Jeremia 18:23 - Labrador Inuttitut Heritage Bible

²³ Igville, Nâlagaᴋ, ᴋaujimatsiarpotit kajusinerijanginik tamainik pivlunga toᴋotsomavlunga; idluituliningit issumagijungnainiarnagittôᴋ, piungituliningillo pêjarniarnagit saᴋᴋarnit; oggotitaulille sângne; piniarvigikillo ningaluarnivît naliuningane.

Jeremia 18:23 Iomraidhean Croise

Imgerut 119:126

Nâlekab piniârvinga nalliusimavok; malligaksauᴋojattit serᴋomilaukpait.

Imgerut 35:4

Sillasiortitaulit mittautaulîllo unangmiklertut tarnimnik; uttertitaulît kangusuktitaulîllo ᴋanoênimnik issumaksarsioruteᴋartut.

Imgerut 56:8

ᴋemânera kittilauruk, ᴋugvikka pôlerkit pôᴋotingnut. Ila aglaᴋotingne aglaksimavut.

Imgerut 59:5

Ila igvit Nâlegak Gûde Zêbaot, Israelib Gûdinga, tuppagit, nallojullo illunaita nallipsarkit; idluitullijut nertornangitut tâpkoa nalliallonêt saimarviginiarnago pît, Sêla.

Jesaiase 10:3

Kanoᴋ illioromavisê sugiartauvingme, asserortauvingme ungasiktomit ᴋaglilertome? Kimut ᴋemâjomavisê piulijaujomavluse? Nertornautigijaselo nane torᴋoromavisigîk?

Jesaiase 2:9

Inuit (tamattomunga) suksaujungnairtitauvut, angutaujullo nallopᴋotijariaᴋartitauvut. Issumagijungnaiviginiatsangilattit.

Jeremia 11:23

Amiakoᴋarungnairomârpullo; idluitomik tikiudjijomagama Anatotemiunut, nalipsartauningita jâringane.

Jeremia 15:15

Nâlagak ᴋaujimavotit; erᴋarlaunga, nalipsarlaungalo, unangmijimnullo akkiniarutigilunga; kamangitsertornerne tâpkoninga pêjartautiniarnanga; ᴋaujimalerille mitautigijaudlalaurama pivlutit.

Jeremia 17:18

Kangusudlarlit uvamnik unangmiklertut, kangusungniarnangale; ᴋoaᴋsâdlarlit, ᴋoaᴋsârniarnangale; tikitautilaukit kapianartûb uvlunganut, asserorlaukillo asserornermut maggolimajomut.

Jeremia 17:4

Igvillo nangmineᴋ avilârpotit kingormgutijarnit tunilauᴋtamnit ilingnut; kivgartortitsomavagillo ômigijingnik nuname ilitaringitarne; ikomamik ikitsisimagapse ningaumajârnimne ikoâlatsainaromârtomik.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 26:11

Ajoᴋertuijullo nalautaijullo oᴋarput angajoᴋâᴋsoarnut inungnullo tamainut, oᴋarlutik: Angut una toᴋotaksauvoᴋ; iglugasaksuit makkoa nalautaijutigingmagit, sorlo tusarapse siutipsingnut.

Jeremia 26:8

Pijoᴋarporlo Jeremiab oᴋâlautigijarêrmagit tamaita Nâlakab oᴋâlautauᴋojangit inungnut tamainut, ajoᴋertuijut nalautaijullo inuillo ilûnatik tigumivât, oᴋarlutik: Toᴋojuksauvotit.

Jeremia 37:15

Angajoᴋâᴋsuille ningadlalerput Jeremiamut, annaulerlugolo, parngnanairsorlâlo Jônatab aglakpaktub iglunganut; tâmna parngnanairsimavingortisimangmatsuk.

Jeremia 38:4

Tagva angajoᴋâᴋsuit oᴋarput atanermut: Angut una toᴋotauᴋoleruktôᴋ; sorᴋsuktuksat iglugasaksoane ukkunane amiakôjut aggangit, inuillo ilûnatik aggangit, nukingêrutingmagit, oᴋauseᴋarvigivlugit taimaitunik; angutib oma inuit idluarᴋutiksarsiulungimagit, idluiᴋutisanigle pingmat.

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 6:21

Taimaimat imâk oᴋarpoᴋ Nâlagaᴋ: Ahâk, nâviksamik ilijijomavunga inôᴋatigêksuit ukkua sânginut; atâtallo erningillo naukiutijomârput tâpkonunga, silalerêllo asseroᴋatigêgomârput.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremiab Ogguarutigijangit 3:60

Takovotit akkiniarutigijanginik uvamnik kajusijutigijanginiglo tamainik uvanga pivlunga.

Jeremiab Ogguarutigijangit 3:61

Tusalaukpotit mitauteᴋarninginik, Nâlegak, kajusijutigijanginiglo uvanga pivlunga.

Lukase 21:22

Tamakkoa kiglungniub uvloringmagit, aglaksimajut tamaita nalautserᴋovlugit.

Rômiunut 2:5

Igville ômativît mangaidlarninganut ᴋaᴋialeromangininganullo ᴋallerêktitsivotit nangminernut ningautsemik ningautsib uvluksanganut Gûdiblo erᴋartuiningata idluartub saᴋᴋijârvianut.