Jeremia 2:15 - Labrador Inuttitut Heritage Bible

¹⁵ Loeviarait ᴋallingoarput tâpsomunga, ᴋuggudlarpullo; nunangallo asserorpât; iglugasaksoangit nungutauvut ikomamut, inuᴋarungnailutik.

Jeremia 2:15 Iomraidhean Croise

Hiobe 4:10

Loevit ᴋallingoarningit, Loevillo angijut nippingit, Loeviarkallo kigutingit serᴋomisimavut.

Imgerut 57:4

Tarniga Loevit akkornganêpok, ikkomamik nutiktarneᴋartitsijut akkorngane nallavunga; Inuit akkorngane, kiggutiggit ᴋallugiangojunnik, ᴋarᴋjôjunniglo, oᴋaggillo saviksoangôjunnik.

Jesaiase 1:7

Nunase sunaᴋarungnairpoᴋ, iglugasaksoase ikkomamut ikkitaumavut, takkorngartat perorsêvise nungupait ijipse sângine, pitaᴋarungnairlunelo sumiglõnêt (nunase) takkorngartarnut mumiksimajotut-ipoᴋ.

Jesaiase 24:1

Ahak, Nâlekab nuna piksairutivlugo asserorpâ, ᴋânga mumiklugo inungillo siamartillugit.

Jesaiase 5:29

Nipliadlarput loevititut, nipliavut loeviaraᴋtitut, kallingoarlutik aᴋsârnigarijatik tiguvait angerautivlugillo tigujiniktoᴋangilarlo.

Jesaiase 5:9

Siutimnut ᴋilangmiugasaksuit Nâlegangat oᴋarpoᴋ: Ahammarik, iglut unuᴋtoᴋsuit ᴋemaktaujomârput, angijut ânanaujullo inuᴋarungnairomârput.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jeremia 10:22

Ahâk, pervalungnerub nipjârninga tamaungalerpoᴋ, perajalungnersoarlo nunamit taggardlermit, Judab iglugasaksoangit asseroromavlugit, inniksangortitsomavlugit terrianiangojârtunut.

Jeremia 25:30

Taimaimat oᴋautsit tamakkoa tamaita nalautaitigikit tâpkonunga, oᴋarvigikillo: Nâlagaᴋ ᴋotsiktomit ᴋallingoaromârpoᴋ, inniminillo ivlernartomit nippine anititsomârpâ; ᴋallingoadlaromârpoᴋ sôngojomik nerrinasugviminut; ᴋuggudlaromârpoᴋ vaineliksab paunganginik tullerajartutitut silaᴋsoarmiunut tamainut.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 26:9

Sôᴋ nalautaimavêt Nâlakab atttingane oᴋarlutit, Iglo tamanna ilingajuksaulârmat Sîlotut, iglugasaksuillo makkoa sunairutijomârmatta inuêrutjauvlutîk? Inuillo ilûnatik katimavut Jeremiamut Nâlakab iglungane.

Jeremia 33:10

Imâk oᴋarpoᴋ Nâlagaᴋ: Nuname tamattomane oᴋautigijapsingne: sunairutivoᴋ, inuᴋarungnaivlune nergjuteᴋarungnailarmelo, ila, Judab iglugasaksoangine Jerusalemiblo apᴋosineâlungine sunairutijune, inuᴋarungnailutik, iglomioᴋarungnailutik, nergjuteᴋarungnailutik, tamâne takuksaujomârivut

Jeremia 34:22

Ahâk, perᴋojijomavunga, oᴋarpoᴋ Nâlagaᴋ, utertitsomavlugillo iglugasaksoarnut ukkununga, sorᴋsukvigijomârpaillo, tigulugillo, ikoâlatitsomârpait ikomamut; Judablo iglugasaksoangit sunairutitsomârpakka, inuᴋarungnaimariklutik.

Jeremia 4:7

Loeve anisimangmat sittiminit, asserorsaijoᴋ inôᴋatigêᴋsoarnik; ingerarpoᴋ, anisimavoᴋ inniminit; nunat sunairutitsomavlugo, iglugasaksoaᴋotitit nungutsomavlugit inuêrutijomavlugit.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 5:6

Taimaimat loevib napârtunit pijûb aliktoromârpait, amarkublo sunaᴋajuitomit pijûb asseroromârpait, pûsevâlub iglugasaksoaᴋotingit terliaromârpait, ilûnatiglo anijut tagvangat aliktortaujomârput; tapaningit unuktôngmatta, kingupiartorningillo sugaluluarmatta.

Jeremia 50:17

Israêl saugaᴋtut apsimajotun-ipoᴋ; loevit ᴋemâtisimavât; sivorlermik Assiriab ataningata nerrivâ; kingornganalo Nebukadnezarib oma, Babilonib ataningata, sauningit navgor pait.

Jeremia 51:38

Loevearaᴋtitut ᴋalingoaᴋatigêgomârput, loevit piarangititut erinaluaᴋijomârput.

Jeremia 6:8

Aᴋilerit, Jerusalem, ômatiga allarᴋonago ilingnit; asserortauᴋonak nunaulerᴋonak inuêrutjausimajomik.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:11

Jerusalemelo ᴋiggungortitsomavara, inniksauvlune terianiangojârtunut; Judablo iglugasaksoangit asseroromavakka, inuᴋarungnaimariklutik.

Hesekiel 36:3

Tamanna pivlugo nelautailerit, oᴋarlutillo: Imâk oᴋarpoᴋ Nâlegaᴋ Nâlegaujoᴋ: Sunairutilaungmasse, ilâ, sunairutilaungmase keta, êngmaselo avatipsingne tamaine, perᴋutauᴋovluse inôᴋatigêksuit amiakunginut, ᴋaneᴋadlartullo ᴋangasinângmiutaringmase, oᴋarnerlutigijaugapselo inôᴋatigêksoarnut;

Hesekiel 5:14

Nungunikungortitsomârpagit naggonartungortilutillo inôᴋatigêksuit avatingnêtut akorngane, tamaunârtut ilûnatik takoane.

Hosea 11:10

Nâlegaᴋ maligomârpât, tâmnalo loevetut kalingoaromârpoᴋ; tamna kalingoaromârmat, ᴋitorngaujullo sajudlarlutik tikitsomârput pângat.

Hosea 5:14

Efraim ilingavigijomavara loevetut, Judablo ᴋitorngangit loevearaᴋtut; uvanga, ilâ, uvanga aliktuijomavunga, aularlungalo; aularutjijomavunga, piuliklerungnartoᴋalulângilarlo.

Amos 3:12

Imâk oᴋarpok Nâlegak: Sorlo mianersijûb okpatîk maggûk siutib ilangalônêt piulingmagit loevib siggunganit, taimak piulijaulârput Israêlib ᴋitorngangit iksivajut nalangaviub terreᴋoane sinigviublo akkitingine piojune Samariame.

Amos 3:4

Loeve erinaloaᴋijâdlarᴋâ napârtolingme aliktoraksaᴋangikune? Loevearak nipliadlarniarᴋâ sittiminit toᴋotaᴋangikunê?

Amos 3:8

Loeve erinaloaᴋijâdlarpok, kina erᴋsiniangilâk? Nâlegak Nâlegaujok oᴋarsimavok, kina nalautaitailijungnarᴋâ?

Nahum 2:11

Loevit sittingit naûk? Loeviaraillo nerripkaivingât? Loevib angutiub loeviblo arnab loeviaraillo arvertarvingat ilimanartoᴋartinagô?

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Sefania 2:5

Kapianarmêk imarbiub kiglingane nunalît, inôᴋatigêt Kritimiut! Nâlekab oᴋausingata tôᴋpâtit, Kanaan, Filisterit nunangat; asseroromavagit inuᴋarungnaimariᴋovlutit.

Sefania 3:6

Uvanga inôᴋatigêksuit kipipakka, nuvuguseksoangit nungunikungorput; apᴋosineâlungit asserortauvut, tagvûnârtoᴋangilak; iglugasaksoangit, serᴋomitauvut, inuêrutivut, tagvanêtoᴋarungnaiporlo.

Saggaria 11:3

Mianersijut erinaluaᴋijut nipingit tusaksauvok; pinnarijangat aserortaungmat. Loevearait erinaluaᴋijut nipingat tusaksauvok, Jordanib pinnarsautigijanga aserortaungmat.

Idluarsaijut 14:5

Taimak tagva Simson attersarpok atâtanelo anânanelo illagillugik Timnatemut. Tikkimattalo perorsêvingnut Weineliksanik nappartolingnut, ahâk tagva Loeweâraub Errinaloaᴋijarlune pârpa.