Jeremia 22:3 - Labrador Inuttitut Heritage Bible

³ Imâk oᴋarpoᴋ Nâlagaᴋ: Nâmaktomik erᴋartuileritse idluarsailuselo, oᴋumaiksartitaujorlo piulisiuk oᴋumaiksartitsijub agganginit; idluituliniaraselo, aksorornermiglo atorniarase, tujormianullônêt, iliarsunullônêt, uigarnernullônêt, kovisiniaraselo aungmik pasijaksaungitomik nuname tamattomane.

Jeremia 22:3 Iomraidhean Croise

II Samuel 23:3

Israelib Gudinga oᴋalaukpok uvamnut, Israeliblo ᴋairtunga oᴋâlalaukpok, attanniôjok idluartok innuit akkorngane, attanniôjok sivuranerme Gudemik.

II Atannit 24:4

Auk passijaksaungitok kovilauktanga pivlugotauk, Jerusalemelo nâmatilaungmagit aungmut passijaksaungitomut, Nâlekab issumagijungnaivigijomalaungilait.

Hiobe 22:9

Uigarnerit sunaᴋaratik aularᴋolaukpâttit, illiarsuillo tallingit nappijaulaukput.

Hiobe 24:9

Illiarsuk tigukallakpât iviangêngnit, sattoraksangortipaillo pattangajub pigijangit.

Imgerut 68:5

Atâtaujok illiârsungnut, idluarsaijôjorlo uigarnernut; Gûdeojok inimine ivsornaitome.

Imgerut 82:4

Erᴋanangitok aklujorlo piulissigik, ᴋellarudjarlugolo Gûdeᴋangitut pitsartuninginit.

Imgerut 94:21

Kippalilutik kattimalerput idluartub tarninga akkerartoromavlugo, auglo passijaksaungitok passijaksaunerarpât.

Imgerut 94:6

Uigarnerit, tujormijallo naktertipait, illiarsuillo toᴋᴋopait.

Exodus 22:21

Takorngartak nakêlititaksarilungilat oᴋumaiksartinagolo; takorngartaulaurapse nuname Egipteneme.

Exodus 22:22

Kapiasuktitsijuksaungilase uigarnerit nallianik, iliarsungmiglônêt.

Salomob Okâl 23:10

Nunab kiglilervingit nûtaungitut nûtitailikit, iliârsuillo perorsêvinginut ainiarnak (ilangeromavlugit).

Salomob Okâl 6:17

Ijit pingijaitut, oᴋallo nallangaitut, aggaillo aungmik passijaksaungitomik kovisijut;

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jesaiase 58:6

Nerritailineᴋ anerijara imailingavoᴋ: ᴋellarutit attoraksaungitut ᴋellarutjãkit, nangmautat aklunâᴋtangit pẽkit, aksorôtijaumajut aularᴋokit kippalôjungnairtillugit, nangmautallo tamaita serᴋomikit!

Jesaiase 58:7

Ammalo: Kâktoᴋ aitoruk nerᴋiksarnik, ajulertut inniksaᴋangitut iglomut itterᴋokit; annorâᴋangitomiglo takoleruvit, annorâᴋartileruk, uviniᴋaᴋatit allarniarnago.

Jeremia 19:4

Kemaksimagaminga, nunalo tamanna takorngartautilât, isserluanititsivigivlugolo gudingoanut uvanga assimnut ilitaringitamingnut, tâpkoalônêt atâtangitalônêt, Judab ataningitalônêt; nunalo tamanna ilumeramitsuk pasijaksaungitut aunginik kovisilutik;

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 22:17

Ijîkigle ômatillo ilingatuinarput pijomatudlarnermut, kovisinermullo aungmik pasijaksaungitomik, oᴋumaiksartitsinermullo, aksorotjinermullo, taimaitut suliarijomavlugit.

Jeremia 26:16

Angajoᴋâᴋsuillo inuillo ilûnatik oᴋarput ajoᴋertuijunut nalautaijunullo: Angut una toᴋotaksaungilaᴋ; oᴋarvigingmatigut Nâlakab Gudipta attingane.

Jeremia 5:28

Koinisimavut, ᴋeblerpullo; ila, idluitulinerme pivaliavut; idluarsailungilat pitjutinik, iliarsûb pitjutinganiglônêt, sulitsiarᴋovlugo; ajoᴋsartûblo idluarᴋutiksanganik idluarsailungilat.

Jeremia 7:23

Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Jeremia 9:24

Nertôtijomajuble imaitoᴋ nertûtigiliuk, tukkisigame ilitarᴋsigamelo uvamnik, Nâlagaugamalo piniarneᴋartunga pitsiarnermik, idluarsainermiglo, ajunginermiglo nuname; tamakkoa ᴋuviagigapkit, Nâlagaᴋ oᴋarpoᴋ.

Jeremiab Ogguarutigijangit 3:36

Inûb pitjutinga asserorlugo, Nâlekab ᴋuviagingilait.

Hesekiel 18:12

Aklujuniglo ajoᴋsartuniglo idluituliviᴋartomik, aksorornermut arᴋtaijomik, satoraksamik utertitsingitomik, ijiminiglo arlortitsijomik gudingoanut, maᴋojungnartulijomik,

Hesekiel 18:7

Oᴋumaiksartitsingikune kinamik, satoraksaᴋ utertikuniuk akkiliksaᴋarvigijiminut, aksorornermut aᴋsârningikune, kâktoᴋ aitoruniuk nerᴋiksaminik ussingajorlo annorârtikuniuk;

Hesekiel 22:7

Ilipsingne atâtat anânallo naggogijauvut; takorngartat oᴋumaiksartitauvut; ilipsingne iliarsuit uigarnerillo nâmangituliviovut.

Hesekiel 45:9

Imâk oᴋarpoᴋ Nâlegaᴋ Nâlegaujoᴋ: Tamanna nâmagisiuk, ilipse angajoᴋaujose Israêleme; oᴋumaiksartitsineᴋ aksorotjinerlo pêjarsigik, idluartomiglo ajungitomiglo piniaritse; aᴋsârningniselo inuᴋotimnit sorairtisigik, oᴋarpoᴋ Nâlegaᴋ Nâlegaujoᴋ.

Joel 3:19

Egipten asserornerlukungoromârpoᴋ, Edomelo sunaᴋajuitungoromârpoᴋ asserorsimanelik, idluitulineᴋ piniarutaujoᴋ Jûdab ᴋitornganginut pivlugo, auk passijaksaungitoᴋ kovilaungmatsuk nunangane.

Leviticus 19:15

Idluarsainerme idluitulijuksaungilatit; aklujûb kinauninga naggogijaksaringilat, pitsartujûblo kinauninga opiginago; idluarnermele inôᴋatit idluarsaraksarivat.

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Amos 5:24

Idluarsainerle kôlerle imektut, idluarnerlo kôksoatut.

Migga 3:11

Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Migga 6:8

Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mattêuse 23:23

Kappianamêk ilipse, aglangnik ilisimajut Farisêerillo, takkormôrtose! Perortoarsuit tippigiktut tauvluᴋutiksallo tallimaujunginik tunijigapse; perᴋojanêtullo pijariarᴋortonerpângit tunupase, imaitut: idluarnerlo, nâpkiningnerlo, okpernerlo! Makkoa piniaraksarivase, ipkoalo iperarnagit.

Deuteronomy 10:18

Iliarsuit uigarnerillo idluartomik piniarvigivait, takorngartarlo nagligilugo tunitjivigivâ nerᴋiksamik annorâksaniglo.

Deuteronomy 24:17

Takorngartab iliarsûblônêt idluarsartauniksanga mumigaksarilungilat; uigarnerublo annorânga tigujaksarilungilat nelunaikutaksautilugo.

Deuteronomy 24:7

Inuk naipitaukpat ᴋatangutime ilanganik tigliklune, Israêlib ᴋitorngangita ilanganik; kivgatullo perᴋutigijaujotut piniarvigilugo aulailugolônêt; tigliktok tâmna toᴋotaujuksauvok; taimaglo idluinek pêjarniarpat akunernit.

Deuteronomy 25:1

Akkerartutijokarpat inungne, idluarsaivingmullo pikpatta idluarsartaujomavlutik; idluartok idluarsititaujuksauvok, idluangitorlo pidlartaujuksauvok;

Deuteronomy 27:19

Ominarsile mumiksijok takorngartab, iliarsublônêt, uigarnerublônêt idluarsartauniksanganik. Inuillo ilûnatik oᴋartuksauvut: Taimaile.

Jâkobusib 1:27

Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.