Jeremia 19:8 - Labrador Inuttitut Heritage Bible

⁸ Iglugasaksuillo tamakkoa tataminiarutautitsomavakka inerᴋogijaungitilugillo; apᴋusârtut ilûnatik tataminiarutigilârpait inerᴋoginagillo, asserortaumaningit ilûnaita pivlugit.

Jeremia 19:8 Iomraidhean Croise

I Atannit 9:8

Iglolo tamânna poktojoksogalloarlune, ilûnnainut sanirᴋotsijomârtunut kâkkilâdlarutiksaujomârpok, supporomârput oᴋarlutiglo: Sôg Nâlekab nuna tamânna, iglolo tamânna taimailiorvigilaukpagit?

Jeremia 18:16

Nunangat tataminiarutiksauᴋovlugo mitautiksauᴋovlugolo soraijuitomik; ilûnatik apᴋusârtut tagvunga tataminialârput ileᴋetamârlutiglo.

Jeremia 25:18

(Imaitut): Jerusalem, Judablo iglugasaksoangit, tâpkoalo ataningit angajoᴋâᴋsoangillo, serᴋomakungortitsomavlugit, ᴋoaᴋsângajutiksangortilugillo, mitautiksautilugillo, ôminarsitiksautilugillo; sorlo uvlome ilingangmat;

Jeremia 49:13

Uvamnik taivlunga angimarilaurama, oᴋarpoᴋ Nâlagaᴋ, Bosra tataminiarutiksangoromârmat, mitautiksangordlunalo, asserorningordlunalo, ôminarsitiksangordlunalo; iglugasaksoangillo ilûnatik asserorningortuksauvut soraijuitomik.

Jeremia 50:13

Nâlakab ningarninga pitjutigilugo inuktaᴋartuksaungilaᴋ, pimariklune inuêromârpoᴋ; ilûnatik ᴋaninârtut Babilonemut tataminiaromârput mitauteᴋarlutiglo kapiasûtigijangit tamaita pivlugit.

Hesekiel 27:36

Niuvertit inôᴋatigêksoarnêtut kôkoviarput inerᴋogingimatit; asserorningorsimavotit, suniarungnairpotillo issoᴋangitomut.

Leviticus 26:32

Nunalo asserornilukungortitsomârpara: ômigijipselo tagvane nunalit tataminiarutigilârpât.

Migga 6:16

Omrib maligaksauᴋojangit maliktaungmatta, Ahabiblo ᴋitorngangita piniarningit, arvertarposelo tâpkoa ilusioᴋojangit maliklugit; tamanna pivlugo asserornerlukungortitsomârpapse, nunablo inungit mitautiksangordlugit; inuᴋotimalo naggonarningat nangmalârpase.

Sefania 2:15

Tamadja iglugasaksuit ᴋuvianartoviolauᴋtut terliklutik ineᴋartut, ômatimingne oᴋartut: Uvangauvunga, uvaptullo itoᴋangilak: taimale sunaᴋangitungorpok, aᴋopiviksatuinauvok nergjutinut nujuartunut! Ilûnatik apᴋusârtut tâpkoninga kokoviarutigilarpait, aggatiglo pataktorlugit.

Deuteronomy 28:37

Igvillo ᴋoaᴋsângajutiksangoromârpotit, alêᴋutiksangorlutillo, mitautiksangorlutillo inôᴋatigêksuit, Nâlekab tikiviotitangita ilingnik, akorngane.

Deuteronomy 29:22

Kinguvângolârtullo, ᴋitorngase kingunipsingne inôleromârtut, takorngartarlo nunamit ungasidlartomit tikilârtok, takogunik nunab kapianarninganik, ᴋanimaserniglo Nâlekab tilijanginik ᴋanimadlarᴋovlugo, oᴋaromârput: