Jeremia 20:5 - Labrador Inuttitut Heritage Bible

⁵ Iglugasaksuillo makkoa akluiningit tamaita, akkiliusiarijangillo tamaita, pivianartoᴋutingillo tamaita, tunijomavakka, ila, Judab ataningita ivlernartoᴋutingit tamaita tunijomavakka ômigijingita agganginut, sujuksaijomârtunut tâpkoninga, tigûllalugillo aularutilugillo Babilonemut.

Jeremia 20:5 Iomraidhean Croise

II Kronika 36:10

Jarelo ᴋângermat, Nebukadnezar tilliklerpok aijauᴋolâlo Babelemut, illulerᴋutit pivianartut Nalekab iglunganêtut illagilugit, Zedekialo ᴋattanguta attanningortipa Judakunut Jerusalemiunullo.

Jesaiase 39:6

Ahâk, nalliutijomârpoᴋ, illũnatik iglungnẽtut atâtagilauᴋtavillo kattersulauᴋtangit uvloᴋ tamanna tikkidlugo aularudjaujomârmatta Bâbelemut, amiakoᴋaromângilarlo sunamik, oᴋarpoᴋ Nâlegaᴋ.

Jeremia 12:12

Asserorsaijut tikisimavut ᴋaᴋᴋanut merᴋuᴋangitunut tamainut sunaᴋajuitome, Nâlakab saviksoanga nungutsilermat nunab kiglingata aipânit nunab kiglingata aipanga tikidlugo, uvinilîllo naliallônêt ulapirᴋsauteᴋangilat.

Jeremia 15:13

Perᴋutitit ivlernartoᴋotitillo aᴋsârnigautitsomavakka akkeᴋalugatik, taimailingalârporlo idluitulinivit unurningit pivlugit, ila, nunangne ilûnâne.

Jeremia 17:3

Kaᴋᴋaᴋotiga naternarme, perᴋutitit pivianartoᴋotitillo aᴋsârnigautitsomavakka, poᴋtojoᴋotitillo, idluitulineᴋ pivlugo, nunangne ilûnâne.

Jeremia 3:24

Kangunartoᴋ nungûtsisimavoᴋ atâtagilauᴋtapta suliarijanginik inôsungniptingnit; saugaᴋotinginik nergjuteᴋotinginiglo, erninginik paninginiglo.

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 39:2

Zedekiab jâringita 11ingita taᴋᴋingita sittamangane, taᴋᴋiub uvlungita 9ingane, iglugasaksuit itârviksatârtauvut)

Jeremia 39:8

Ataniublo iglunga inuillo iglungit Kaldêamiut ikipait ikomamut, Jerusalemiblo avaloᴋsoangit serᴋomipait.

Jeremia 4:20

Asseroijut ᴋaigarsudlarput asseroijunut assimingnut; nuna ilûnât asserortaungmat; suilamnit tupikka asserortauvut, ᴋalerᴋakka ijib sikungilarningane.

Jeremiab Ogguarutigijangit 1:10

Omisuktub aggane issakpait pivianartoᴋotinginut tamainut, takonârtuksauvorlo nelojut itârmatta katimaviksoaᴋotinganut, tâpkoa pivlugit perᴋojilauraloartilutit itertuksaungimatta ilagêktoᴋotingnut.

Jeremiab Ogguarutigijangit 1:7

Kapiasuktitaunime saksârtitaunimelo uvlungine Jerusalemib erᴋarpait ᴋuvianadlartut tamaita ilauktut neliutine sivorline; inungit katangmatta ômigijingita agganginut, ikajortiksarsinginamiglo, ômigijingita takonârpât, mitauteᴋarpullo pikaluktauninginik.

Jeremiab Ogguarutigijangit 4:12

Nunaᴋsûb ataningit silaksoarmiullônet okpilaungilat akkerartortit ômigijillo itârniarmatta Jerusalemib upkoaksoangitigut.

Hesekiel 22:25

Nelautaijungit tâpsomanêtut idluitomik angiᴋatigêkput, loevetut kalingoartotut aliktuiniartotut ilingalutik: tarnenik nerrivut; tigusivut perᴋutinik ivlernartuniglo; uigarnerillo unuksitipait tagvane.

Daniel 1:2

Nâlekablo Jojakim Jûdab ataninga tunivâ tâpsoma agganginut, Gudiblo iglungata piᴋutingita ilangit; tâpsomalo aularutivait nunamut Sînarimut gudingoarmi iglunganut: piᴋutillo ilivait gudingoarmi ᴋimatulivinganut pivianartotalingmut.

Hosea 13:15

Kinguvâᴋarnersaugaloarame ᴋatangutiminit, anore unangâk tikilârpoᴋ, Nâlekab anoringa tikilârpoᴋ sunaᴋajuitomit, imeᴋarvingalo kigilârpoᴋ puailavingalo panilârpoᴋ; perᴋutillo pijominartut ilûnatik katersortaujut tâpsoma asserolârpait.