Jeremia 21:7 - Labrador Inuttitut Heritage Bible

⁷ Kingornganalo, oᴋarpoᴋ Nâlagaᴋ, Zedekia Judab ataninga, kivgangillo, inuillo, amiakôjut nusilingnartomit, saviksoarmillo, kângnartoᴋsoarmillo, tunijomavakka Nebukadnezarib Babilonib ataningata agganginut, ômigijimiglo agganginut, inôsinginiglo pinasuartut agganginut; tâpsomalo annaulârpait saviksûb kênanganut; nikaginiangilait, naiperᴋutiginagillônêt.

Jeremia 21:7 Iomraidhean Croise

Jesaiase 27:11

Akkerᴋut pannilerunik navigomârput, arnallo pijartorlugit ikkomaksarivait, nunaᴋatigêt tâpkoa sillaitovaksôngmatta. Taimaimat sanajingata nâpkigijungnangilait pingortitingatalo ajungitullivigivlugit ajorpait.

Jesaiase 47:6

Inuᴋotikka ningaumavigivlugit kingormgutijakkalo ivlerijungnairlugit aggangnut tunigapkit, takopsoajuipotit taipkonunga, inutoᴋaujut oᴋumailuartomik perᴋovattit.

Jeremia 13:14

Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 15:5

Kia naiperᴋutiginiarᴋâtît, Jerusalêm? Kialônêt oggoriniarkâtît? Kinalônêt sanguniarᴋâ ᴋanoelinganît aperᴋutigivlugô?

Jeremia 15:9

Kitorngilauᴋtoᴋ 7nik anersaumilerpoᴋ, anernangerpoᴋ; seᴋᴋininga nippivoᴋ uvlôtilugo sulle; kangusudlalauᴋpoᴋ uimâlavlunalo; amiakungillo saviksoarmut tunijomavakka ômigijingita sângine, Nâlagaᴋ oᴋarpoᴋ.

Jeremia 19:7

Uvangalo Judab Jerusalemiblo atanertuijingit kovijomârpakka nuname tamattomane, oggotitautitsomârpakkalo saviksoarmut ômigijimik sângine, inôsingitalo pinasuartingita agganginut; timingillo tunijomârpakka nerᴋiksauᴋovlugit tingmianut ᴋilaub atânêtunut, nergjutinullo nunamêtunut.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 22:25

Tunijomavlutillo inôsernik pinasuartut agganginut, sivôragijavîllo agganginut, ila, Nebukadnezarib, Babilonib ataningata, agganginut, Kaldêamiullo agganginut.

Jeremia 27:6

Mânalo nunat ukkua ilûnaita tunisimavakka Nebukadnezarib, Babilonib ataningata, kivgama agganginut; ômajullo nujoartut naternamêtut tunisimagivakka tâpsomunga kivgartortuksauᴋovlugit tâpsominga.

Jeremia 32:4

Zedekialo, Judab ataninga, Kaldêamiut agganginit anigorniangilaᴋ, tunijaulârporle Babilonib ataningata agganginut, oᴋaᴋatigijomârpâlo ᴋanermit ᴋanermut, ijîgiglo takojomârpuk tâpsoma ijîgingnik,

Jeremia 34:3

Igvillo ᴋemâjuksaujomângilatit agganginit, tigujaujomârpotille pititaujomârlutillo agganginut; ijîkiglo takojomârpuk Babilonib ataningata ijîgingnik, oᴋaᴋatigijomârpâtillo ᴋanermit ᴋanermut, Babilonemullo aijuksaulârpotit.

Jeremia 36:29

Jojakimelo Judab ataninga pivlugo oᴋartuksauvotit: Imâk oᴋarpoᴋ Nâlagaᴋ: Immûmajoᴋ tâmna ikilauraloarpat, oᴋarlutit, Sôk aglalaukêt tagvunga, oᴋarlutit: Babilonib ataninga tikidlaromârpoᴋ nunalo tamanna asserorlugo, inuᴋarungnaitilugo nergjuteᴋarungnaitilugolo?

Jeremia 37:17

Ataniub Zedekiab tiliklerlune aijautipâ; ataniublo angigutjivlune iglomine aperivâ, oᴋarlune: Nâlakamit pijomik oᴋauseᴋarᴋâ? Jeremialo oᴋarpoᴋ: Pitaᴋarpoᴋ. Oᴋarporlotauᴋ: Igvit tunijaulârpotit Babilonib ataningata agganginut.

Jeremia 50:17

Israêl saugaᴋtut apsimajotun-ipoᴋ; loevit ᴋemâtisimavât; sivorlermik Assiriab ataningata nerrivâ; kingornganalo Nebukadnezarib oma, Babilonib ataningata, sauningit navgor pait.

Jeremiab Ogguarutigijangit 2:20

Takosalaurit, Nâlegak, ulernairsilutillo kina taimailiorvigimangângne! Arnat erniarijatik nerrijaksarivagît, nutarârsuit ᴋiggertagalâktitaujut aggangnût? Ajoᴋertuijok nelautaijorlo toᴋotaujuksauvât Nâlekab katimaviksoanganê?

Jeremiab Ogguarutigijangit 2:22

Avatimit kapiagijakka ᴋaiᴋolaukpatit, sorlo uvloᴋsiorviub katimaniksanganut, ᴋemâjoᴋalaungilarlo amiakoᴋalaungilarlo Nâlekab ningaumajârningata uvlungane; ᴋiggertagalâktilauktakka peroijakkalo ômigijima nungupait.

Hesekiel 23:28

Imâk oᴋarmat Nâlegaᴋ Nâlegaujoᴋ: Ahâk, tunijomavagit ômigijivit agganginut, tarnivit ariutangita agganginut:

Hesekiel 7:9

Ijîkkalo anajagosungniangilâk, naiperᴋutigosungneᴋaromangilangalônêt: tikitautitsomavagit iluserijatit maliklugit, maᴋojungnartulinivîllo nelipsalârpâtit; missigijuksauvoselo uvanga Nâlegaujunga annaunigama.

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Hesekiel 9:10

Taimaimat ijîkkatauᴋ nâpkigosungniangilâk, naiperᴋutigosungniangilangalo, piniarnerijangille tikiutijomavakka niaᴋunginut.

Deuteronomy 28:50

Inôᴋatigêksuit iktôjuitut, ilerasuguteᴋaromângitut inuᴋoartut najorninganik, anajagitaitullo inôsuktunik;