Jeremia 18:11 - Labrador Inuttitut Heritage Bible

¹¹ Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 18:11 Iomraidhean Croise

Genesis 11:7

Attê, aᴋᴋalauᴋta kanunga, oᴋausingit adsigêgungnairtilugit, aipâ aipame oᴋausinginik tukkisijungnairᴋovlugo.

I Atannit 22:23

Ahâglo mânna, Nâlekab annernek nellagôngitok tunnimava, nellautaijoᴋotivit ᴋaninginut ilûnnainut, Nâlekablo idluitomik oᴋarutigilaukpâtit.

II Atannit 17:13

Nâlekablo Israelitit Judakullo tennersarlaukpait nallautaijoᴋotimigut ilunnaitigut, takkojoᴋotimigullo, oᴋautsaukovaillo: Utteritse apᴋotipsingnit idluitunit, mallikluselo perkojamnik, innatsinimniglo; perkojat ilunnatik malliklugit atâtagijapsingnut perkolauktakka, tillikliutilauktakkalo illipsingnut kivgakotipkut nallautaijutigut;

II Atannit 22:13

Nâlegak apperiartorsiuk pivlunga innugiartoksuillo pivlugit, Judakullo illuêngarlutik pivlugit, aglait tapᴋoa nachvartaumajut oᴋausertangit pitjutigillugit; Nâlekab ningausinga ilunngertorutigijavut angijoksongmat, tamanna pivlugo, atâtagijavut nâlelaungimatta aglait tapᴋoa oᴋausertanginik, pinniaratiglo tamainik aglaksimajunik tapᴋonane.

II Atannit 5:5

Siriamiut atanningat oᴋarpok: Tagva ailerit tagvunga, Israelitit atanningat aglagvigijomavara. Aivorlo tagvunga, naksarlunelo Talentinik 10 nik Silberemik, Sekeleniglo 6,000 dinik Goldemik, annorangniglo 10 nik uvloksiorviksiutinik;

Jesaiase 5:5

Mãnalo ᴋaujititsomavapse, ᴋanoᴋ perorsêviga vaineliksatalik piniarvigijomârapko. Sappûlutangit pêjaromavakka asserortaurᴋovlugo, avalungillo serᴋomitsomavakka tullerajartaurᴋovlugo.

Jesaiase 57:1

Idluartok perlerpoᴋ, õmammiutarᴋsijoᴋangilarlo; inuit idluitailijut pêrtaulerput, mallugosuktoᴋangilarlo, idluartut pêrtaungmatta kappiasugvingmit.

Jeremia 11:11

Taimaimat imâk oᴋarpoᴋ Nâlagaᴋ: Ahâk, ogguarnartomik tikiutjijomavunga tâpkonunga, ᴋemâjungnangitanginik; nipliaviginiarpângalo tusaromangilakkale.

Jeremia 11:19

Uvangale saugâraᴋtut sinaungajuitotut toᴋotauvingmut tassigoartaujotut ilingalauᴋpunga; ᴋaujimalaungilanga angiᴋatigêlaungmangârmik pikalukvigijomavlunga, oᴋarlutik: Napârtoᴋ paungangillo asserorniarlavut, nakalaulavullo inôjut nunanganit, attinga erᴋaumajaujungnaimariᴋovlugo.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 19:3

Oᴋarlutillo: Nâlakab oᴋausinga tusarsiuk, ilipse ataniojose Judame, ilipselo Jerusalemiojose; imâk oᴋarpoᴋ Nâlagaᴋ Zebaot, Israêlib Gudinga: Ahâk, idluitomik tikiutjijomavunga nunamut tamattomunga, aviojititsilârtomik tusartub tamattominga siutîgingnik.

Jeremia 25:2

Nalautaijub Jeremiab oᴋauserilauᴋtangit Judamiunut tamainut, Jerusalemiunullo tamainut, oᴋarlune:

Jeremia 25:5

Oᴋarlutik: Sâgiaritse mâna ilûnase apᴋotigijapsingnit idluitunit, piniarnipselo idluininginit, nunaᴋaritselo nuname Nâlakab tunijangane ilipsingnut atâtagijapsingnullo itsarsoarmit issoᴋangitomullo;

Jeremia 26:13

Taimaimat mâna arvertarnise piniarniselo âᴋiksorsigik, Nâlakablo Gudipse nippinga nâlaksiuk; Nâlakablo ᴋaᴋᴋialerutigijomavait idluinerit oᴋautigilauᴋtane pivluse.

Jeremia 26:3

Imaᴋa tusaromalârput sâgiarlutiglo ilûnatik apᴋotigijamingnit idluitunit, idluitoᴋ piniarnilungnerijomalauᴋtara tâpkonunga piniarnerijamik idluiningat pivlugo ᴋaᴋᴋialerutigivlugo pijungnarᴋovlunga.

Jeremia 3:1

Oᴋarpullo: Angut avigune nuliaminit, nuliangalo aularpat tâpsomangat assianiglo uiniklune, utilârivâ ama tâpsomungâ? Nuna tâmna ivsornartitaunajangilâᴋ?

Jeremia 3:22

Uteritsetôᴋ, ᴋitorngaujose kingupiartorsimajose, kingupiartornise inûlijomavakka. Ahâk, ᴋaivogut ilingnut, tagva igvit Nâlagauvotit Gudigivaptigillo.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 36:3

Imaᴋa Judab kinguvângit tusarajarput idluitunik tamainik kajusijutigijamnik piniaromavlugit tâpkonunga; sâgiarajarmattalo ilûnatik atunit apᴋotigijamingnit idluitomit; issumagijungnaivigivlugit ajorninginit idluitulininginillo pijungnarᴋovlunga.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Jeremia 4:14

Omatit ubvaruk idluinermit, Jerusalem, piulijaujungnarᴋovlutit. ᴋanoᴋ sivitutigijomik issumavêt idluitut angerarviginiarᴋâtît?

Jeremia 4:23

Nuna ulernaigilauᴋpara, sunaubvalo ilênarsimajoᴋ sunataᴋaranalo; ᴋilaillo, tâpkoalo ᴋaumajoᴋangilat.

Jeremia 4:6

Nalunaikusêgitse katimaᴋojijutiksamik Zionemut, unneᴋsioritse muludlaraselo, avangat tikititsijomagama kapianadlartomik asserornartoᴋsoarniglo.

Jeremia 51:11

Kargjutit kênaksarsigik; sapulutat tigumiatsiarsigik; Nâlakab Mediamiut ataningita anerninga tupaktisimavâ; Babilone issumaginamiuk asseroromavlugo; tâmnaungmat Nâlakab akkiniarutinga, katimaviksoarne akkiniarutigingmago.

Jeremia 7:3

Imâk Nâlagaᴋ Zebaot, Israêlib Gudinga oᴋarpoᴋ: Arvertarnise piniarniselo âᴋiksorsigik, nunaᴋarᴋojomavapselo tagva tamâne.

Hesekiel 13:22

Saglonernut idluartut ômatingit kiksartilungitakka kiksartigapsigik; idluitulijûblo aggangit pitsartutigapsigik, sangutailitilugo apᴋotiminit idluitomit, angervigigapsiuk inôtsemik;

Hesekiel 18:23

Kuviasûteᴋarᴋêk idluitulijûb toᴋunganîk? oᴋarpoᴋ Nâlegaᴋ Nâlegaujoᴋ: ᴋuviagilualungilarâ sâgiarpat apᴋotiminit inôvlunelô?

Jona 3:8

Pôksajavinernigle uliksimaniarlit inuillo nergjutillo, ilungertorlutiglo ᴋaigarsuglit Gudemut; ilâ, ilûnatik sâgiarlit apᴋotigijamingnit idluitunit, aggangmiglo idluitulinerijanginit.

Migga 2:3

Tamanna pivlugo imâk Nâlegaᴋ oᴋarpoᴋ: Ahâk, ᴋitorngarêngnut ukkununga idluitomik issumaksarsiorpunga, mattomangallo ᴋongesise nûgungnarniangilase, piojoriluselo arvertarniangilase; naliuneᴋ tamanna ajormat.

Saggaria 1:3

Taimaimat oᴋautikit: Imâk oᴋarpok Nâlegak Zebaot: Uteritse uvamnut, oᴋarpok Nâlegak Zebaot, uvangalo uteromagivunga ilipsingnut, oᴋarpok Nâlegak Zebaot.

Apostelit Piniarningit 26:20

Oᴋâlavlungale sivorlermik Damaskusemêtunut Jerusalemêtunullo, ilûnainullo nuname Jûdêamêtunut, taimaktauk nalojunut, ᴋakialerᴋovlugit sâgiarᴋovlugillo Gûdemut ᴋaᴋialernerublo piniarᴋojanginik idluartunik piniarᴋovlugit.

Jâkobusib 4:13

Ilipse, tagva pivapse, oᴋartose: Uvlome ᴋaupallônêt aularomavogut iglogasaksoarnut ipkonunga assinginullônêt, tagvane jâreme atautseme niuverniaromavlutalo pisiniaromavogut.

Jâkobusib 5:1

Tagva ilipse akluitose, ᴋeavluselo avâladlaritse kappianartut naliutsomârmatta ilipsingnut.