Jeremia 20:16 - Labrador Inuttitut Heritage Bible

¹⁶ Inuk tâmna ilingale iglugasaksoatitut Nâlakab asserortangititut takopsoagilaungitangititut; tusarle ᴋuggudlarnermik uvlâkut, ᴋangêsarinermiglo uvlub ᴋeterarningane;

Jeremia 20:16 Iomraidhean Croise

Jeremia 18:22

Niplianersoaᴋ tusartaule iglunginit, tikiutjiguvit sorᴋsuktunik tâpkonunga suerganit; itersâlungmik itersaliorsimangmatta tigujomavlunga, mikkigianiglo âᴋiksoivut itikamnut.

Jeremia 18:8

Inôᴋatigêksuit tâpkoa oᴋautigijakka, sâgiarpatta idluitulinermingnit, ᴋaᴋialerutigijomavara idluitoᴋ kajusijutigilauᴋtara piniaromavlugo tâpkonunga.

Jeremia 23:14

Maᴋojungnartomiglo takosimagivunga nalautaijune Jerusaleme; assiniarput, arvertarpullo saglonerme, idluitulijullo aggangit pitsartutipait, sâgiartoᴋarᴋonago idluitulinerminit; uvamnut ilûnatik Sodomatut iput, inungillo Gomorratut iput.

Jeremia 26:13

Taimaimat mâna arvertarnise piniarniselo âᴋiksorsigik, Nâlakablo Gudipse nippinga nâlaksiuk; Nâlakablo ᴋaᴋᴋialerutigijomavait idluinerit oᴋautigilauᴋtane pivluse.

Jeremia 4:19

Ergavikka, ergavikka! Omatiga âniadlarpoᴋ; ômatiga auladlarpoᴋ ilumne; inilangajungnangilanga, tusarsimagavit, tarnîk, tiptulautib nippinganik, unatarnerub kamasârininganik.

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Hesekiel 21:22

Nelautaijût Jerusalemut ilingajoᴋ talerpianêpoᴋ, kautaᴋsoarmik ilijiᴋovlugo, ᴋannerlo angmarᴋovlugo toᴋotsiᴋojinermut, nippillo angijororᴋovlugit ᴋaigarsungnermut, kautaᴋsoarmik ilijiᴋovlugo upkoaᴋsoarnut, taluksat âᴋiktauᴋovlugit, sôngoviksaliortoᴋarᴋovlugo.

Hosea 10:14

Taimaimat pikablâdlartoᴋalârpoᴋ inuᴋotivit akorngane, serngnigijauviksatillo ilûnatik asserortaulârput, sorlo Salmanib Betarbele asserorlaungmago taipsomane unatarnerme: anânaᴋ egitauvlune serᴋalitaulaungmat ᴋitorngane ilagilugit.

Hosea 11:8

Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.

Hosea 13:14

Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

Amos 1:14

Ikitsijomavungale ikomamik Rabbab ᴋarmaᴋsoangane, nungutsilârporlo igloksoanginik, ᴋaggudlartoᴋartilugo unatarnerub uvlungane, suluksuksoaᴋartilugolo akᴋunaksûb uvlungane;

Amos 2:2

Ikomamigle tilikleromavunga Moabemut, nungutsilârporlo Keriotib igloksoanginik; Moabelo toᴋolârpok pikablâdlartoᴋartilugo, ᴋaggudlartoᴋartilugolo, tiptulausijartoᴋartilugolo;

Amos 4:11

Akunapsingne oggotitsivunga, sorlo taipsomane Gudib Sodom Gomorralo oggotingmagit, ilipselo ilingavose sorlo aumatut ikomamit pêjartaumajotut; sullele utilungilase uvamnut, oᴋarpok Nâlegak.

Jona 3:4

Jônalo iglugasaksoarnut itilerpoᴋ uvlûb atautsib ingiKavigigianga nâvlugo, oᴋâlalerporlo, oᴋarlune: Uvlut 40 ᴋângerpatta Ninive asserortaulârput.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Sefania 1:16

Uvloᴋ tiptulausijarvik kamasâriviglo, iglugasaksoarne ungalujijoksoatalingne, nuvuguseksoarnelo poktojune.

Sefania 2:9

Tamanna pivlugo, sorlo mikseᴋârtomik inôgama, oᴋarpok Nâlegak Zebaot Israêlib Gûdinga, Moabe Sodomatut ituksauvok, Ammoniblo ᴋitorngangit Gomorratut, perornerlukut ôtsiutit, itersallo tarrioktalît, sunaᴋajuitûblo pigilârpait; inuᴋotima amiakungita asserolârpait, inôᴋatigêksoaᴋotimalo amiakungita kingormgutilârpait.

Lukase 17:29

Uvlormele taipsomane, Lote aularmat Sodomamit, silalulerpok ᴋilangmit ikomamik orᴋsoromiglo, tamaitalo nungupait.

Deuteronomy 29:22

Kinguvângolârtullo, ᴋitorngase kingunipsingne inôleromârtut, takorngartarlo nunamit ungasidlartomit tikilârtok, takogunik nunab kapianarninganik, ᴋanimaserniglo Nâlekab tilijanginik ᴋanimadlarᴋovlugo, oᴋaromârput:

Deuteronomy 29:23

Ivjunga ilûnane orᴋsorutiovok, tarriorlo, ikinerlo; karngaviolungilak, nuitajoᴋangilak, iviksuᴋarlônêt perorlungilak tagvane, sorlo Sodomatut Gomorratullo, Admatullo, Zeboimetullo, Nâlekab asserortangititut ningaumajârnermine ᴋaningaumajârnerminelo;

II Pêtrusib 2:6

Iglugasaksuillo Sodoma Gomorralo argjainautilerdlugit pidlalauramigit asserorlugit, erᴋaraksangortidlugit idluitulijunut, kingorngane pijomârtunut;

Jûdasib 1:7

Sôrlotauᴋ Sodoma Gomorralo iglugasaksuillo erᴋânêtut, makkotitunaᴋ ajortulijoᴋsôvlutik, uviningmik assia ikligilugo, maᴋojungnartulidlalauᴋtut, erᴋaraksangortitaungmatta, pidlartauvlutik ikomamut ᴋamisuitomut.