Jeremia 21:12 - Labrador Inuttitut Heritage Bible

¹² Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 21:12 Iomraidhean Croise

II Samuel 8:15

Taimak Davide attanniolaukpok Israelitinut illunamasianginut, idluarnermiglo idluarsainermiglo saᴋᴋertitsivok innugatoksoarnut illunamasianginut.

Hiobe 29:17

Idluitullijub erᴋlerpângit serᴋomilaukpakka, aksârnigaujullo aksorotilaukpakka kigutinginnit.

Imgerut 101:8

Uvlarârsukut Gûdeᴋangitut nuname illûnaita nungutsomavakka, pêjairᴋovlunga idluitullijunik illûnainik Nâlekab iglugasaksoaᴋotinginit.

Exodus 18:13

ᴋaungmallo Mosese ingipok inuit idluarsaromavlugit: inuillo nangerput Mosesib avatâne uvlârmit unnungmut.

Jesaiase 1:17

Ajungitullileritse idluarsaineᴋ pinasuarlugo, pimmariutertut inerterlugit, illiarsuit serngnigivlugit uigarnerillo illinganingine ikajorlugit.

Jesaiase 1:31

Pitsartujorlo simmiksatut illingatitaujomârpoᴋ sannajangalo ingnikpallaktut, tamarmiglo attautsekut ikkitaujomârpuk ᴋamitaujungnaratik.

Jesaiase 7:13

Tagva oᴋarpoᴋ: Attê, tussaleritse illipse Dâvidib iglunganẽtose! Nãmaksingilase inuit pagvisârlugit; Gûdigatauᴋ pagvisâromavisiûk?

Jesaiase 7:2

Dâvidiblo kinguvângit oᴋautjauvut imâk: Siriamiut Efraimeme tangmârput. Tagva attaniub õmatinga inuᴋotingitalo õmatingit sajukput napârtutitut aulataujutitut anoremut napârtoliksoarme.

Jeremia 17:4

Igvillo nangmineᴋ avilârpotit kingormgutijarnit tunilauᴋtamnit ilingnut; kivgartortitsomavagillo ômigijingnik nuname ilitaringitarne; ikomamik ikitsisimagapse ningaumajârnimne ikoâlatsainaromârtomik.

Jeremia 21:5

Uvangalo nangmineᴋ unatarvigijomavapse agganut issângajunut talermullo pitsartujomut, ila, ningârnerme, ᴋaningaumajârnermelo, ilungertudlarnermelo.

Jeremia 23:19

Ahâk, Nâlakab aᴋᴋunaᴋsoanga, ila, ᴋaningaumajârninga, anisimavoᴋ, ila, ullajujaᴋsoaᴋ; ᴋâgomârpoᴋ idluitulijut niaᴋunginut.

Jeremia 23:2

Tamanna pivlugo imâk oᴋarpoᴋ Nâlagaᴋ, Israêlib Gudinga, pairᴋsijut nerripkaijut inuᴋotimnik pivlugit: Siamartilauᴋpase saugaᴋotikka, ᴋemâtilugillo, takojartornagillo; ahâk, piniarnipse idluiningit akkiniarutigijomavakka ilipsingnut, oᴋarpoᴋ Nâlagaᴋ.

Jeremia 23:5

Ahâk, uvlut naliutijomârput, oᴋarpoᴋ Nâlagaᴋ, tagva Dâvidemut makititsijomârama nutaijoᴋtomik idluartomik, tâmnalo nâlagauvlune ataniojomârpoᴋ silatudlartomik piniarlune, erᴋartuitsiaromârporlo idluarsaitsiarlunalo nuname.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 4:4

Kipisileritse ilipsingnik Nâlakamut, ômatipselo kipimanginingit pêjarsigik, anguteojose Judame, inôjoselo Jerusaleme; ᴋaningaumajârnera aniᴋonago ikomatut, ikoâlaᴋonagolo ᴋamitaujungnangitomik kimullônêt piniarnipse idluitoᴋsôningat pivlugo.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 5:14

Taimaimat imâk oᴋarpoᴋ Nâlagaᴋ, Gude Zebaot: Oᴋauseᴋ tâmna oᴋauserigapsiuk, ahâk, oᴋausikka ᴋanernêtut ikomangortitsomavakka, inôᴋatigêksuillo ukkoa ᴋejungortitsomavlugit, tâpsomalo nungutsomârpait.

Jeremia 5:28

Koinisimavut, ᴋeblerpullo; ila, idluitulinerme pivaliavut; idluarsailungilat pitjutinik, iliarsûb pitjutinganiglônêt, sulitsiarᴋovlugo; ajoᴋsartûblo idluarᴋutiksanganik idluarsailungilat.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremia 7:5

Arvertarnise piniarniselo âᴋiksomarigupsigik; idluartomik idluarsaijigêgupse;

Jeremiab Ogguarutigijangit 4:11

Nâlekab ningaumajârnine nâmaksitilaukpâ, ningarnersoane kovilaukpâ; Zionemelo ikitsivok ikomamik nungutsijomik tungavinginik.

Hesekiel 22:31

Tamanna pivlugo ningaumajârnera ilivara tâpkonunga; nungutipakka ᴋaningaumajârnima ikomanganut: apᴋutingit ilivakka niaᴋunginut, oᴋarpoᴋ Nâlegaᴋ Nâlegaujoᴋ.

Leviticus 26:28

Uvangatauk akkerartorluse arvertaromavunga ningadlarlunga; pidlaromârpapselo sevenertortomik ajornise pivlugit.

Nahum 1:6

Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Sefania 3:5

Nâlegak tagvanêtok idluartôvok; tâmna idluituliniangilak; ᴋaujarangat idluarsainine ᴋaumajomut pitipâ, nipotilungilak; idluitulle kangusulungilat.

Lukase 1:69

Nuilertitsivigingmatigut nagjumik puiliklertiksamik kivgame Dâvidib iglungane,

Rômiunut 13:4

Gûdib kivgaringmagit idluarᴋutiksarnut; idluituliguville, sivôragit; sulinatik saviksoalijangimatta, Gûdib kivgarivait, akkiniarteoᴋovlugit idluitulijunik.

Deuteronomy 32:22

Ikoma ikoâlamat ningarnimne, ikomavok itersak allerpâk tikidlugo, nunalo perortungillo mungulerpait, ᴋakᴋallo tungavingit ikipait.