Jeremia 21:6 - Labrador Inuttitut Heritage Bible

⁶ Iglugasaksuillo ukkua inungit annauleromavakka, inuillo nergjutillo; toᴋojuksauvut nusilingnartomut angijomut.

Jeremia 21:6 Iomraidhean Croise

Genesis 6:7

Nâlegarlo oᴋarpoᴋ: Inuit pingortitakka pêjaromavakka nunamit inuillo nergjutillo pâmgortullo tingmitjallo aglât ᴋilaub atânêtut, ᴋaᴋᴋialerama pingortigapkit.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 33:12

Imâk oᴋarpoᴋ Nâlagaᴋ Zebaot: Sulle nuname tamattomane sunairutijome, inuᴋarungnaitome nergjuteᴋarungnaitomelo, iglugasaksoangine tamaine, mianersijut, nergjujeᴋotimingnik aᴋovingatitsijut, iniᴋaromârivut.

Jeremia 34:17

Taimaimat imâk oᴋarpoᴋ Nâlagaᴋ: Nâlaksimanginapsinga ᴋaujititsiluse kipalûtjârinermik ilûnase atunit ᴋatangutiminik, ilûnaselo atunit inôᴋatiminik; ahâk, ᴋaujititsivunga ilipsingnik kipalûtjârinermik saviksoarmut, oᴋarpoᴋ Nâlagaᴋ, nusilingnartomullo, kângnartoᴋsoarmullo; egiorᴋartautitsomârpapselo nunaᴋsûb ataniovingita ilûnatik akorngane.

Jeremia 36:29

Jojakimelo Judab ataninga pivlugo oᴋartuksauvotit: Imâk oᴋarpoᴋ Nâlagaᴋ: Immûmajoᴋ tâmna ikilauraloarpat, oᴋarlutit, Sôk aglalaukêt tagvunga, oᴋarlutit: Babilonib ataninga tikidlaromârpoᴋ nunalo tamanna asserorlugo, inuᴋarungnaitilugo nergjuteᴋarungnaitilugolo?

Jeremia 42:22

Taimaimat nalonangitomik ᴋaujimaleritse mâna, toᴋolârapse saviksoarmut kângnartoᴋsoarmullo nusilingnartomullo nuname katjârvigijapsingne nunagijartoromavlugo.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Hesekiel 12:16

Ikitunigle simnikoᴋartitsomârpakka saviksoarmit kangnartoᴋsoarmillo nûsilingnartomillo; inôᴋatigêksoarnut tikitamingnut unipkarungnarᴋovlugit maᴋojungnartulinerijamingnik tamainik; missigijuksauvullo uvanga Nâlegaugama.

Hesekiel 14:13

Inûb erninga, nunab idluitulivigikpanga, sôngojomik tapalune, uvangalo aggakka issagupkit tâpsomunga, nerᴋiksangillo ᴋematuliutaumajut asserorlugit, kângnerlo tiligupko tâpsomunga, kipilugillo inuillo nergjutillo tagvangat:

Hesekiel 14:17

Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;

Hesekiel 14:19

Nûsilingnartorlônêt tilinajarupᴋo nunamut tâpsomunga, ningaumajârneralo kovilugo tâpsomunga aukkut, inuit nergjutillo pêjarlugit tagvangat;

Hesekiel 14:21

Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?

Hesekiel 33:27

Imâk oᴋautijaksarivatit: Imâk oᴋarpoᴋ Nâlegaᴋ Nâlegaujoᴋ: Sorlo mikseᴋârtomik oᴋarama, sunaᴋarungnaitunêtut oggotitaulârput saviksoarmut, naternamêtorlo tunijomalârpara nergjutinut nerrijaksauᴋovlugo, ungaluksoanêtullo ᴋairosungnêtullo toᴋotaujuksauvut nûsilingnartomut.

Hesekiel 33:29

Kaujijuksaulârpullo uvangaugama Nâlegaᴋ, nuna sunaᴋarungnaitigupko tataminiarutiksangortilugolo, maᴋojungnartuliningit piniarnerijangit tamaita pivlugit.

Hesekiel 7:15

Saviksoaᴋ silamêpoᴋ, nûsilingnartorlo kângnartoᴋsoarlo iglomêpuk: perorsêvingmêtut toᴋovut saviksoarmut, iglugasaksoarnêtullo kângnerub nûsilingnartublo nunguniarpait.

Hosea 4:3

Tamanna pivlugo nuna oggualârpoᴋ, ilûnatiglo tagvane nunaᴋartut âlalârput, naternaub nergjutingit, tingmiallo ᴋilaub ikianganêtut ilagilugit; ilâ, mingeriat imarbingmêtut aglât pêjartaulârput.

Migga 3:12

Taimaimat ilipse pitjutigiluse Zion perorsêviktut makperterartaujomârpoᴋ, Jerusalemelo aᴋtornerlukungoromârpoᴋ, iglûblo ᴋaᴋanga napârtoliub poᴋtoningatut itsomârpoᴋ.

Sefania 1:3

Nungutsomârpakka inuit nergjutillo; nungutsomârpakka tingmiat ᴋilaub atânêtut, mingeriallo imarbingmêtut, asserorsautillo idluitulijut ilaliullugit; inuillo pêjaromârpakka nunab ᴋânganit, oᴋarpok Nâlegak.

Lukase 21:24

Saviksoarnut ipiktunut toᴋotauniarput, nunalingnullo ilûnainut âtauniarput; Jerusalemelo asserortauniarpok nalojunut, nalojut naliuningat nâmakserᴋartinago.