

Nachvartaulaukpullo ajochertuijut erningita akkorngane, takkorngartanik nullianilauktut imâk: Jesuab Jozadakib erningata erninginit, ᴋattangutinginillo: Maeseja Elieserelo, Jaribelo, Gedaljalo.

Jeremia 11:15

Nagligidlartara sunasiorᴋâ iglumnê! Idluittuliᴋattarsimavoᴋ, ivsornainerlo nûsimavoᴋ tâpsomangat. Idluitulijarangavit ᴋuviasudlarpotit.

Jeremia 23:15

Taimaimat imâk oᴋarpoᴋ Nâlagaᴋ Zebaot nalautaijut pivlugit: Ahâk, mamaitoᴋsoarmik nerrititsomavakka, imertilugillo sungarmik; nalautaijunit Jerusalemêtunit takkormôrnek anisimangmat nunamut ilûnânut.

Jeremia 32:34

Maᴋojungnarᴋotitiglo napartipait iglome attimnut taijaujome, ivjornaitilugo.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremia 50:6

Inukatikka saugangovut assiomajut; mianerijingita tamartisimavait, sangutilauᴋpait ᴋaᴋᴋane; arvertarput ᴋaᴋᴋamit ᴋaᴋᴋârsungmut, puigorput merngoêrservigijamingnik.

Jeremia 6:13

Ilûnamasiatik mikinerpâmit anginerpâk tikidlugo pijomatudlartôvut; nalautaijomillo ajoᴋertuijoᴋ tikidlugo nalâgôngitomik piniarput.

Jeremia 7:30

Judab ᴋitorngangit idluitulilaungmatta ijîngma sângangne, Nâlagaᴋ oᴋarpoᴋ; maᴋojungnartoᴋotitik ililaungmagit iglomut attimnut taijaujomut, ivsornartitsomavlugo.

Jeremia 8:10

Taimaimat nuliangit tunijomavakka takorngartanut, perorsêvingillo sâlagijinginut; ilûnamasiatik, mikinerpâmit anginerpâk tikidlugo, pijomatudlartôngmatta; nalautaijomillo ajoᴋertuijoᴋ tikidlugo nalâgôngitomik piniarmatta.

Jeremiab Ogguarutigijangit 2:20

Takosalaurit, Nâlegak, ulernairsilutillo kina taimailiorvigimangângne! Arnat erniarijatik nerrijaksarivagît, nutarârsuit ᴋiggertagalâktitaujut aggangnût? Ajoᴋertuijok nelautaijorlo toᴋotaujuksauvât Nâlekab katimaviksoanganê?

Hesekiel 23:39

Kitorngatik toᴋojarangamigit gudingoarijamingnut, uvlorme tâpsomanetsainaᴋ iterput ivsornaitoviᴋotimnut ivsornartilugolo; ahâglo, taimailiorput iglumne.

Hesekiel 44:10

Levitille, uvamnik allalauᴋtut, Israêlikut tamarmatta uvamnit, uvamnit tamarlutik gudingoaᴋotitik maligomavlugit, tâpkoa idluinitik nangmaraksarivait.

Hesekiel 7:20

Keblâlâtsiarningit pingijaijutiksangortipait, adsiliorutigivaillo maᴋojungnartulinermik naggonartulinermiglo adsingoanginik; tamanna pivlugo ivsornartutitut ilingatipakka tâpkonunga.

Hesekiel 8:11

Tâpkoalo sângane nangerput angutit 70, Israêlib ᴋitorngangita angajoᴋânginit, tâpkoalo ᴋerᴋane nangerpoᴋ Jâsanîa, Sâfanib erninga, ilûnatiglo aggangmingnut tigumiarput pujôrtitsivingnik; isserluanerutiksablo issingata tippinga ᴋongmuarpoᴋ.

Hesekiel 8:16

Tikiutivângalo Nâlekab iglungata avaluliorsimajunganut ilulerpâmut, ahâglo, Nâlekab iglungata upkoangane angutit 25, pâblo tunerguserviublo akorngangnêput, Nâlekab iglunga tunulugo, kênangillo sângatilugit ununga, seᴋᴋinerlo tuksiarvigivât nuivinga sâdlugo.

Sefania 3:3

Angajoᴋâᴋsuit tâpkonanêtut loeveovut ᴋalingoartut; idluarsaijungit amarôvut unuksiortut; piksaᴋumitârilungilat.

Sefania 3:4

Nelautaijoᴋotingit ᴋuksalaiput tunganailutiglo; ajoᴋertuijoᴋotingita ivsornaitovik sujukpât, perᴋojallo mumikpait.