Jeremia 2:10 - Labrador Inuttitut Heritage Bible

¹⁰ Ikâritse ᴋikertanut Kittimemik attelingnut, takonârluselo; tilikleritse Kêdaremut, ataruilivluselo kamatsiaritse; nautsertoritselo taimaitoᴋalauᴋsimamangât.

Jeremia 2:10 Iomraidhean Croise

Genesis 25:13

Tamadjalo Ismaêlib erningita attingit, tâpkoa maliklugit kinguvângit atserartauvut: Nebajot, Ismaêlib erniariᴋârtanga, Kedar, Adbêl, Mibsam,

I Atannit 9:9

Oᴋartoᴋaromârporlo: Tamânna pivlugo, Nâlegak Gûditik ᴋemasimangmatsuk, atâtagijanginik aularutitsilauktok Egiptenemiut nunanganit, Gûdiblo asingit illalliormagit, tuksiarvigingmagillo, kivgartorlaitalo; tamânna pivlugo Nâlekab tikkitauᴋolaukpait ᴋanoêtomut mattomunga tamât.

I Kronika 1:7

Javanib erningit tapkoangovut: Elisa, Tarsisa, Kitime, Dodanime.

I Kronika 23:1

Davidelo inutoᴋaulermat, inôsermiglo nâmaksigame, ernine Salomo atanningortipa.

I Kronika 23:12

Kahatib erningit tapkoangolaukput: Amrame, Jazeharlo, Hebronelo, Usielelo, tapkoa sitamat.

Imgerut 120:5

Kappianamêk uvanga tujormiangôgama Mêsechit akkorngane, igloᴋariaᴋaramalo Kêdarit tuppingita akkorngane!

Jesaiase 21:16

Imâk oᴋautingmanga Nâlekab: Jâre attauseᴋ, kivgartortub jâringatut illingajoᴋ nâlerpat, Kêdarib ânanauninga illũnane nungutaksauvoᴋ.

Jesaiase 23:1

Tamadja oᴋauseᴋ inerterijutiksaᴋ Tirusemut. — Alatitse, umiaᴋsuit Tarsiseliartose, (iglugasaksuit) asserortaungmatta, igloᴋarungnairmallo, taikungalo angerarviksaᴋatsangimat. Kittit nunangannit tamanna tussaumajomârpât.

Jesaiase 23:12

Oᴋarlunelo: Kuviasugungnairtuksauvotit, uigasuk nachonarsijoᴋ, Sidonib panninga; parngnailerit, Kitimullo aularit, tagvanelõnêt merngoerserviksaᴋangilatit.

Jeremia 49:28

Kedare pivlugo, Hâsoriblo ataniovingit, Nebukadnezarib Babilonib ataningata sâlagijangit pivlugit. Imâk oᴋarpoᴋ Nâlagaᴋ: Makititse, majuaritse Kêdaremut, Kittâmiullo ᴋitorngangit sunairutilugit.

Hesekiel 16:16

Annorâvillo ilanginik tigusilauᴋpotit, iksivautaᴋsoaliorlutillo taᴋsapatâlingnik, tâpkoalo ajortulivigilauᴋpatit: taimaitoᴋalautsangilaᴋ, pijoᴋartuksaungilarlônêt.

Hesekiel 27:21

Arâbiamiut Kêdariblo angajoᴋâᴋsoangit niuverniaᴋatigilauᴋpâtit, aulaivigivâtit saugâraniglo saukaniglo tuktungajuniglo.

Hesekiel 27:6

Eputiksatit ᴋejôvut sittijoᴋsajat Basanemit; iktogaksatit senalauᴋpait tôgânit, avaliarutaᴋarlutik ᴋejungmik sittijomik Kittimib ᴋikkertanginit.

Hesekiel 5:7

Taimaimat imâk oᴋarpoᴋ Nâlegaᴋ Nâlegaujoᴋ: Perajaluluadlarapse anginersaudlartomik inôᴋatigêksoarnit avatipsingnêtunit, arvertalunginapselo perᴋojakka maliklugit, inatsinikkalo pinialunginapsigik, pinialunginapselônêt inôᴋatigêksuit avatipsingnêtut ilusingit maliklugit;

Daniel 11:18

Kingorngani kênani sangutitsomârpâ nunanut imarbiub sidjanganêtunut, unuktullo tigulugit; angajoᴋâᴋsûbli mitautiᴋarniᴋ tâpsoma pijanga sorairtitsomârpâ, ilâ, mitautiᴋarniᴋ utititsomârpâ tâpsomunga aglât.

Daniel 11:30

Umiaᴋsuit Kitimimit akkiratoriatoromârmatta tâpsominga; tamanna pivlugo kiksaromârpoᴋ, utilunilo angiᴋatigêngniᴋ ivsornaitoᴋ ômigidlaromârpâ, pijomajaminiglo piniaromârpoᴋ, ilâ, utiromârpoᴋ, angiᴋatigêngnimiglo ivsornaitomik ᴋimaijut ilanârinasuaromârpait.

Numbers 24:24

Umiaᴋsuille tikilârput Kittimemit, kapiasuktitsilârpullo Assuremik, kapiasuktitsilutiglo Eberemik, tâmnalotauᴋ asserortaulârpoᴋ.

I Korintemiunut 5:1

Ilûnâne tussaumajaudlarpose, ajortulijoᴋarpogôk akunapsingne, ajortulinermiglo taimaitomik aglât nalojullônêt ᴋaujimangitanganik, ilangata atâtame nulianga nuliaringmago.

Idluarsaijut 19:30

Kinalo takolauktok tamattominga, tamna oᴋarpok: Taimaitomik takojoᴋalaungilak, pijoᴋalaungilarlo, Israelib ᴋitorngangita aularninganit Egiptenemit, uvlok tamânna tikkilugo. Mânna tamânna isumaksarsiorutigisiuk, atanioriarluselo, oᴋarluselo isumapsingnik.