Jeremia 20:12 - Labrador Inuttitut Heritage Bible

¹² Nâlagarle Zebaot, idluartunik nautsertorteojotit, taᴋtuniglo ômateniglo tautuktotit, akkiniarnît tâpkoninga takolago; ilinganerijara nalonaijarsimagapko ilingnut.

Jeremia 20:12 Iomraidhean Croise

II Kronika 24:22

Attanniublo Joasib napᴋoarnek erᴋarlaungila, Jojadab Zachariasib atâtangata pinniarlauktanga tapsomunga; innuarpâle erninga. Toᴋᴋovlunelo oᴋarpok: Nalekab takkova, akkiniarutigivâlo.

Imgerut 11:5

Nâlekab idluartok nautsertorpâ; tarningatale Gudeᴋangitok pinniarlungnerniglo naglingniktut ômigivait.

Imgerut 139:23

Nautsertulaunga Gûde, ômattigalo tukkisileruk; ôktorlaunga, illitarksilutillo ᴋannok issumaᴋarnimnik.

Imgerut 17:3

Igvit ômattiga ôktorlaukpat, unnuamelo nallipsarlaukpat, kiglissiniarlungalo nachvângilattillo sumik; ᴋajusimalaukpunga ᴋannera tappajuksaungimat.

Imgerut 54:7

Igvit piuligamga kappiagijamnit tamainit, ijîka ômigijikka pivlugit ᴋuviasutiksamik takkoᴋovlugik.

Imgerut 58:10

Idluartok ᴋuviasungniarpok akkiniarnermik taimaitomik takkogune, ittikᴋânelo mitsuktiniarpait Gûdeᴋangitub aunganut;

Imgerut 59:10

Gûdima pitsiarningata pachrearpânga; Gûdib ᴋuviasutiksamnik takkoᴋovânga ômigijikka pivlugit:

Imgerut 62:8

Inôjose tattigitsainarsiuk sorairase; ômattise nâvissigik sânganut; Gûde tattigivavut, Sêla.

Imgerut 7:9

Gûdeᴋangitut kassêningit nungutaulît, idluartullo sullitsiartikit; igvit idluartôlutit Gûdeôjotit ômattit taktullo nautsertorangne.

Imgerut 86:4

Kivgavît tarninga ᴋuviasuktilauruk; igvit Nâlegak ᴋajungervigigapkit.

Jesaiase 37:14

Hiskiablo aglait tamakkoa tiguvait tillijaujut agganginit atuarpaillo, majorarlunelo Nâlekab iglunganut issivipait Nâlekab sânganut.

Jesaiase 38:14

Alavunga tullugârsutut, akpingevaksoatut; taubetut anersaumivunga; ijîkka sangẽdlarlutik ârlorpuk: Nâlegaᴋ, ãniadlarpunga, inûlilaungminga!

Jeremia 11:20

Igville, Nâlagaᴋ Zebaot, idluartomik erᴋartuijotit, nautsertortotillo taᴋtuniglo ômatiniglo, takotilaunga akkiniarnerik tâpkoninga; ilingnut nalonaijaisimagama ilinganimnik.

Jeremia 12:8

Kingormgutijama ilingavigivânga loevetut napârtunêtotut, erinaluaᴋidlarvigivânga; taimaimat ômigivara.

Jeremia 17:10

Uvanga Nâlagaujunga ômate nautsertorpara, uvanga taᴋtut ôktorpakka, inuit tamaita tunidjivigijomavlugit piniarningit maliklugit, suliarijangitalo sakᴋertitangit maliklugit.

Jeremia 17:18

Kangusudlarlit uvamnik unangmiklertut, kangusungniarnangale; ᴋoaᴋsâdlarlit, ᴋoaᴋsârniarnangale; tikitautilaukit kapianartûb uvlunganut, asserorlaukillo asserornermut maggolimajomut.

I Pêtrusib 2:23

Tâmna suaktaujarangame, suangilaᴋ; âniatitaugame, silungilaᴋ; idluartomigle erᴋartuijomut tamanna perᴋovâ.

I Pêtrusib 4:19

Taimaimat Gûdib pijomajanga maliklugo âniatitaujut, tarnitik perᴋojaksarivait tâpsomunga, nertornarlune pingortitsijomut, ajungitulilutik.

Takotitaunermik 18:20

ᴋilak ᴋuviasugit tâpkoninga, ilipsetauk Apostelit, nelautaijullo ivjornaitose, ilipse akkiniarutigivluse Gûdib erᴋartulaungmagit.

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.

Takotitaunermik 6:10

Nippersoarmut nipliadlarput oᴋarlutiglo: Nâlegak, hailigiojotit mikseᴋârtôvlutillo, ᴋanok akkunêrtoksoarmik erᴋartuingilatît, auvut akkiniarutiginago taipkonunga nunamêtunût?

I Samuel 1:15

Hannale kiovok, oᴋarlunelo: Aukak, nalegâk, arnauvunga kiksartok. Weinemik immiksamiglo pitsartujomik immerlaungilanga, omattigale navilaukpara Nalekab sângane.