Jeremia 19:9 - Labrador Inuttitut Heritage Bible

⁹ Nerrititsomârpakkalo ernermik uvininginik paningmiglo uvininginik, ilûnatiglo nerrijomârput ilanârijamik uvininginik, ilumajaunerme siorniornartunalo, ômigijingita inôsingitalo pinasuartingita siorniortitsiningine tâpkoninga.

Jeremia 19:9 Iomraidhean Croise

II Atannit 25:3

Takᴋillo 4 ingata uvlungita 9 ingane kâksoak angijororpalliavok iglugasaksoarne, nerᴋiksakalungilarlo nunab innugiartoksoanginut.

Jesaiase 9:20

Tallerpimik tungãne nerᴋelerigalloarlutik kâkput, saumimik tungãnit nerrigalloarlutik aᴋᴋeartulungilat. Illũnatik tallermik uviningit nerᴋiksarivait,

Jeremia 13:14

Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 38:9

Nâlagara ataniojotit, angutit ukkua idluitulivut tamaine piniarningine Jeremiamut nalautaijomut, ningititamingnut itersaliarmut; toᴋojungnarpoᴋ inime najortamine, kângnartoᴋsoaᴋ pitjutigilugo; nerᴋiksaᴋarungnairmat iglugasaksoarne.

Jeremiab Ogguarutigijangit 2:20

Takosalaurit, Nâlegak, ulernairsilutillo kina taimailiorvigimangângne! Arnat erniarijatik nerrijaksarivagît, nutarârsuit ᴋiggertagalâktitaujut aggangnût? Ajoᴋertuijok nelautaijorlo toᴋotaujuksauvât Nâlekab katimaviksoanganê?

Jeremiab Ogguarutigijangit 4:10

Arnat nagligosungnerpaujut nangminek aggangmingnut ᴋitorngatik igavait; tâpkoa nerᴋiksatuarilaukpait inuᴋotima paningata asserortauningane.

Hesekiel 5:10

Taimaimat angajoᴋât nerrijomârput ᴋitorngamingnik ilingne, ᴋitorngallo nerrijomârput angajoᴋâmingnik; erᴋartuinikkalo piniaromavakka ilingne, amiakotillo tamaita siamartitsomârpakka anorinut tamainut.

Leviticus 26:29

Nerrilârposelo ernipse uvininginik, panipselo uviningit nerrilârivase.