Jeremia 20:18 - Labrador Inuttitut Heritage Bible

¹⁸ Sôᴋ anilauᴋingâ igliamit siorniornermik kiksarnermiglo takoᴋovlunga, uvlukkalo nâjauᴋovlugit kangusungnermê?

Jeremia 20:18 Iomraidhean Croise

I Atannit 19:4

Tamnâle sunaᴋajuitomut aivok ingmeriaktut ᴋaningitigijomik, tikkiporlo ingilunelo kigutangernaujaᴋutit, attânut, tuksiarporlo toᴋonerminik, oᴋarlunelo: Nâmaksivok, taimâk mânna Nâlegak tarniga tigulauruk; nekkornersaulungilanga atâtagijamnit.

Hiobe 14:1

Inuk arnamit erniangomajok sivikitomik inôvok, nâmalunelo uimajâdlarnermik.

Hiobe 14:13

ᴋanoktôk kappianartovingme (annernerit inningine) ulligajarlaunga, ijerajarlungalo ningarnît kassungaᴋârtinago; kiglilerveᴋartinajarlaungalo erᴋaumavigijarnik uvamnik!

Hiobe 3:20

Sôg ᴋaumajok tunnijaumava siorniortomut, inôserlo ômattinut kiksartunut?

Hiobe 5:7

Inugle inûlerpok ᴋanoênermik peᴋarᴋovlugo, sôrlo nutiktut ᴋongmuarmatta.

Imgerut 102:3

Uvlukka annigorsimangmatta isserluktut sorlo, saunikkalo ôtaumavut aumaliktutitut.

Imgerut 69:19

Mamailisartaunera kangusuktitauneralo illerasuktitauneralo nallungilattit; akkerartortikka illunaita sângnêput.

Jesaiase 1:6

Allûgingnit niaᴋoanut ᴋanoengitoᴋangilaᴋ tâpsomane, ikkinigle killiniglo tiglûjarnerniglo nutânik maᴋitertaumangitunik mangiptaᴋangituniglo orᴋsumullo ânanausijaumangitunik.

Jesaiase 51:7

Tussalersinga illipse idluarnermik illitarᴋsijose, nunaᴋatigêktose perᴋojamnik õmamiutaᴋartose. Sivoraniarase, inuit suangadlarpasse, ᴋoaᴋsârniaraselo oᴋauserludlarningit pitjutigivlugit.

Jeremia 15:10

Kapianarmêk uvanga, anânak, erniarilauramga angutaujunga akkerartornelik, angullo aivanelik nuname ilûnâne! Attartortitsilauᴋsimangilanga perᴋutiniaromavlunga, inôᴋatimalônêt perᴋutiniaromavlutik attartortisimangilânga; ilûnatigle oᴋarnerlutivânga.

Jeremia 15:18

Sôᴋ ânianera soraijuikâ, killeralo âᴋiᴋtaujungnarungnaivlune, mamititaujomairlunê? Nalâgut ilingavigijomavingâ kôktut tunganangitotût, imeᴋtut nungulertotût?

Jeremia 3:25

Inangatuinarta kangusungniptingne, kangusungnipta uliklitigut, Nâlagaᴋ Gudivut idluitulivigisimagaptigo, uvagut atâtagilalauᴋtaptalo, inôsungniptingnit uvloᴋ tamanna tikidlugo, nâlalaungilagullo Nâlakab Gudipta nippinganik.

Jeremia 8:18

ᴋanoktôk manigorlanga uvamnik kiksarnimne! ômatiga nukkingêrutivoᴋ ilumne.

Jeremiab Ogguarutigijangit 1:12

Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.

Jeremiab Ogguarutigijangit 3:1

Uvangauvunga angut kapiasuktitaujok ningaumajârningata issaᴋautinganut.

Habakûb 1:3

Sôᴋ piungitulinermik takotipingâ, takonârtilungalo nâmangitulinermîk? Asserorsaineᴋ idluitulinerlo sâmnêngmanik; aivaneᴋarporlo, akkerartornerlo perorpoᴋ.

Johannese 16:20

Âhamarik, âhamarik oᴋaupapse: ᴋialuselo ogguarniarpose silaksoarmiulle ᴋuviasudlarniarput. Ilipsele kiksadlarniarpose; kiksarnisele ablatsângorniarivok ᴋuviasungnermut.

Apostelit Piniarningit 5:41

Kuviasuklutigle tagva kiglisiniartut kênanginit aularput, nikagijaunginamik mitautigijauvlutik Jêsusib atinga pivlugo.

II Timôteusemut 1:12

Tamannatauk pivlugo taimâk kappiasuktitauvunga; kangusûtigingilarale tamanna; okpervigijara ᴋaujimagapko, nalutsanginivaralo, tâpsoma pigumitâk piksara saputijungnarmago uvluksak imna tikidlugo.

Ebrêerinut 10:36

Kenuersârnermigle pijariaᴋarpose, Gûdib pijomajanganik atutsiarᴋovluse, angerutigijaumajomiglo illangiutititaulerᴋovluse.

Ebrêerinut 11:36

Illangit mitautaudlalauᴋput nerᴋersortidlarauvlutiglo, ᴋelaksugauvlutiglo, parngnanairutjaumavlutiglo.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

Ebrêerinut 13:13

Nelipsarlavut tagva mâna tupersuit avatanut, mitautauninga atorlugo.