Jeremia 18:8 - Labrador Inuttitut Heritage Bible

⁸ Inôᴋatigêksuit tâpkoa oᴋautigijakka, sâgiarpatta idluitulinermingnit, ᴋaᴋialerutigijomavara idluitoᴋ kajusijutigilauᴋtara piniaromavlugo tâpkonunga.

Jeremia 18:8 Iomraidhean Croise

II Kronika 12:6

Tagva angajoᴋaunerôjut Israeleme, attannerlo mannigotitilerput, oᴋarlutiglo: Nalegak idluarpok.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 135:14

Nâlekab inuᴋotine erᴋartoromârmagit kivgaᴋotinelo nâpkigilugit.

Imgerut 90:13

Uvlarârsukut namaksititigut saimarveᴋarnernik, nakorsarungnarᴋovluta ᴋuviasugungnarᴋovlutalo inôtsivut nâlugit.

Exodus 32:12

Sôk Egiptenemiut oᴋauseᴋartuksauvât oᴋarlutiglo: Uivênermut anitipait, toᴋoraromavlugit ᴋakᴋane, nunablo ᴋânganit nungutsomavlugit? ᴋeviarlaurit ningaumajârnernit ilungertortomit, annusingorlaurillo idluituliveᴋaromanermit ômangat piniaromajarnit inuᴋotingnut.

Exodus 32:14

Nâlegarlo anusingorpok idluinermit piniaromajaminit inuᴋotiminut.

Jeremia 12:16

Imaitsomârporlo: Katsungaidlutik iliniaromagunik inuᴋotima apᴋutinginik, attera taivlugo angermariklutik: Sorlo Nâlagaᴋ inôngmat; sorlo inuᴋotikka ajoᴋertulaungmagit angermariᴋovlugit Baale taivlugo; tagva igloliangoᴋataujomârput inuᴋotima akornganut.

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 26:13

Taimaimat mâna arvertarnise piniarniselo âᴋiksorsigik, Nâlakablo Gudipse nippinga nâlaksiuk; Nâlakablo ᴋaᴋᴋialerutigijomavait idluinerit oᴋautigilauᴋtane pivluse.

Jeremia 26:19

Hiskiab, Judab ataningata, Judablo inungita ilûnatik toᴋolauᴋpatsûk? Nâlagaᴋ sivôragilaungilaûk, Nâlakablo saimaninga ᴋenuarilugo, Nâlakablo ᴋaᴋᴋialerutigilaungilaûk idluineᴋ oᴋautigilauᴋtane piniaromavlugo tâpkonungâ? Taimaglo tarnivut idluitulivigidlarajarpavut.

Jeremia 26:3

Imaᴋa tusaromalârput sâgiarlutiglo ilûnatik apᴋotigijamingnit idluitunit, idluitoᴋ piniarnilungnerijomalauᴋtara tâpkonunga piniarnerijamik idluiningat pivlugo ᴋaᴋᴋialerutigivlugo pijungnarᴋovlunga.

Jeremia 36:3

Imaᴋa Judab kinguvângit tusarajarput idluitunik tamainik kajusijutigijamnik piniaromavlugit tâpkonunga; sâgiarajarmattalo ilûnatik atunit apᴋotigijamingnit idluitomit; issumagijungnaivigivlugit ajorninginit idluitulininginillo pijungnarᴋovlunga.

Jeremia 42:10

Nuname tamattomanêgomagupse tamattomanêtuinaritse inersititsomârpapse igupteromanaselo, ilijomârpapselo nusugomanaselo; ajortoᴋ piniarnerisimajara ilipsingnut ᴋaᴋialerutigigapko.

Hesekiel 18:21

Idluitulijorle sâgiarune idluitulinerijaminit tamainit piniarnerijaminit, maligaksauᴋojakkalo malikunigit, perᴋojallo maliklugit idluartomiglo piniarune, inôjuksauvoᴋ, toᴋojuksaungilarlo.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Hesekiel 33:12

Igvillo, inûb erninga, inôᴋativit ᴋitorngangit oᴋautikit: Idluartûb idluarningata piulinialungilâ uvlorme idluitulivigijangane, idluitûblo idluinine katagutiginialungilâ uvlorme sâgiarvigijangane idluitulinerminit: idluartûblônêt inôjutiginialungilâ uvlorme idluitulivigijangane.

Hesekiel 33:13

Idluartoᴋ oᴋautigupko inôjuksaugame: idluarnine sungertutigiguniuk idluitulilunelo, idluartulinerijangita neliallônêt erᴋaumajaunialungilaᴋ, idluitulinerijanganele piniarnerijangane toᴋojuksauvoᴋ.

Hesekiel 33:14

Amalo, idluitoᴋ oᴋautigupko: Toᴋojuksauvotit taima; sâgiarune idluinerminit, piniarlunelo perᴋojaujomik idluartomiglo;

Hosea 11:8

Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Deuteronomy 32:36

Nâlekab inuᴋotine erᴋartoromârmagit kivgaᴋotinelo nâpkigilugit; takogame pitsartuerutingmatta, simnikoᴋarungnairmat ᴋomergutaujomiglônêt atuinaujomiglônêt.

Idluarsaijut 2:18

Nâlekable idluarsaijoᴋartilaurangagit, tagva Nâlekab idluarsaijok aiparilaukpa, ikkajorlugillo omigijingita agganginit idluarsaijok inotillugo. Nâlekab tapkoa ogguarningit, taipkoa oᴋumaiksartitsijut tapkoninga pivlugit, illapsugosujutigingmagit.