Jeremia 2:27 - Labrador Inuttitut Heritage Bible

²⁷ Oᴋartut ᴋejungmut: Atâtagivagit; ujarᴋamullo: Ernerivarma; taipkoa tunupânga sâvigingilângalo; kapiasungnermiglo naliuningane oᴋaromârput: Nikovilaurit piulilutillo.

Jeremia 2:27 Iomraidhean Croise

II Kronika 29:6

Atâtagijavut tammarlaungmatta, pinniarlaukpullo Nalekab Gudipta idluigijanginik, ᴋemmalaukpâllo. Kênatik sangulaungmagit Nalekab iglunganit, tunnulaukpâllo;

Jesaiase 26:16

Nâlegaᴋ, kappianartoᴋalerangat, ᴋennerpâtit; sugialerangangne, anersauminikut nipliavigivâtit.

Jeremia 10:8

Ilûnatik adsigêktomik silaitôvut tukkeᴋangitôvlutiglo; ajoᴋertusiovut gudingoanik, ᴋejutuinaugamik.

Jeremia 18:17

Omigijingita sângine siamartitsomavakka sorlo unnangârmut; tunuga saᴋᴋertitsomavara tâpkonunga, kênaraungitorle, kapiasungningita uvlungane.

Jeremia 2:24

Siuteᴋortojôvotit nujoartoᴋ sungiusimajoᴋ inuᴋajuitomik, anorimut narriomasijârtoᴋ; piviksarsinermine kia sangutitsungnarᴋaûk? Kenertut tâpsominga merngortoriaᴋangilat, taᴋᴋeᴋotingane nagvâlârmatsuk.

Jeremia 22:23

Libanoneme inneᴋartotit, Sêdarene ubloliortotit, nâpkinarsijomârpotit ânilakteradlarnernut tikitauguvit, ernisuktotut ânialeruvit!

Jeremia 3:9

Sunaubvalo assiniarningita unipkautauninginut nuna ivjornartitauvoᴋ, ujarᴋallo ᴋejuillo ajortulijutigilauᴋpait.

Jeremia 30:7

Kappê! Uvloᴋ taimna angijôvoᴋ, adseᴋangilaᴋ; Jakob siorniorvigivâ; piulijaujomârporlo tamattomangat.

Jeremia 32:33

Tunuterpullo uvamnut, kênalijaromangimut; ajoᴋertulauralloarapkillo, nikovisaraivlunga ajoᴋertorlugit, sulle nâlalaungilat ajoᴋertutsit ilalioromalaungilait.

Jeremia 37:3

Zedekiablo ataniojub Jehukal, Selemiab erninga, Zefanialo, Masîab erninga, ajoᴋertuijok, tilivak nalautaijomut Jeremiamut, oᴋarᴋolugiglo: Tuksiutisârlauᴋtiguttôᴋ Nâlakamut Gudiptingnut.

Jeremia 42:2

Oᴋarpullo Jeremiamut nalautaijomut: Kenunivut tôklerletôᴋ kênavit sânganut, Nâlagarlo Gudit tuksiarvigilauruk pivluta, amiakôjullo makkoa tamaita pivlugit; unuktôlauᴋtogut ikitôlerapta amiakôjogut sorlo ijîkpit takungmatigut;

Hesekiel 23:35

Tamanna pivlugo Nâlegaᴋ Nâlegaujoᴋ oᴋarpoᴋ imâk: Puigoramga egigamgalo tunungnut, tamanna pivlugo kangunartulinitit assiniarnitillo nangmaraksarivatit.

Hesekiel 8:16

Tikiutivângalo Nâlekab iglungata avaluliorsimajunganut ilulerpâmut, ahâglo, Nâlekab iglungata upkoangane angutit 25, pâblo tunerguserviublo akorngangnêput, Nâlekab iglunga tunulugo, kênangillo sângatilugit ununga, seᴋᴋinerlo tuksiarvigivât nuivinga sâdlugo.

Daniel 9:7

Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.

Hosea 4:12

Inuᴋotima ᴋejuit atanertortiksarsiorvigivait, ajaupiamiglo nelonaijaivigivait: assiniarnerub anerningata tamartingmagit, Guditiglo tunulugo assiniariartorput.

Hosea 5:15

Aularlunga uteromavunga inimnut, kigligiksarᴋârtinagit idluitulinermingnik, kênaralo ᴋenerlugo; kapiasungnermingne ilungertorlutik ᴋenerasualârpânga.

Hosea 7:14

Omatimingnullo ᴋaigarsugvigilungilânga, inangavingmingne ᴋaggudlaraloartilugit; katimavut senaugaksat vainelo pivlugit, pikablâvigivângale.