Jeremia 18:10 - Labrador Inuttitut Heritage Bible

¹⁰ Idluitulilerpatta sâmne nippigalo nâlangnagô, ᴋaᴋialerutigijomavara ajungitulineᴋ kajusijutigilauᴋtara piniaromavlugo tâpkonunga.

Jeremia 18:10 Iomraidhean Croise

Imgerut 125:5

Sangulertulle apᴋosinermingnut niungapaᴋatiminut, Nâlekab aulartitsomârpait idluitullijut illagilugit. Israelitit ullapirsauteᴋarlît.

Hesekiel 18:24

Idluartûble idluartulinine tunupago, idluitulilunelo, piniarlunelo maᴋojungnartunik tamainik idluitulijûb piniarningit maliklugit, inôjuksauvâ? Piniarningita idluartut neliarlônêt erᴋaumajauniangilaᴋ: tapanerijamine idluitulinerijaminelo piniartamine, tâpkonane toᴋojuksauvoᴋ.

Hesekiel 33:12

Igvillo, inûb erninga, inôᴋativit ᴋitorngangit oᴋautikit: Idluartûb idluarningata piulinialungilâ uvlorme idluitulivigijangane, idluitûblo idluinine katagutiginialungilâ uvlorme sâgiarvigijangane idluitulinerminit: idluartûblônêt inôjutiginialungilâ uvlorme idluitulivigijangane.

Hesekiel 33:18

Idluartûb idluarnine allarpargo idluitulilunelo, toᴋojuksauvoᴋ taimailiornermine.

Hesekiel 45:20

Taimailiortuksaugivotillo taᴋᴋiub uvlungita 7ingane tamartut opaluijaumajullo ilûnaita pivlugit; taimak iglo ulapᴋosertautitaksarivase.

Sefania 1:6

Ipkoalo ᴋeviartut Nâlegak maligungnailugo; ipkoalo Nâlekamik ᴋenilungitut aperᴋutiginagolo.

Numbers 14:22

Inuit makkoa ilûnatik tautulauᴋtut ânanaunimnik nelunaikutamniglo piniartamnik Egipteneme sunaᴋajuitomelo, 10ertorlutigle pikablâviᴋartut uvamnik, nipigalo nâlengnago;

Numbers 14:23

Tâpkoa ila tautuktuksaungilat nunamik angerutigilauᴋtamnik atâtanginut, naggojullônêt uvamnik neliata takoniangilâ;

Numbers 14:34

Uvlut nunamik nautsertorvigilauᴋtapse unurningit, tagva uvlut 40, maliklugit, tagva jâre atauseᴋ uvlormut atautsemut, idluitulinise nangmalârpase, tagva jârinik 40nik, taimaglo missigilârpose tununganimnik.

I Samuel 13:13

Samuele Saulemut oᴋarpok: Sillainartomik pinniarlaukpotit, Nalekablo Gudivit perᴋojanga, perᴋolauktanga illingnut, nalalaungilat; manna Nalekab attaniovit Israelemut naᴋᴋiterajarmago soraijuitilugo,

I Samuel 15:11

Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.

I Samuel 15:35

Samueliblo Saule manamit takkojungnaipa toᴋᴋome uvlunga tikkilugo. Samuelible Saule oggurilauralloarpa, Nalegak ᴋaᴋᴋialilaungmat Saule attaningortilaungmago Israelitinut.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.