Jeremia 21:14 - Labrador Inuttitut Heritage Bible

¹⁴ Sugiaromavapselo piniarnipse saᴋᴋertangit maliklugit, oᴋarpoᴋ Nâlagaᴋ; ikitsijomavungalo ikomamik napârtungine, nungutsijomârporlo tamainik avatânêtunik.

Jeremia 21:14 Iomraidhean Croise

II Kronika 36:19

Gudiblo iglunga ikkipât, Jerusalemiblo avalungita ᴋarmangit serᴋomipait, igloksoaᴋotingillo illunaita ikkipait, perᴋutingillo pivianartut illunaita asserorpait.

Salomob Okâl 1:31

Tamânna pivlugo nerrijuksauvut illutsimik ᴋaitanginnik, kajusinermingniglo akᴋeartortuksauvlutik.

Salomob Okâl 12:14

Angutib ᴋanerme annititangit nâmaksijutigijomârpait; inuglo akkiniartaujomârpok aggame piniarlauktangit malliklugit.

Jesaiase 10:12

Nâlekable piniaraksane tamaita Zionib ᴋaᴋᴋangane Jerusalemelo nãmaksilerunigit, tagva (Nâlegaᴋ oᴋarpoᴋ) Assiriamiut attaningata piojoridlartub õmatingata illiorningit sugiaromavakka pingijainingalo ijîkikkut saᴋᴋijârtoᴋ.

Jesaiase 10:16

Taimaimat Nâlegaᴋ, ᴋilangmiugasaksuit Nâlegangat pitsartuerutijaunartomik tillikleromârpoᴋ pitsartujoᴋsoaᴋotingita akkorngannut, nâlegauvingatalo attâne ikkoalajoᴋaromârpoᴋ ikkomab ikkoalaningatut.

Jesaiase 24:21

Taipsomane Nâlekab pidlariartoromârpait ᴋotsiktub kattimgajoᴋsoangit ᴋotsiktomẽtut nunaᴋsûblo attanersoangit nunamẽtut.

Jesaiase 37:24

Kivgakkut Nâlegaᴋ mittautigivat oᴋarlutillo: Kammuteᴋarlunga unuktovaksoarnik majorarpunga ᴋaᴋᴋat ᴋânginut, Libanonib issuanut, zêdereᴋotingillo poᴋtojut zipresseᴋotingillo anerimajut nakkapakka, tikkipara ᴋângata issua perorsêvialo napârtolik.

Jeremia 11:16

Nâlakab atseralauᴋpâtit: Napârtomik tungujoᴋtamik, takoranidlartomik paungalingmik orᴋsulingnik; perajaludlartulle pervaludlarninginut ikitsilauᴋpoᴋ ikomamik tâpsomane, akkerungillo naviksimavut.

Jeremia 11:22

Taimaimat Nâlagaᴋ Zebaot oᴋarpoᴋ imâk: Ahâk, akkiniaromavakka; angutingit inôsuktut toᴋotaujomârput saviksoarmut; erningit paningillo toᴋojomârput pêrlernermut;

Jeremia 17:10

Uvanga Nâlagaujunga ômate nautsertorpara, uvanga taᴋtut ôktorpakka, inuit tamaita tunidjivigijomavlugit piniarningit maliklugit, suliarijangitalo sakᴋertitangit maliklugit.

Jeremia 17:27

Nâlagomangikupsingale Sabbate ivsornaititsomavlugo, adjarsitailijomangikupselo oᴋumaitunik iterniarluse Jerusalemib itertarvingitigut Sabbateme; tagva ikomamik ikitsijomavunga itertarvingine, nungutsilârporlo Jerusalemib igloᴋsoanginik, ᴋamitauniarungnaivlune.

Jeremia 22:1

Imak oᴋarpoᴋ Nâlagaᴋ: Atersârit Judab ataningata iglunganut, tagvanalo oᴋauseᴋ tamanna oᴋautigileruk:

Jeremia 22:7

Atuinaruterijomavungalo asseroijuksanik ilipsingnik, ilûnatik sakkolijarlutik; tâpkoalo nakkatsijomârput napârtoᴋotingnik Sêdarenik piojunik, êgilugillo ikomamut.

Jeremia 32:19

Angijôvotit atanertuinerme, pitsartudlarlutillo piniarnerme; ijîkik uitavuk inuit ᴋitorngangita apᴋotinginut tamainut, tamaita tunitjivigijomavlugit apᴋotingit maliklugit, piniarningitalo kinguniksangit maliklugit;

Jeremia 46:23

Napârtungit nakkajomârpait, oᴋarpoᴋ Nâlagaᴋ, kititaujungnangimatta; unuluarmatta piglertaujanit, kititaksaungilallo.

Jeremia 50:32

Piojorijorlo naukiutilune oᴋpikaromârpoᴋ, makititsijoᴋarniangilarlo tâpsominga; ikomamiglo ikitsijomavunga iglugasaksoangine, avatânetunik tamainik nungutsijuksamik.

Jeremia 52:13

Tâpsomalo Nâlakab iglunga, ataniublo iglunga, Jerusalemiblo iglungit ilûnaita, ila, angajoᴋâᴋsuit iglungit ilûnaita ikipait ikomamut.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremia 6:29

Sabviorviub supôruteâlua ikitaumavoᴋ, aᴋitorlo nungutauvoᴋ ikomamut; sulingitomik auksititsivut, idluitoᴋ pêjartaungimat.

Jeremia 9:25

Ahâk, naliutsomârpoᴋ, Nâlagaᴋ oᴋarpoᴋ, pidlarnigomârama kipimajunik kipimangitut ilagilugit;

Jeremiab Ogguarutigijangit 2:3

Ningarnerme ilungertortome Israêlib nakjua tamât kipivâ; aggane talerpît issagungnaipait ômisuktit sânginit; Jâkolo ikipâ, sorlo ikomaksoatut avatâne siamartotut.

Hesekiel 21:3

Israêliblo nunanga oᴋautiuk: Imâk oᴋarpoᴋ Nâlegaᴋ: Ahâk, sâdlaromavagit, saviksoaralo amujomavara kênailitanganit, idluartullo idluitullo kipiniaromavlugit ilingnit.

Migga 7:13

Sullele nuna sunataᴋangitôjomârpoᴋ inungit pivlugit, piniarningitalo kinguningit pitjutigilugit.

Saggaria 11:1

Upkoatit upᴋoêrkit, Libanon, ikoma nungutsiᴋovlugo sidereᴋotingnik.