Jeremia 2:20 - Labrador Inuttitut Heritage Bible

²⁰ Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 2:20 Iomraidhean Croise

I Atannit 12:32

Uvloksiorvingmiglo âᴋiksoivok takᴋit 8 ingata uvlungita 15 ingane, uvloksiorviub Judame adsinganik, tunnergutiniglo tunnijivok Altareme. Taimailiorpok Betheleme, tunnergutit tunnijauᴋovlugit nochangoangnut sanalauktangangnut; âᴋiksoilunelo Betheleme ajuᴋertuijunik poktôjunut sanalauktaminut.

I Atannit 14:23

Sanalaukpullotauk ingmingnut poktôjunik, nappajuniglo, napârtuniglo, ᴋakᴋarulangne pôktojune ilûnnaine, napârtullo tungojortut ilûnnatik atâne.

Imgerut 107:14

Tassiorlugillo târmit, tâksinermillo, ᴋellarutingillo kiktoratilugit:

Imgerut 2:3

ᴋellarutingit kiktoralerlavut, aklunângillo egidlarlavut.

Imgerut 78:58

Ningaksarlaukpâllo pôktojoᴋotimingnut, illungertortilugolo Gûdingoaᴋotimingnut.

Exodus 19:8

Inuillo ilûnnatik atautsikut kiovut, oᴋarlutiglo: Nâlekab oᴋauserijangit tamaita piniaromavavut. Mosesiblo inuit oᴋausingit âpait Nâlekamut.

Exodus 24:3

Mosesiblo inuit oᴋautijartorpait Nâlekab oᴋausinginik tamainik, maligaksaniglo tamainik; inuillo ilûnnatik nipemut atausermut kiovut, oᴋarlutiglo: Nâlekab oᴋauserijangit tamaita piniaromavavut.

Exodus 3:8

Akᴋarpungalo, Egiptenemiut agganginit piulijartoromagapkit aulartitsomavlugillo nunamit tamatomangat nunamut ajungitomut nerrotojomullo, nunamut imumik igupsaujârtullo orᴋsuanik kôlingmut, Kânaanemiut Hetiterillo Amoriterillo Feresiterillo Heviterillo Jebusiterillo nunanganut.

Jesaiase 1:21

Ilâ iglugasaksuit nertornartut anguniarpaktotut illingatitaumavut. Idluarnermik illumertaulauᴋput, idluarsainerublo innigilauᴋpait, mãnale inuartut tagvanẽput.

Jesaiase 10:27

Taipsomane nangmartaurᴋojanga tuipsingnit pêromârpoᴋ nangmautangalo ᴋungasipsingnit, nangmautâluk serᴋomitaujomârmat sôngodlartomut.

Jesaiase 14:25

Assure asserorasuarpara nunaᴋotimne. Tulleraromârpara ᴋaᴋᴋamne, nangmautanga pêrlugo taipkonangat (Israêlitinit), nangmartaurᴋojangalo pêrlugo tuinginit.

Jesaiase 9:4

Nangmautit nangmagaksangit, issaᴋautit ᴋollêgingnut attortut, aulatsijingitalo annautangit navigangne, sôrlo Midianib nalliuningane.

Jeremia 13:27

Takolaurama maᴋojungnartulinernik, assiniarnerniglo, narriomasijarnerniglo, ajortulinivîllo iloᴋeudlarninginik ᴋaᴋᴋârulangne perorsêvingne. Kapianarmêk igvit Jerusalem! Ivsornaititaujomangilatit. Kanoᴋ akunertigijomik taimailingalârᴋêt?

Jeremia 17:2

Kitorngangit erᴋaumatilugit tunerguservinginik gudingoanginiglo napârtut tungujoᴋtat atâne ᴋaᴋᴋane poᴋtojune.

Jeremia 2:31

Kinguvârêngojose ilipse, kamagitse Nâlakab oᴋausinganik. Sunaᴋajuitôlauᴋsimavingâ, nunatullônêt tâᴋtoᴋsoaliktut ilingalauᴋsimavingâ Israêlimût? Suna pivlugo inuᴋotikka oᴋarᴋât: Pitûdjarpogut; tikitsomairpogut ilingnût?

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 30:8

Pijoᴋalârporlo uvlorme tâpsomane, oᴋarpoᴋ Nâlagaᴋ Zebaot, tâpsoma nangmautanga pêjaromagapko ᴋongasernit, ᴋelarutitillo kiktoraromagapkit, takorngartallo kivgarijungnailârpât;

Jeremia 5:5

Ilisimanersanut aijomavunga, tâpkoalo oᴋaᴋatigilugit; tâpkoa ᴋaujimavalungmatta Nâlakab apᴋotinganik, Gudingatalo idluarsaininganik. Tâpkoale ilagêklutik nangmaut navisimavât, ᴋelarutillo kiktorarlugit.

Hesekiel 16:28

Assiriamiuttauᴋ ajortuliᴋatigilauᴋpatit, nâmaksinermik saperavit; ila tâpkoatauᴋ ajortuliᴋatigivatit, sullelo nâmaksititaulungilatit.

Hesekiel 16:31

Iniksalioravit poᴋtojunik apᴋosinit tamaita issungine, ᴋaᴋᴋârsungoalioravillo apᴋosineâlungne tamaine; anguniarpaktotullo ilingalaungilatit, akkilertauneᴋ erᴋagilaunginangne.

Hesekiel 16:41

Iglotillo ikitsomârpait ikomamut, pidlaromârlutillo arnagasaksuit sângine; assiniarungnaititsomârpagillo, tunitjijungnaituksaulârpotillo akkiliusianik kingorngane.

Hesekiel 20:28

Tikiutisimalaurapkit nunamut, aggakka isângatilugit tunijamnut tâpkonunga, ulernairtuivut ᴋaᴋᴋanik poᴋtojunik tamainik, napârtuniglo siliktunik tamainik, tagvanelo tunerguserput, tagvungalo pajukput tunergutimingnik maᴋojungnartunik, tagvanelo âᴋiksorpait tipigiktut naimajominartuliarimajatik, tagvanelo kovivait tunergutitik imiksat.

Hesekiel 23:5

Ohôlalo, perᴋutauvlune uvamnut, assiniarpoᴋ; assiniakatinelo ikligivait, Assiriamiut, nunangata silalingit.

Hosea 1:2

Nâlegaᴋ Hoseamut oᴋaᴋârame, Nâlekab Hosea oᴋautivâ: Ailerit, anguniarpaktomiglo, anguniarpaktut ᴋitorngangita ilanganik, nulianingnialerit, nuna assiniarmat angijomik, Nâlegaᴋ ᴋemaklugo.

Hosea 2:5

Anânangat anguniarmat; singailauᴋtoᴋ tâpkoninga kangunartulivoᴋ; oᴋarmat: Anguniaᴋatigijaᴋᴋa maligomavakka, tunitjivigijikka nerᴋiksamnik, imiksamniglo, saukallo merᴋunginik, ilupâksarmiglo, orᴋsumiglo, imiksaniglo.

Hosea 3:3

Oᴋautivaralo: Uvamnut ungatsainarit uvlut unuktut nâvlugit; assiniartuksaungilatit, nuliarijaujuksaungilatillo angumut; uvangatauᴋ taimailijomavunga ilingnut.

Hosea 4:13

Tunergutinik ôtaksanik tunitjivut ᴋaᴋᴋaᴋsuit ᴋângine, tipigiksautiniglo isserluanititsivut ᴋaᴋᴋane, napârtut sittijuksajat, ᴋairoliujallo, kutsulillo atâne, taggaliningit piojorijôgamigit; tamanna pivlugo panise assiniarput, nuliaksaselo anguniarput.

Hosea 9:1

Kuviasuklutit, Israêle, ᴋiggertarniarnak inôᴋatigêksoatitut, Gudît tunulugo assiniaravit, assiniarnerub akkiksanga ungagidlarangne senaugaksat issiptervingine tamaine.

Leviticus 26:13

Uvangauvunga Nâlegak Gûdise tikiutitise nunamit Egiptenemit kipaloᴋonase tâpkonunga; nangmautapsele ᴋejuktangit navilauᴋpakka, makitatsiarluse arvertarungnarᴋovluse.

Nahum 1:13

Mânalo tâpsoma nangmautanga pêjaromavara ilingnit, ᴋelarutingillo kiktoraromavakka.

Deuteronomy 12:2

Inôᴋatigêt pigijapse Gûdingoangit kivgartorvigijangit tamaita asseroraksarivase, ᴋakᴋane poktojune, ᴋaᴋârulanelo, napârtullo tungujortat atâne;

Deuteronomy 15:15

Erᴋaijuksauvotillo kivgaulauravit nuname Egipteneme, Nâlekablo Gûdivît piulilaungmatit; tamanna pivlugo tamattominga perᴋovagit uvlome.

Deuteronomy 26:17

Nâlegak kigligiutjivigivat uvlome Gûdigijomagangne, arvertartuksaugavillo tâpsoma apᴋutauᴋojangine, tâpsoma perᴋojangit, maligaksauᴋojangillo, ilusioᴋojangillo maligomavlugit, nippingalo nâlegomavlugo;

Deuteronomy 4:20

Nâlekab ilaliormase anitiluselo kikiangmik auktitsivingmit, Egiptenemit, inuᴋutauᴋovluse kingormgutijaksamik tâpsomunga, sorlo uvlome igapse.

Deuteronomy 4:34

Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

Deuteronomy 5:27

Igvit ᴋaglisalaurit tusarniarlutillo tamainik Nâlekab Gûdipta oᴋauserijomajanginik; igvillo oᴋautigikit uvaptingnut tamaita Nâlekab Gûdipta oᴋauserijangit ilingnut; tagva tusaromavavut piniarlugillo.

Josua 1:16

Tapkoalo Josua kiolugolo oᴋarput: Illunaita perᴋolauktatit uvaptingnut pinniarutigijomavavut, namullo tilliklerviginiartarnut uvaptingnik, tagvunga aijomavogut.

Josua 24:24

Innugasaksuillo Josuamut oᴋarput: Nalegak Gudivut kivgartoromavavut nippingalo nalagomavavut.

Josua 24:26

Josuablo tamakkoa tamaita aglalaukpait Gudib aglaᴋotinginut perᴋojaktalingnut; tigusilunelo ujarᴋamik angijomik, nappartilugolo tagvane, nappartub Eichemik attiggub Nalekab ivsornaitoviᴋotingata ᴋanitanganêtub attâne.

Takotitaunermik 17:1

Engelillo 7 it iluleᴋuteᴋartut 7 nik illangata oᴋariartorvigivânga oᴋautivângalo: ᴋait, anguniartoksûb imaksuit unuktut ᴋângine iksivajub erᴋartortauninganik takotitsomagapkit;

Idluarsaijut 10:6

Israelible ᴋitorngangit idluitullilaurivut Nâlekab sângane, kivgartorlutiglo Baalinik, Astarotemiglo, Siriamiullo Gûdinginik, Zidonemiullo Gûdinginik, Moabiterillo Gûdinginik, Amoniblo ᴋitorngangita Gûdinginik, Filisterillo Gûdinginik, Nâlegarlo ᴋemakpât kivgartornagolo.

Idluarsaijut 2:11

Tagva Israelib ᴋitorngangit idluitullivut Nâlekab sângane, Baalillo kivgartorpait,

Idluarsaijut 2:13

Nâlegak ᴋemaᴋatarmatsuk, kivgartorlutiglo Baalemik, Astharotemiglo.

I Samuel 12:10

Amalo niplialerput Nalekamut, oᴋarlutiglo: Idluitullilaukpogut Nalegak ᴋemmalauraptigo, Bâlillo Astarotelo kivgartorlauraptigik; mannale piulitigut omigijipta agganginit, tagva kivgartoromavaptigit.