Jeremia 2:6 - Labrador Inuttitut Heritage Bible

⁶ Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Jeremia 2:6 Iomraidhean Croise

II Atannit 2:14

Tiguvalo Eliab ullinga, kattalauktanga, immerlo annauva, oᴋarlunelo: Naneᴋâ manna Nâlegak Eliab Gûdinga? Immerlo annaungmago tagva avikpok avunga ikkungalo, Elisalo pissukpok tagvûna.

Hiobe 3:5

Târnerub tacharnerublo sâlagilikko, nuvujallo ivjojut ᴋânganêtsainarlit, pujublo uvlôtillugo takkoranêtiliuk.

Hiobe 35:10

“Oᴋartoᴋangilarle: Gûde pingortitiga nanêᴋâ, imgerneᴋartitsijok unuarme?

Imgerut 23:4

Koroksioralloarajarumalo tâktokut, ᴋannoêtomik illimasulungilanga; igvit najoramga, ajaupiaᴋotivit tassiornivîllo mannigorpânga.

Imgerut 77:5

Nalliutok itsanîtak, Jârillo ᴋângertut erᴋaumavakka.

Exodus 20:2

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.

Jesaiase 63:9

Kappiasûtigijangit tamaita kappiasûtigivaittauᴋ, kênangatalo engelingata piulivait. Nagligigamigit nâpkigivlugillo, ᴋelluvait. Kiviklugillo erᴋsukpait uvlut tamaita itsaᴋsoarnit.

Jesaiase 64:7

Attit taivlugo tuksiartoᴋalungilaᴋ pinasuartomiglõnêt tigujomavlutit, kênat ijerangne uvaptingnut, pitilluta idluinipta pitsartuningannut.

Jeremia 13:16

Opigijaunermik tunidjileritse Nâlakamut Gudipsingnut, Gude tâᴋsititsiᴋonago, itikaselo aporᴋonagit ᴋaᴋᴋane tâᴋsilertune; ᴋaumajoᴋsêtiluselo tâmna ablatsângortitsiᴋonago tamattominga toᴋub taggalininganut, tâᴋtoᴋsoangortilugolo.

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 2:8

Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Jeremia 5:12

Nâlagaᴋ missiarutigivât, oᴋarlutiglo: Tâmnaungilaᴋ; idluinerublo tikiniangilâtigut; takoniangilagullônêt saviksoarmik kângnartoᴋsoarmiglônêt;

Jeremia 5:2

Oᴋaraloaruniglo: Sorlo Nâlagaᴋ inôngmat; sulle nalâgôngitomik angerput.

Jeremia 51:43

Iglugasaksoangit asserorningorput, nuna panertoᴋ, inuêrnerlo, nuna inuktaᴋangitoᴋ, inublo erningata apᴋusâlungilâ.

Hosea 12:13

Nelautaijokullo Nâlekab Israêle Egiptenemit majorartilauᴋpâ, nelautaijomullo pairijaulauᴋpoᴋ.

Hosea 13:4

Uvangale Nâlegauvunga Gudît Egiptenemit; gudemiglo assimnik ilitarᴋsijuksaungilatit, assimniglo piuliklertoᴋangilaᴋ.

Amos 2:10

Majorartilaukpapselo nunamit Egiptenemit, inuᴋajuitokullo tesiolaukpapse jârit 40 nâvlugit, Amoriterit nunangat perᴋutigilugo piᴋovluse.

Mattêuse 4:16

Inuit târmiut, ᴋaumajoksoak takovât, toᴋublo tachalininganêtunut ᴋaumajok nuimavok.

Deuteronomy 1:19

Aulalaukpogullo Horebemit, sunaᴋajuitorlo tâmna angijok sivôranartorlo takojase tamât ingergarvigivlugo, Amorikut ᴋakᴋangit apᴋutigilugit, sorlo Nâlekab Gûdipta perᴋongmatigut, tikipogullo Kades-barneamut.

Deuteronomy 32:10

Naipipâ nuname sunaᴋajuitome, inuᴋangitome sunataᴋangitome ᴋeaksulingme; iluvâ, pairivâ, serngnigivâ ijime takonârtingatut;

Deuteronomy 8:2

Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.

Idluarsaijut 6:13

Gideonible oᴋautiva: Nâlegâk, Nâlekab ilagikpattigut, sôgle tagva tamakkoninga tamainik pilaukita? Naneᴋâllo tattamnartulliningit tamaita atâtagijapta unipkautigilauktangit uvaptingnut, oᴋarlauklutiglo: Nâlekab Egiptenemit tasiorlaukpâtigut? Mannâle Nâlekab ᴋemalaukpâtigut, tunilutalo Midianiterit agganginut.