Jeremia 2:21 - Labrador Inuttitut Heritage Bible

²¹ Uvangale ililauᴋpagit napârtôᴋovlutit vaineliksaᴋ idluartoᴋ, karngasûteoᴋovlutit nâmamariktoᴋ; ᴋanoᴋ tagva ablatsângorsimanerᴋêt, perornerluktungorlutit vaineliksamik takorngartamik uvamnût?

Jeremia 2:21 Iomraidhean Croise

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Genesis 32:28

Oᴋarporlo: Kingorngagut Jakomik atteᴋarungnairlutit, Israelemik atteᴋartuksauvotit, Gûdemullo inungnullo sorsugavit sâlaᴋarlutillo.

Imgerut 105:6

Illipse kivgangata Abrahamib kinguvângit; illipse anerimajangata Jakob ᴋittorngangit.

Imgerut 44:2

Aggangnut nallojut aulartilaukpâttit, taipkoale ineᴋartilaukpâttit; innuᴋattigêksuit asserorlaukpâttit, taipkoale siamartilaukpâttit.

Imgerut 80:8

Nappârtok Weineliksak ailaukpat Egiptenemit, nallojut aulartilaukpâttit, tâmnalo illilaukpat.

Imgerut 80:9

Sângane inniksaᴋartitsilaukpotit amângillo siamasariarᴋolaukpâttit; nunamik nâjimangmat.

Exodus 15:17

Tikiutititaksarivatit inneᴋartilugillo ᴋakᴋame kingormgutijarne, inneme inniliarimajarne innigijomavlugo, ivlernartovingme, Nâlegak, aggakpit atuinarutisimajangane.

Jesaiase 1:21

Ilâ iglugasaksuit nertornartut anguniarpaktotut illingatitaumavut. Idluarnermik illumertaulauᴋput, idluarsainerublo innigilauᴋpait, mãnale inuartut tagvanẽput.

Jesaiase 27:2

Taipsomane imgeritse perorsêvik vaineliksatalik ᴋuvianartoᴋ pitjutigivlugo.

Jesaiase 41:8

Igville Israêle kivgara, Jâko anerijara, Abrahab nagliktima kinguvânga,

Jesaiase 5:4

Sumik sulle pijarialingmik perorsêviga vaineliksatalik pivigingilarâ? Sôᴋ paungalukaᴋarᴋâ, ajungitunik paungaᴋarniksanga nerriugigapko?

Jesaiase 60:21

Inuᴋotitit illũnatik idluartôjomârput, nunaᴋsoarlo kingormgutijomârpât issoᴋangitomut, perorsiangongmatta nangmineᴋ illijakka, aggangmalo sanangmagit nertornautiksamnut.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Jeremia 11:16

Nâlakab atseralauᴋpâtit: Napârtomik tungujoᴋtamik, takoranidlartomik paungalingmik orᴋsulingnik; perajaludlartulle pervaludlarninginut ikitsilauᴋpoᴋ ikomamik tâpsomane, akkerungillo naviksimavut.

Jeremia 11:17

Nâlagaᴋ Zebaot ilijilauᴋtoᴋ ilingnik siluksimavoᴋ idluitomik ilingnôrtuksamik, Israêlib ᴋitorngangita Judablo ᴋitorngangita idluiningit pivlugit, idluitulinerijangita ningarsârmanga Baale tunerguservigivlugo isserluanerutinik.

Jeremia 5:10

Majoraritse ᴋarmaᴋsoanginut, asseroiluselo; nungumariniarasigigle; akkerungit (ᴋitorngangit) aularutisigik; pêrᴋutaungimatta Nâlakamut.

Jeremiab Ogguarutigijangit 4:1

Kappe! Golde ᴋeblerungnaidlarpok! Goldesiak ilaᴋangitok takominaitungorpok! Katimaviksûb ujaraktangit egitauvut apᴋosineâluit ilûnatik issungine.

Hesekiel 15:2

Inûb erninga, napârtoᴋ vaineliksatalik ᴋanoᴋ pinersauvâ napârtunit assiminit, vaineliksataliub akkerunga, napârtoliksuit napârtungita akornganêtovinêᴋ?

Mattêuse 21:33

Adsiujomik assianik tussaritse: Angajoᴋaᴋalaukpok perorsêviliortomik, vaineliksanik ilijivlune, avatâlo avaluliudlarlugo; paungallo iptêjartauviksanganik sanalaurivok, nuvuguseᴋsoaliorivorlo; perorsêvilerijunullo pimajauᴋogamiuk, nuname assianut aularpok.

Markuse 12:1

Adsiujuniglo oᴋarvigilerpait: Anguteᴋalauᴋpoᴋ perorsêviliortomik, vainiliksanik ilijivlune, avatâlo avaluliudlarlugo; paungallo iptêjartauviksanganik sanalaurivoᴋ, nuvuguseᴋsoaliorivorlo; perorsêvilerijunullo pimajauᴋogamiuk, nuname asianut aularpoᴋ.

Lukase 20:9

Inuille adsiujomuk mattominga oᴋautilerpait: Inuk perorsêviliorpok, vaineliksanik ilijivlune, perorsêvilerijunullo pimajauᴋovâ, nunablo assianut aularpok muludlarlunelo.

Johannese 15:1

Uvanga napârtôvunga vaineliksak idluartok, Atâtagalo vaineliksatalingmik perorsêvilerijôvok.

Deuteronomy 32:32

Tâpkoa napârtungat vaineliksak Sodomab vaineliksanganit pivok, Gomorablo perorsêvinginit; vainiksangit sungaktut-iput, paungangit ᴋasilinarput;

Deuteronomy 4:37

Atâtatillo nagligilauramigit, tamanna pivlugo tâpkoa kinguvângit annerivait kingorngane, Egiptenemillo tikiupâtit najornerminut pitsartunerminut;

Josua 24:31

Israelitillo Nalegak taimak akkunêrtigijomik kivgartorlaukpât Josua innotillugo, angajoᴋajallo akkunit Josuab kingorngagut innôlauktut, ᴋaujimalauktullo Nalekab pinniarninginik tamainik, pinniarnerilauktanginik Israelitinut, innôtillugit.