Jeremia 20:6 - Labrador Inuttitut Heritage Bible

⁶ Igvillo Pasur, iglomioᴋatitillo ilûnaita aularutijaujuksauvose kipalônermut; tikiutijuksauvotillo Babilonemut, tagvanalo toᴋolârpotit, tagvanalo iluvertaulârpotit, ilatillo ilûnatik, saglovlutit nalautaivigilauᴋtatit.

Jeremia 20:6 Iomraidhean Croise

Jesaiase 9:15

Niaᴋunga tagva inutoᴋaujut nertornartut, pamiunga tagva nallautaijut saeglôtiksanik ajoᴋertuivaktut.

Jeremia 14:13

Oᴋalauᴋpungale: Adjai! Nâlagaᴋ Gude! Ahâk, nalautaijut oᴋautivait: Takoniangilase saviksoarmik, tikitauniangilaselo kângnartoᴋsoarmut; tunidjivigijomavapsele ulapirᴋsaumik nalâgôrtomik nuname tamattomane.

Jeremia 14:16

Inugasaᴋsuillo nalautaivigijangit egitaujomârput Jerusalemib apᴋosineâlunginut saviksoaᴋ kângnartoᴋsoarlo pivlugik; iluversijuksaᴋaromângilarlo tâpkoninga, arnanginiglônêt, erninginiglônêt, paninginiglônêt, idluitulinitiglo kovijomavakka tâpkonunga.

Jeremia 20:1

Pasurible, Immerib ajoᴋertuijub erningata, angajoᴋângortitaujub Nâlakab iglungane, Jeremia nalautaivlune tamakkoninga, tusarpâ.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 23:32

Sângavakka ipkoa sinnaktomanernik saglonernik nalautaijut, oᴋarpoᴋ Nâlagaᴋ, tamakkoningalo unipkauteᴋarlutik, tamartitsilutiglo inuᴋotimnik saglonermingnut nertûtinermingnullo tangeᴋangitunut; uvangale tililaungilakka perᴋolaungilakkalônêt; idluarᴋutauniangilallônêt inungnut ukkununga, oᴋarpoᴋ Nâlagaᴋ.

Jeremia 29:32

Tamanna pivlugo imâk oᴋarpoᴋ Nâlagaᴋ: Ahâk, Semaia Nehelamioᴋ kinguvângillo sugiaromavakka; amiakoᴋartuksaungilaᴋ inuit makkoa akorngane nunaᴋartomik, takojuksaungilarlônêt ajungitomik piniarutigijomajamnik inungnut makkonunga, oᴋarpoᴋ Nâlagaᴋ; pikkablanermik oᴋâlasimangmat Nâlakamut.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremiab Ogguarutigijangit 2:14

Pivlutit nelautaijoᴋotitit takolaukput takotitjutit tukkeᴋangitut atutsangitullo pivlugit, nelonaijailungilalle idluitulinernik, utertitaujungnarᴋovlutit aularutijaunernit; nelonaijaivigivâtille takotitjutinik oᴋautsiniglo silainartunik ajaktortaujutigijarnik.

Hesekiel 22:28

Nelautaijungillo nippitinerᴋusêvut maggarmut ᴋoajuitoᴋangitomut tâpkonunga, piutsangitunik, takovlutik, saglonerniglo nelautaivigivlugit, oᴋarlutik: Imâk oᴋarpoᴋ Nâlegaᴋ Nâlegaujoᴋ; Nâlegaᴋ oᴋarsimatinago.

Leviticus 26:17

Kênaralo allartilârpara ilipsingnit, annaulertaujomârposelo ômigijipse sângine: ômigijise ataniojomârput ilipsingnut, ᴋemâjomârposelo udlataungikaloartiluse.

Migga 2:11

Inuk saglojomik anernelik saglovlune oᴋarpat: Nalautaivigijomavagit vainemik imiksamiglo pitsartujomik; tâmna ilâ nalautaijôlârpoᴋ inungnut ukkununga.

Saggaria 13:3

Pijomârporlo, nalautaijoᴋalerpat sulle, atâtangata anânangatalo ernertalauktûk tâpsominga oᴋautijomârpâk: Inôjuksaungilatit; saglonernik oᴋâlagavit Nâlekab atingane; atâtangatalo anânangatalo ernertârtûk tâpsominga kapijomârpâk, nalautailerpat.

Deuteronomy 28:25

Nâlekab pikaluktautitsomârpâtit ômigijivit sângine; apᴋut atausek atorlugo anilârpotit tâpkonunga, apᴋulle sevenit atorlugit ᴋemâlârpotit tâpkonangat; egitauᴋatalârpotillo utertarᴋatartomik silaᴋsûb nâlegauvingine tamaine.