Jeremia 2:8 - Labrador Inuttitut Heritage Bible

⁸ Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Jeremia 2:8 Iomraidhean Croise

I Atannit 18:22

Tagva Eliab inugasaksuit oᴋautivait: Uvanga inutôlunga amiakovunga, nellautaijovlunga Nâlekamut, Baalible nellautaijoᴋotingit 450 geôvut.

I Atannit 18:29

ᴋetterarmallo nellautaivut, tunnergutiksak nerᴋiksak tunnijaukârtinago; tagvanele nippeᴋalaungilak, kioneᴋaranelonêt, kamaneᴋangilarlonêt.

I Atannit 18:40

Eliable oᴋautivait: Baalib nellautaijoᴋotingit tigulersigik, tapᴋoa illangallonêt ᴋemâᴋonnago. Tiguvaillo. Eliablo atersartipait kôngmut Kisonemik atelingmut, toᴋopaillo.

Hiobe 35:10

“Oᴋartoᴋangilarle: Gûde pingortitiga nanêᴋâ, imgerneᴋartitsijok unuarme?

Jesaiase 28:7

Ukkoaletauᴋ (Jûdakkut) vainetornermut tallatitauvut, imiksamullo tallanartomut kaibjaititauvut. Ajoᴋertuijullo nallautaijullo imiksamut tallanartomut tallatitauvut, vainetornermullo sãlagijauvut, imiksamullo tallanartomut kaibjaititauvut; takkotitjutinik tautuktitauvlutik tallaput, erᴋartuivingmêdlutik kaibjaivut.

Jesaiase 29:10

Nâlekab anerneᴋ sinningnartoᴋ kovingmago illipsingnut, ijiselo (tagva:) nallautaijut mattulugit niaᴋoselo (tagva:) takkotitjuteᴋartut ulliklugit.

Jesaiase 30:5

Illũnatigle kangusûtigijomârpait nunaᴋatigêt taipkoa, attornalungimatta ikajoratiglo suksaunatiglo, kangusûtiksaungmatta nachogijaunarlutiglo.

Jeremia 10:21

Mianersijut silaitungorsimangmatta, Nâlagarlo aperᴋutigingilât; tamanna pivlugo silatujomik piniarungnangilat, pairijangillo siamangavut.

Jeremia 12:10

Mianersijut unuktut asseroisimavut perorsêvimnik vaineliksatalingmik, perorsêviga tullerajârsimavât, perorsêviga ânanaudlartoᴋ sunaᴋarungnaitungortisimavât.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 2:11

Inôᴋatigêksuit tauᴋsêlauᴋsimavât gudingoamingnik gudeolungikaloartunîk? Inuᴋotimale opigijaksarijatik ânanaujoᴋ tauᴋsiutisimavât idluarᴋutiksaungitunut.

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Jeremia 4:22

Inuᴋotikka silaidlarmatta, ilitaringilânga; ᴋitorngauvut sujuksimajut, silatuneᴋangilallo mikijomiglônêt; silatudlarput idluitulinermik, idluartulinermigle ilisimaneᴋangilat.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremia 7:8

Ahâk, sungertuteᴋarpose oᴋautsinik saglûtaujunik, idluarᴋutaujungnangitunik.

Jeremia 9:14

Arvertalaungmattale ômatimik mangaitoᴋsôningat maliklugo, Baalelo maliklugo, sorlo ajoᴋertortaulaungmatta atâtamingnut;

Hesekiel 22:26

Ajoᴋertuijungita perᴋojakka idluiliorvigivait, ivsornaitoᴋotikkalo ivsornaijungnaitipait: ivsornaitullo ivsornaingitullo adsigêngitilungilait, inôᴋatitiglo ajoᴋertulungilait adsigêngititsijuksaungmatta ivsornaituniglo ivsornaingituniglo, sabbatimnullo ijitik mattuvait, uvangalo ivsornaijungnaititauvunga tâpkoa akorngane.

Hesekiel 34:2

Inûb erninga, mianersijut Israêleme nelautaivigikit, nelautailerit, mianersijullo oᴋautikit: Imâk oᴋarpoᴋ Nâlegaᴋ Nâlegaujoᴋ: Kapianarmêk mianersijut Israêleme nangminermingnik nerrititsijut! Mianersijut nerripkaijuksaungilât saukanîk?

Hosea 4:6

Inuᴋotikka asserortauvut ilisimaneᴋanginamik; ilisimaneᴋ ajaktorangne, uvangatauᴋ ajaktoromagivagit, uvamnut ajoᴋertuijôᴋonak; Gudivît perᴋojangit puigorangne, uvangatauᴋ puigoromagivunga ᴋitorngarnik.

Habakûb 2:18

Inungoaliarimajak suksaungmât, senajib senamago, inungoarlo kussersimajoᴋ, ajoᴋertuijorlo saglonermik, senajûb senajane tatigingmago, oᴋajuitomik gudingoaliormât?

Mattêuse 16:26

Inûb suksarivaûk, silaksoak ilûnât piksarsiarigalloaruniuk, tarninga asserorpat? Ubvalo, sumîk inuk tunijijungnarᴋâ tarnime satûtiksanganîk?

Lukase 11:52

Kappianamêk ilipse, aglangnik ilisimajut, ilisimanartub pêrutânik peᴋarapse. Ilipse iterniangilase, iteromajullo agviarpase.

Johannese 16:3

Taimailiorvigijomârpâse, Atâtagalônêt uvangalônêt ilitaringinamitiguk.

Johannese 8:55

Ilitaringilaselo. Uvangale ilitarivara. Oᴋarajarumalônêt: Ilitaringilara; sagloᴋitsinajarpunga ilipsitut. Ilitarivarale oᴋausingillo malikpakka.

II Korintemiunut 4:2

ᴋangunartunigle ijersimajunik ulloreasukpogut, nelangaitomiglo iluseᴋangilagut, Gûdiblo oᴋausingit asserᴋotsitingilavut; mikseᴋârnermigle saᴋᴋertitsiluta perᴋovogut uvaptingnik inuit ilûnatik erᴋarsautinginut Gûdîb sângane.

Deuteronomy 33:10

Tâpkoa Jakokut ajuᴋertorpait idluarsaijutiksarnik Israêlekullo perᴋojarnik; tâpkoa isserluanerutiksanik tipitsiariksautiksanik ilijilârput ᴋingavît sânganut, tunergutiksaniglo ôtaksanik iluitunik tunerguservingnut.

I Samuel 12:21

Sangunaselo suksaungitok malliklugo, piutsangimat, piuliklerungnangilarlo, sunaungitôngmat.

I Samuel 2:12

Elible ernigik uivêtoksôlaukpuk: tapkoa Nalegak ᴋujanarutigilaukpak;