Jeremia 18:16 - Labrador Inuttitut Heritage Bible

¹⁶ Nunangat tataminiarutiksauᴋovlugo mitautiksauᴋovlugolo soraijuitomik; ilûnatik apᴋusârtut tagvunga tataminialârput ileᴋetamârlutiglo.

Jeremia 18:16 Iomraidhean Croise

I Atannit 9:8

Iglolo tamânna poktojoksogalloarlune, ilûnnainut sanirᴋotsijomârtunut kâkkilâdlarutiksaujomârpok, supporomârput oᴋarlutiglo: Sôg Nâlekab nuna tamânna, iglolo tamânna taimailiorvigilaukpagit?

II Kronika 29:8

Tamanna pivlugo Gudib ningausingata Judakut Jerusalemiullo tikkipait, tunnilaukpaillo siorniornartunut kakkilarnartunullo, mittautigijaunermullo, sorlo ijipsingnut takkogapse.

Imgerut 109:25

Mittautiksaujariaᴋarpungalo tâpkonunga; takkoleraiguninga illeᴋettamârput.

Imgerut 22:7

Illunatik takkojut uvamnik mittautigivânga; kanermingnik aitarput, illeᴋettamarlutiglo:

Imgerut 44:14

Oᴋausiksangortipaptigut nallojut akkorngane, illeᴋettamarutiksangortilutalo innuᴋattigêksuit akkorngane.

Jesaiase 37:22

Tagva Nâlekab oᴋausingit taimna pivlugo imaiput: Uigasûb Zionib panningata nachogivâtit mittautigivlutillo, Jerusalemib panningata illeᴋettamârutigivâtit.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jeremia 19:8

Iglugasaksuillo tamakkoa tataminiarutautitsomavakka inerᴋogijaungitilugillo; apᴋusârtut ilûnatik tataminiarutigilârpait inerᴋoginagillo, asserortaumaningit ilûnaita pivlugit.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 42:18

Imâk oᴋarmat Nâlagaᴋ Zebaot, Israêlib Gudinga: Sorlo ningaumajârnera ᴋaningaumajârneralo kovijaumangmat Jerusalemib inunginut, taimaktauᴋ ᴋaningaumajârnera kovijaulârivoᴋ ilipsingnut Egiptenaliarupse; ôminarsitiksaujomârposelo, tataminiarutiksauvluselo, oᴋarnerlutjaujutiksauvluselo, mitautiksauvluselo; nunalo tamanna takoniarungnaipase kingorngane.

Jeremia 44:12

Judablo amiakungit, sangutitsisimajut kênamingnik aijomavlutik nunamut Egiptenemut taikane nunaᴋaromavlutik, tgujomârpakka nungutaujuksauvullo; nuname Egipteneme ioggotsomârput; nungutaujomârput saviksoarmut kângnartoᴋsoarmullo; toᴋojomârput, mikinerpâmit anginerpâk tikidlugo, saviksoarmut kângnartoᴋsoarmullo; ôminarsititaujomârpullo, tataminiarutiksaujomârlutiglo, oᴋarnerlûtiksaujomârlutiglo, mitautiksaujomârlutiglo.

Jeremia 48:27

Israêle mitautiksaulaungimât ilingnût? Tigliktulle akorngane naipitaulauᴋâ? oᴋautigijarangangnele ileᴋetamârpotit.

Jeremia 49:13

Uvamnik taivlunga angimarilaurama, oᴋarpoᴋ Nâlagaᴋ, Bosra tataminiarutiksangoromârmat, mitautiksangordlunalo, asserorningordlunalo, ôminarsitiksangordlunalo; iglugasaksoangillo ilûnatik asserorningortuksauvut soraijuitomik.

Jeremia 49:17

Edomelo tataminiarutiksangoromârpoᴋ; tâpsominga ᴋângertut ilûnatik tataminiaromârput, mitauteᴋarlutiglo kapiasûtigijangit tamaita pivlugit.

Jeremia 50:13

Nâlakab ningarninga pitjutigilugo inuktaᴋartuksaungilaᴋ, pimariklune inuêromârpoᴋ; ilûnatik ᴋaninârtut Babilonemut tataminiaromârput mitauteᴋarlutiglo kapiasûtigijangit tamaita pivlugit.

Jeremia 51:37

Babilonalo ᴋiggutuinaujomârpoᴋ, terrianiangojârtut iniksanga, tataminiarutaujok, mitautiksaujorlo, inuᴋatsangitorlo.

Jeremia 51:43

Iglugasaksoangit asserorningorput, nuna panertoᴋ, inuêrnerlo, nuna inuktaᴋangitoᴋ, inublo erningata apᴋusâlungilâ.

Jeremia 9:11

Jerusalemelo ᴋiggungortitsomavara, inniksauvlune terianiangojârtunut; Judablo iglugasaksoangit asseroromavakka, inuᴋarungnaimariklutik.

Jeremiab Ogguarutigijangit 1:12

Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.

Hesekiel 12:19

Nunablo inungit oᴋautikit: Imâk Nâlegaᴋ Nâlegaujoᴋ oᴋarpoᴋ Jerusalemiut Israêliblo nunanga pivlugit: Erᴋasuklutik nerᴋiksatik nerrilârpait, kapiasuklutiglo imiksatik imilârpait, nuna perᴋutairtaungmat perᴋutiminik tamainik, inuit tamaita tâpsomanêtut idluitulinersoangit pivlugit.

Hesekiel 27:36

Niuvertit inôᴋatigêksoarnêtut kôkoviarput inerᴋogingimatit; asserorningorsimavotit, suniarungnairpotillo issoᴋangitomut.

Hesekiel 36:3

Tamanna pivlugo nelautailerit, oᴋarlutillo: Imâk oᴋarpoᴋ Nâlegaᴋ Nâlegaujoᴋ: Sunairutilaungmasse, ilâ, sunairutilaungmase keta, êngmaselo avatipsingne tamaine, perᴋutauᴋovluse inôᴋatigêksuit amiakunginut, ᴋaneᴋadlartullo ᴋangasinângmiutaringmase, oᴋarnerlutigijaugapselo inôᴋatigêksoarnut;

Hesekiel 6:14

Aggakkalo issagomârpakka tâpkonunga, nunalo sunaᴋarungnaitungortitsomârpara asserornilukungortilugolo, inuᴋajuitomit Dibla tikidlugo, inigijangine tamaine; ᴋaujijuksauvullo uvanga Nâlegaugama.

Leviticus 26:32

Nunalo asserornilukungortitsomârpara: ômigijipselo tagvane nunalit tataminiarutigilârpât.

Leviticus 26:43

Nunalo ᴋemaktaujok tâpkonunga merngoerserviksiolârpok, asserornilukungordlune tâpᴋoa najortiginagit; idluitulinimiglo pidlartauninga idluarilârpât, perᴋojakka ajaktulauramigit maligaksauᴋojakkalo maᴋojugilugit.

Migga 6:16

Omrib maligaksauᴋojangit maliktaungmatta, Ahabiblo ᴋitorngangita piniarningit, arvertarposelo tâpkoa ilusioᴋojangit maliklugit; tamanna pivlugo asserornerlukungortitsomârpapse, nunablo inungit mitautiksangordlugit; inuᴋotimalo naggonarningat nangmalârpase.

Mattêuse 27:39

Tagvûnale arvertartut mitautigivât ileᴋetamârlutiglo.

Markuse 15:29

Tagvûnalo arvertartut mitautigivât, illeᴋetamârlutiglo oᴋarput: Kuinangnâlukpotit katimavingmik asseroijotit, ama sanalugo uvlune pingasune.

Deuteronomy 28:59

Tagva Nâlekab pagvigijatit, kingukâkpîllo pagvigijangit tatamnadlartitsomârpait, pagvinartut angijut sivitojullo, ᴋanimaserillo oᴋumaitut sivitojullo.

Deuteronomy 29:23

Ivjunga ilûnane orᴋsorutiovok, tarriorlo, ikinerlo; karngaviolungilak, nuitajoᴋangilak, iviksuᴋarlônêt perorlungilak tagvane, sorlo Sodomatut Gomorratullo, Admatullo, Zeboimetullo, Nâlekab asserortangititut ningaumajârnermine ᴋaningaumajârnerminelo;