Jeremia 2:11 - Labrador Inuttitut Heritage Bible

¹¹ Inôᴋatigêksuit tauᴋsêlauᴋsimavât gudingoamingnik gudeolungikaloartunîk? Inuᴋotimale opigijaksarijatik ânanaujoᴋ tauᴋsiutisimavât idluarᴋutiksaungitunut.

Jeremia 2:11 Iomraidhean Croise

I Atannit 11:33

Tamânna pivlugo allarlaungmanga, Astarote Zidonemiut Gûdingoangat, Kamoselo, Moabiterit Gûdingoangat, Milkomelo, Amoniterit Gûdingoangat tuksiarvigilaungmagit; agvertarlaungimattalo apᴋosinimne, pinniaratiglo ᴋuviagijamnik, perᴋojamnik, idluarijamniglo Davidetut atâtangatut.

II Atannit 1:3

Nâlekable Engelingata Elia Tisbitemiok oᴋarvigiva: Parngnairit, atanniublo Samariamiub tilijangit pârniarkit, oᴋautilugillo: Gûdeᴋangilâk Israelitine, Baal-Sebube Ekronemiut Gûdingat aperiartorapsiuk?

II Kronika 13:9

Nalekab ajochertuijoᴋotingit, Aronib erningit Levitillo, pingudlalaungipissigik, ajochertuijungortitsiluselo nangminipsingnut, innuᴋattigêksoatitut nunane? Tikkitok tigumiaralijarlune tuktuvârsungmik, saukaniglo angusallungnik 7 nik, tamna ajochertuijungortitauvok, tapᴋoa Gudiolungitut pivlugit.

Imgerut 106:20

Nertornautigijatiglo ablatsângortipât tuktuvangmut iviksukᴋanik nerrijomut.

Imgerut 115:4

Taipkoa gûdingoangit Silbereôvut, Goldeôlutiglo sannajaumajut Inuit agganginnut.

Imgerut 3:3

Igville Nâlegak sappulutaksauvotit uvamnut, nâlengnartitsijok uvamnik, niakumniglo kagvertitsijok.

Jesaiase 37:19

Gûdingillo egipait ikkomamut, Gûdeongimatta taipkoa, inuille aggangita sanajangit, ᴋejungovlutik ujarauvlutiglo; taipkoa nungutipait.

Jeremia 16:20

Inuk piksariniartaminik gudingoaliortuksauvâ, Gudeoᴋungimariktunîk?

Jeremia 18:13

Taimaimat imâk oᴋarpoᴋ Nâlagaᴋ: Apertsoritse inôᴋatigêksuit akorngane: Kina taimaitunik tusalauᴋsimavâ? Israêlib uigasunga piniarsimavoᴋ maᴋojungnadlartomik.

Jeremia 2:5

Imâk Nâlagaᴋ oᴋarpoᴋ: Sumik idlaungitomik atâtagilauᴋtase nagvâlauᴋât uvamne ungasidlarmatta, sunaungitullo ungagidlarlugit, piojoridlarlutiglô?

Jeremia 2:8

Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Jeremia 5:7

ᴋanoᴋ issumagijungnaivigijungnarᴋagît? ᴋitorngavit ᴋemaksimavânga, angermarikpullo gudeungitut sâvigivlugit; aᴋᴋeartortigapkillo ajortulivut, katimgalutiglo katimavut anguniarpaktut iglungine.

Hesekiel 14:5

Nappersiᴋovlunga Israêlib ᴋitorngangita ômatinginik, ilûnatik avilaungmatta uvamnit gudingoaliarijatik pivlugit.

Hesekiel 5:7

Taimaimat imâk oᴋarpoᴋ Nâlegaᴋ Nâlegaujoᴋ: Perajaluluadlarapse anginersaudlartomik inôᴋatigêksoarnit avatipsingnêtunit, arvertalunginapselo perᴋojakka maliklugit, inatsinikkalo pinialunginapsigik, pinialunginapselônêt inôᴋatigêksuit avatipsingnêtut ilusingit maliklugit;

Migga 4:5

Inôᴋatigêt ilûnatik atunit arvertaromârmatta gudimik attingane, uvagullo arvertatsainaromârpogut Nâlekab Gudipta attingane, soraijuidluta.

Rômiunut 1:23

Gûdiblo asserojuitub ânanauninga mumilauᴋpât inub asserortuksab tingmitjallo nergjutillo pâmgortullo adjinginut.

I Korintemiunut 8:4

Gûdeungitunut tunergutinik nerrinek pivlugo ᴋaujimavogut tagva, Gûdeungitok nuname sunautsangimat, Gûdeᴋangimallo atausetôjub assianik.

Galâtsiamiunut 4:8

Ilipsele taipsomane Gûde ᴋaujimanginapsiuk, ingergarmik Gûdeungitut kivgartulauᴋpase.

Deuteronomy 32:16

Gûdenut takorngartanut ilungertortipât, maᴋojungnartulinermut ningarsarpât.

Deuteronomy 32:21

Ilungertortipânga Gûdeungitunut, ningarsarpânga piungituliarijamingnut: uvangalo ilungertortitsomavakka inungnut inôᴋatigêtsiangolungitunut, ningarsaromavakka inôᴋatigêksoarnut silaitunut.

Deuteronomy 33:29

Piloridlarpotit, Israêle, kia adsigivâtît? Inôᴋatigêksuit piulijaujut Nâlekamut, sapûlutarijarnut, ikajortigijarnut, saviksoarmullo inornautigijarnut! Omigijitillo manigotijomârput ilingnut, igvillo tâpkoa poktoningit tullerajalârpatit.

I Pêtrusib 1:18

Kaujimavluse nunguniartomit silberemullônêt goldemullônêt piulijaunginapse piusekullupsingnit atâtanut adsiunipsingnit;

I Samuel 4:21

Nukapiarlo Ikabodemik atserarpa, oᴋarlunelo: Ananaunek pêrsimavok Israelemit; Gudib iklervinga aksarnigaungmat, sakkingalo uingalo toᴋᴋomanik.