Jeremia 19:12 - Labrador Inuttitut Heritage Bible

¹² Taimak nuna tamanna inungillo piniarvigijomârpakka, Nâlagaᴋ oᴋarpoᴋ, iglugasaksuit tamakkoa ilingatitsomavlugit Tôfetetut;

Jeremia 19:12 Iomraidhean Croise

Jeremia 10:13

Nippine tusartautikpago imeᴋavaksoadlarpoᴋ ᴋilaub ikkiangane, pujorarlo ᴋongmuartipâ nunab issunginit; ᴋaumalaliorpoᴋ silalungme, anorelo anitipâ ᴋematulivingminit.

Jeremia 11:5

Nalautsititsijungnarᴋovlunga angernermik soᴋoserungnangitomik angerutigilauᴋtamnik atâtagijapsingnut, tunidjivigijomavlugit nunamik imungmik igupsaujârtullo orᴋsuanik kôlingmik, sorlo uvlome pingmat. Kiolauᴋpungalo, oᴋarlunga: Amen, Nâlagaᴋ.

Jeremia 19:11

Imâk oᴋarpoᴋ Nâlagaᴋ Zebaot: Taimaluatsiaᴋ inôᴋatigêksuit ukkua iglugasaksuillo ukkua serᴋomitsomârpakka, sorlo maggaliortib illuleᴋuteliarimajanga serᴋomitaungmat âᴋiksortaujungnarungnaivlune; iluversijomârpullo Tôfeteme iluverviksairutimariᴋârtinago.

Jeremia 19:13

Jerusalemiblo iglungit, Judablo ataningita iglungit, ivsornartitaujut ilingajomârput nunatut Tôfetetut, ila, iglut ilûnatik ᴋângine isserluanititsiviolauᴋtut ᴋilaub uvloriagasaksoanginut, koviviolauᴋtullo tunergutinik imiksanik gudingoanut assimnut.