Jeremia 2:19 - Labrador Inuttitut Heritage Bible

¹⁹ Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 2:19 Iomraidhean Croise

I Atannit 18:18

Tamnâle oᴋarpok: Uvanga Israelitinik asseroilungilanga, igville, atâtavillo iglomioᴋatingit, Nâlekab perᴋojangit ᴋemalaurapsigik, agvertarapselo Baale malliklugo.

II Kronika 12:5

Tagva Semajab nallautaijub Rehabeame Judakullo angajoᴋaunerôjungit Jerusaleme kattimalertut sivuramut Sisakemik, oᴋautivaillo: Imâk Nalegak oᴋarpok: Illipse ᴋemmalaukpapsinga, tamanna pivlugo tunnilaukpapse Sisakib agganginut.

II Kronika 21:10

Taimaglo Edomiterit apterput Judamit uvlok tamanna tikkidlugo. Nalliutome taipsomane Libna (iglugasaksuit) apterivut, Nalegak atâtagijame Gudingat ᴋemangmago.

II Kronika 25:16

Oᴋarᴋattigingmagolo (Amaziab) oᴋautiva: Igvit attannertuijungortitaumavit attannermik? Nippangerit. Sunna pivlugo annaulertaujomavit? Tagva nallautaijok nokᴋarpok, oᴋarlunelo: Mallugosukpunga, Gude kajusimangmat asseroromavlutit, taimailioravit attannertuineralo nalanginangne.

Imgerut 36:1

Omattimne oᴋausiksaᴋarpok Gûdeᴋangitub illusinginnik; sivuranealungilak Gûdemik ijikita sângangne.

Exodus 33:6

Israêlikullo pinarnarsautitik pêrpait ᴋakᴋaub Hôrebib erᴋâne.

Salomob Okâl 1:31

Tamânna pivlugo nerrijuksauvut illutsimik ᴋaitanginnik, kajusinermingniglo akᴋeartortuksauvlutik.

Salomob Okâl 1:32

Ilisimaitut ikligijamingnut toᴋotaungmatta, silaitullo pilloriᴋornermingnut nungutaulermatta.

Salomob Okâl 5:22

Gûdeᴋangitok idluitullinerminut pijaujomârpok, ajortullinimelo ᴋellerutânut pittuktaujomârpok.

Jesaiase 3:9

Kênangita passivait idluitullinitiglo nallonaijarpait Sodomamiutitut angiarinagit. Kappianarmêk tarningit, piungitomik pititsingmatta ingmingnut.

Jesaiase 5:5

Mãnalo ᴋaujititsomavapse, ᴋanoᴋ perorsêviga vaineliksatalik piniarvigijomârapko. Sappûlutangit pêjaromavakka asserortaurᴋovlugo, avalungillo serᴋomitsomavakka tullerajartaurᴋovlugo.

Jesaiase 50:1

Imak oᴋarpoᴋ Nâlegaᴋ: Aglait avititsijutiksat, anânapsingnik aularᴋojijut uvamnit naûk? Ubvalo kina akkiliksaᴋarvigigapko, akkiliutigivapsê tâpsomunga? Ahâk, idluitullinise pivlugit niorvgutigijauvose, anânaselo aularutjauvoᴋ tappatonise pivlugit.

Jeremia 1:16

Erᴋartuinikkalo tâpkoninga idluituliningit pivlugit oᴋautigijomavakka, ᴋemangmanga tipitsiariksaumiglo ikoâlatitsilaungmatta assimnut, aggangmingnullo sanajamingnik tuksiarviᴋalaungmatta.

Jeremia 13:22

Omatingnalo oᴋaruvit: Suna pivlugo tamakkoa tikisimavât uvamnût? idluitulinivit unurningit pivlugit annorâtit ᴋongmuartitauvut, kingmitillo aksorornermut usingatitauvlutik.

Jeremia 2:17

Tamanna pitilaungipiûk nangminernût, Nâlagaᴋ Gudit ᴋemakangne tasiornigomajoᴋ ilingnik apᴋomê?

Jeremia 3:22

Uteritsetôᴋ, ᴋitorngaujose kingupiartorsimajose, kingupiartornise inûlijomavakka. Ahâk, ᴋaivogut ilingnut, tagva igvit Nâlagauvotit Gudigivaptigillo.

Jeremia 4:18

Iluserijatit piniarnitillo tikititsivut tamakkoninga ilingnut; tagga idluitulinerijatit; piungitoᴋsôdlarmatta, ômatingnut ilingangmatta.

Jeremia 5:22

Sivôragilungilapsingâ? Nâlagaᴋ oᴋarpoᴋ; sajugomangilasê sâmne, ilijilauᴋtunga siorᴋanik imarbiub kiglilervigijaksarijangane perᴋojamut soᴋosijuitomut ᴋângiutijungnarᴋonago tapsomingâ? Maliksoangillo aksapâkaloaleraloarpattalônêt suliniangilat; iktulijaraloarpattalônêt ᴋângiutilugo ajulerput.

Jeremia 5:24

Oᴋangilallônêt ômatimingne: Sivôragilaulavut Nâlagaᴋ Gudivut, tunidjijoᴋ silalungmik sivorliojomik kingorliojomiglo, naliunîgingne; ᴋomiojorlo uvaptingnut vôgenik katersivingmut ilingatitaujunik.

Jeremia 5:6

Taimaimat loevib napârtunit pijûb aliktoromârpait, amarkublo sunaᴋajuitomit pijûb asseroromârpait, pûsevâlub iglugasaksoaᴋotingit terliaromârpait, ilûnatiglo anijut tagvangat aliktortaujomârput; tapaningit unuktôngmatta, kingupiartorningillo sugaluluarmatta.

Jeremia 7:19

Ningarsârpângale? Nâlagaᴋ oᴋarpoᴋ, nangmineᴋ kangusûtiksarijamingnik sanangilât?

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Hesekiel 23:30

Taimailiorviolârpotit nelojunut assiniarnitit pivlugit, ivsornartitaugavillo tâpkoa gudingoanginut.

Hesekiel 39:24

Ivsornarningit tapaningillo maliklugit piniarvigilauᴋpakka, ᴋênaralo ijerpara tâpkonangat.

Hosea 11:7

Inuᴋotikka kingupiartorsimangmatta uvamnit; ᴋotsiktomêtomut ᴋaiᴋojaugaloarmatta, atautsemiglônêt ᴋagverasuartoᴋangilaᴋ.

Hosea 13:9

Asserornarpoᴋ ilingnut, Israêle, akkerartoramga, ikajortît akkerartorangne.

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Hosea 4:16

Israêle ᴋepêsermat, tuktuvâraᴋtut ᴋepêsertotut; mânale Nâlekab nerripkaromavait saugârsutut naternarsoarme.

Hosea 5:5

Israêliblo pingijaininga kigligiutsivoᴋ kênangata sângane; tamanna pivlugo Israêle Efraimelo oggolârput idluitulinermingne; Jûdatauᴋ oggolârivoᴋ tâpkoa ilagilugik.

Hosea 7:2

Omatimingnelo aulajilungilat uvanga idluituliningit tamaita erᴋaumagapkit; mâna piniarningita ilumavait; kênama sânganêput.

Hosea 9:1

Kuviasuklutit, Israêle, ᴋiggertarniarnak inôᴋatigêksoatitut, Gudît tunulugo assiniaravit, assiniarnerub akkiksanga ungagidlarangne senaugaksat issiptervingine tamaine.

Amos 8:10

Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Migga 1:5

Jâkob tapatoninga, Israêliblo ᴋitorngangita idluituliningit, pitjutauvut tamattomunga tamânut. Jâkob tapaninga sunauvâ? Samaria-ungilâᴋ? Jûdablo poᴋtoningit sunauvât? Jerusaleme-ungilât?

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.

Rômiunut 3:18

Nâlangnermik Gûdemik kamangilat.

Idluarsaijut 10:13

Sulle ᴋemalaukpapsinga, Gûdillo asingit kivgartorlugit pilaukpose; tamânna pivlugo ikkajoromairpapse.