Jeremia 20:11 - Labrador Inuttitut Heritage Bible

¹¹ Nâlakable najorpânga, pitsartudlartotut sivôranartotullo; taimaimallo unangmijikka apolârput; sâlaᴋarniangilallo; kangusudlaromârput angijomik silatujomik pinialaunginamik, kangusungnermut sorainiangitomut puigortauniangitomut.

Jeremia 20:11 Iomraidhean Croise

Imgerut 129:2

Tattekattalaukpânga innuosungnimnit; sâlagilaungilângale.

Imgerut 35:26

Kangusulerlît, kangusuktitaulillo illunaita ᴋanoênimnik ᴋuviasuteᴋartut; kangusuktitaunermik kangunartomiglo anorartitaulît angutauservigijikka!

Imgerut 40:14

Kangusulerlît, kangusuktitaulerlîllo tarnimnik pinasuartut toᴋᴋotsomavlugo; kingorpiosarlutik niverlît nachonartungorlutik, ᴋannoênimnik annerpagijikka.

Imgerut 47:2

Nâlegak ᴋotsingnerpângojok kappianadlarmat, attanersoangovlune nunaksoarmut illunânut.

Imgerut 6:10

Omigijikka ilunamasiatik kangusulârput, ᴋoaksâdlarlârlutiglo; niverlârput, kangusulârlutiglo tagvainak.

Imgerut 65:5

Kappianarlutit idluarnerme, kiojomavaptigut, Gûde piulijaujutiksavut, sungertutiksaujotit nunaksub issunginnut ᴋanningitunnut tamainut, imarbiksoarmullo.

Imgerut 66:5

ᴋaititse tamaunga takkonârluselo Gûdib pinniarninginnik, tattamnadlartub pinniarnermine Inuit ᴋittorngangita akkorngane.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Jesaiase 41:14

Sivoraniarnak, Jâko ᴋopergôjotit, Israêlikkut kattimgajose! Uvanga ikajorpagit, oᴋarpoᴋ Nâlegaᴋ. Ivlernartitoᴋ Israêlikkune piulijigivat.

Jesaiase 45:16

Gûdingoaliortut illũnatik sillasiortuksauvut kangusuktuksauvlutiglo, illũnamatsiatik illerasuktuksauvut.

Jeremia 1:18

Ahâk, uvlome iglugasaksoangortipagit sôngojoᴋsôjunik, nappajoᴋsoangortilutillo kikiangmik, ᴋarmaᴋsoangortilarpillo ᴋaᴋᴋorlermik nunaᴋsûb ilûnanganut, Judab ataninginut, angajoᴋâᴋsoanginullo, ajoᴋertuijunginut, nunaᴋsûblo inugasaᴋsoanginut.

Jeremia 1:19

Unatarvigijomârpâtillo, sâlaginiangilâtille, ilingnênama, Nâlagaᴋ oᴋarpoᴋ, piulijomavlutit.

Jeremia 1:8

Sivoraniarnak taipkoninga; ilingnênama piulijomavlutit, oᴋarpoᴋ Nâlagaᴋ.

Jeremia 15:15

Nâlagak ᴋaujimavotit; erᴋarlaunga, nalipsarlaungalo, unangmijimnullo akkiniarutigilunga; kamangitsertornerne tâpkoninga pêjartautiniarnanga; ᴋaujimalerille mitautigijaudlalaurama pivlutit.

Jeremia 15:20

Inungnullo tâpkonunga ilingatitsomârpagit ᴋarmaᴋtut ᴋaᴋᴋorlermik avaluliorsimajotut; sorᴋsugvigijomârpâtit, sâlaginiangilâtille; ilagigapkit saputijomavlutit piulijomavlutillo, Nâlagaᴋ oᴋarpoᴋ.

Jeremia 17:18

Kangusudlarlit uvamnik unangmiklertut, kangusungniarnangale; ᴋoaᴋsâdlarlit, ᴋoaᴋsârniarnangale; tikitautilaukit kapianartûb uvlunganut, asserorlaukillo asserornermut maggolimajomut.

Jeremia 22:22

Anorib pairijitit tamaita nungujomârpait, ungagijitillo aularutijaujomârput kipalônermut; taipsomane tagva kangusuktitauniarpotit ilerasuktitauniarlutillo idluitulinitit tamaita pitjutigilugit.

Jeremia 23:40

Tikiutjijomavungalo ilipsingnut naggonartiksamik issoᴋarniangitomut, kangusûtiksamiglo sorainiangitomik puigortauniatsangitomik.

Jeremia 32:18

Nâpkiningnermik saᴋᴋertitsijotit tausandeoᴋattartunut, pidlarnikteojotillo atâtat idluitulingininik ᴋitorngangita sagvinginut, kingorngatigut pijunut; Gudemik angijomik pitsartujomiglo, Nâlakamik Zebaotemik atteᴋartotit;

Daniel 12:2

Nunablo saningini siniktut ilangit unuktut tupagomârput, ilangit inôtsimut nâksaungitomut, ilangillo kangusuktitaunimut naggogijaunimut nâksaungitomut.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.