Jeremia 19:4 - Labrador Inuttitut Heritage Bible

⁴ Kemaksimagaminga, nunalo tamanna takorngartautilât, isserluanititsivigivlugolo gudingoanut uvanga assimnut ilitaringitamingnut, tâpkoalônêt atâtangitalônêt, Judab ataningitalônêt; nunalo tamanna ilumeramitsuk pasijaksaungitut aunginik kovisilutik;

Jeremia 19:4 Iomraidhean Croise

II Atannit 21:16

Manasselo kovisilaurivoktauk aungnik passijaksaungitunik unnuktunik, nâmatitsilerkârtinnago Jerusalemik tamattomunga; idluitulliningita senniatigut idluitullititsijutigijangita Judakunik, pinniarᴋovlugit Nâlekab idluigijanginik.

II Atannit 23:10

Tofetelo ivsornartipatauk Hinnomib ᴋitorngangita naksanganêtok, kinalonêt ernerminik panniminiglonêt ikkomakorkojikonnago Moloche pivlugo.

II Atannit 24:4

Auk passijaksaungitok kovilauktanga pivlugotauk, Jerusalemelo nâmatilaungmagit aungmut passijaksaungitomut, Nâlekab issumagijungnaivigijomalaungilait.

Imgerut 106:38

Auglo passijaksaungitok kovilaukpât, ernimik pannimiglo aungit, tunnergutautilauktamik Kanaanemiut Gûdingoanut, nuna akkiliksannut aungmik ulliktaulaungmat;

Jesaiase 59:7

Ittigangit akpangerput idluitomut, sukkalidlarput, passijaksaungitub aunganik kovisijomavlutik, issumangillo issumauvut piungitut, apᴋutingine asserornartoᴋarpoᴋ kiksarnartoᴋalarmelo.

Jesaiase 65:11

Illipsele, Nâlekamik ᴋemaijose, ᴋaᴋᴋamniglo ivsornaitomik puigortose, nerrimârviksoarmik âᴋiksoijose Gâtemut, imiksamik amigangitomik kovisijose Mênimut,

Jeremia 1:16

Erᴋartuinikkalo tâpkoninga idluituliningit pivlugit oᴋautigijomavakka, ᴋemangmanga tipitsiariksaumiglo ikoâlatitsilaungmatta assimnut, aggangmingnullo sanajamingnik tuksiarviᴋalaungmatta.

Jeremia 11:13

Tagva iglugasaksoaᴋotivit unurningit maliklugit taimak unuktigigivut gudingoaᴋotitit; Jerusalemiblo apᴋosineâlungita unurningit maliklugit tunerguserviliorsimavose isserluanertitsivingnik Baalemut.

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 16:11

Oᴋautijaksarivatit: Atâtagilauᴋtapse ᴋemalaungmanga, Nâlagaᴋ oᴋarpoᴋ, malilaungmattalo assimnik gudingoanik, kivgartorlugit, tuksiarvigivlugillo, ᴋemalaungmangalo, perᴋojakka piniarnagit;

Jeremia 17:13

Nâlagaᴋ, Israêlib nerriugijangat, ᴋemaijut ilingnik kangusudlaromârput; aviktut uvamnit aglaktaujomârput nuname, Nâlagaᴋ imiub ômanartub puailavinga ᴋemangmatsuk.

Jeremia 17:20

Oᴋautikillo: Nâlakab oᴋausinga tusarsiuk, ilipse ataniojose Judame, Judamiojoselo ilûnase, Jerusalemiojoselo ilûnase, iterpaktose itertarviksoatigut ukkutiguna.

Jeremia 18:15

Inuᴋotimale puigorsimavânga; isserluanititsisimavut tippitsiariktunik sulitsangitunut; naukiutitipait apᴋutingine, apᴋutetoᴋane, arvertartilugillo apᴋutine apᴋutitsiangolungitune, apᴋutine sanasimangitune;

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Jeremia 2:17

Tamanna pitilaungipiûk nangminernût, Nâlagaᴋ Gudit ᴋemakangne tasiornigomajoᴋ ilingnik apᴋomê?

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 2:30

Sulingitomik ᴋitorngase annausimavakka, nâlalaungilat sugiarnimnik; saviksoaᴋotise nungutsisimavut nalautaijoᴋotipsingnik, loevetut asseroijotut.

Jeremia 2:34

Aklujut passijaksaungitullo tarningita aungit naipitauvut annorângne, ijersimatilugillo naipilaungilakka, ilûnânêngmatta.

Jeremia 22:17

Ijîkigle ômatillo ilingatuinarput pijomatudlarnermut, kovisinermullo aungmik pasijaksaungitomik, oᴋumaiksartitsinermullo, aksorotjinermullo, taimaitut suliarijomavlugit.

Jeremia 22:3

Imâk oᴋarpoᴋ Nâlagaᴋ: Nâmaktomik erᴋartuileritse idluarsailuselo, oᴋumaiksartitaujorlo piulisiuk oᴋumaiksartitsijub agganginit; idluituliniaraselo, aksorornermiglo atorniarase, tujormianullônêt, iliarsunullônêt, uigarnernullônêt, kovisiniaraselo aungmik pasijaksaungitomik nuname tamattomane.

Jeremia 26:15

Kaujimaleritsele nalonangimariktomik, toᴋogupsinga auk pasijaksaungitoᴋ pitiniarapsiuk ilipsingnut iglugasaksoarnullo ukkununga inunginullo; tagva mikseᴋârtôvoᴋ Nâlakab tilisimangmanga ilipsingnut oᴋautsit tamakkoa tamaita oᴋâlautigilugit siutipsingnut perᴋovlunga.

Jeremia 26:23

Tâpkoalo Uria aivât Egiptenemit, âlugolo Jojakimemut ataniojomut; tâpsomalo toᴋolauᴋpâ saviksoarmut, timingalo toᴋungajoᴋ egilugo inutuinait iluvinganut.

Jeremia 44:3

Idluinitik piniarnerijatik ningarsârlunga pitjutigilugit, isserluanititsijartormatta tipigiksautinik, kivgartorlutiglo gudingoanik assimnik ilitaringitamingnik, tâpkoalônêt, ilipselônêt, atâtagilauᴋtapselônêt ilitaringitanginik.

Jeremia 5:6

Taimaimat loevib napârtunit pijûb aliktoromârpait, amarkublo sunaᴋajuitomit pijûb asseroromârpait, pûsevâlub iglugasaksoaᴋotingit terliaromârpait, ilûnatiglo anijut tagvangat aliktortaujomârput; tapaningit unuktôngmatta, kingupiartorningillo sugaluluarmatta.

Jeremia 7:6

Oᴋumaiksartitsilungikupse takorngartanik, iliarsungniglo, uigarnerniglo, kovisilungikupselo aungmik passijaksaungitomik tamâne, malilungikupselo Gudib assinginik idluiluᴋutiksapsingnut;

Jeremia 7:9

Tigligomavisê, inuaromavluselô, nuliarêngnermiglo asseroijomavlusê, angeromavluselô soᴋoserungnangitomik saglovluse, isserluanititsijomavluselô Baalemut, maligomavluselô Gudib assinginik ilitarilaungitapsingnik,

Jeremiab Ogguarutigijangit 4:13

Nelautaijungita idluituliningit ajoᴋertuijungitalo nâmangituliningit, kovisilauktut idluartut aunginik iglugasaksuit iluane, pivlugit taimailingavok.

Hesekiel 20:26

Ivsornartipakkalo tunergutimingnut, ikomakôrtitsingmatta tamainik erniangojunik, asseroiᴋovlunga tâpkoninga, ᴋaujimalerᴋovlugit tâmnaugama Nâlegaᴋ.

Hesekiel 7:22

Kênaralo allartitsomârpara tâpkonangat, ivsornaitoᴋo tigalo ivsornaijungnaitilârpât: tigligiartortullo itârvigilârpât ivsornaitilâllo.

Hesekiel 8:11

Tâpkoalo sângane nangerput angutit 70, Israêlib ᴋitorngangita angajoᴋânginit, tâpkoalo ᴋerᴋane nangerpoᴋ Jâsanîa, Sâfanib erninga, ilûnatiglo aggangmingnut tigumiarput pujôrtitsivingnik; isserluanerutiksablo issingata tippinga ᴋongmuarpoᴋ.

Daniel 11:31

Sakkolijartullo ililitoromârpât, sujuijomârpullo ivsornaitovingmik taluksoarniglo; soraititsijomârpullo tunigutinik ôtaksanik noᴋajuiᴋojaujunik nungutsiviublo maggojungnarninga âᴋiksoromârpât.

Lukase 11:50

Nelautaijut ilûnarsoangita aungit kinguvângoᴋatigênut tâpkonunga akkiniartaukovlugit, silaksûb tunganilijauninganit kovijaumajut,

Deuteronomy 13:13

Angutit inorluktut ilangit akunapsingnit pisimavut, uerisailutiglo iglugasaksoaᴋotimik inungita ilanginik, oᴋarlutik: Gûdib assingit, ilitarilaungitase, kivgartoriartulerlavut;

Deuteronomy 13:6

ᴋatangutivit, anânavît erningata, ernivîllônêt, panivîllônêt, nuliavîllônêt sagvingmiutarijavît, ilanârijavîllônêt tarniktut ilingatitavît, angigutjivlune uerisarpatit, oᴋarlune: Gûdib assinginik kivgartoriartulerta, igvit atâtagijavîllônêt ilitaringitapsingnik;

Deuteronomy 28:20

Nâlekab tiliklervigilârpâtit ôminarsijaunermik, sulinginermiglo, suartaunermiglo, tamaine aggakpît isautigijangine, asserortauᴋârtinak nungusârtauᴋârtinaglo; piniarnivît idluitoksôningit ᴋemaijutigijarnik uvamnik pivlugit.

Deuteronomy 28:36

Nâlekab tikiutilârpâtit, igvit atanîllo ataningortilârtat ilingnut, inôᴋatigêksoarnut ilitarilaungitarnut, igvillônêt atâtagilauᴋtavîllônêt; tagvanelo kivgartulârpotit Gûdib assinginik, ᴋejungnik ujarᴋaniglo.

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.

Takotitaunermik 16:6

Ivjornaitut nelautaijokotitillo aungit tâpkoa kovilaungmagit, aungmik imertilaurivatit, taimaititaujariaᴋarmatta.

Idluarsaijut 5:8

Gûdib nutâk annerimava, upkoaksuit sorsugvigilaukpait. Sakᴋijârtoᴋalaungilak Israeleme sappulutamiglonêt ᴋallugiarmiglonêt, 40,000 dit akkorngane.