Jeremia 17:9 - Labrador Inuttitut Heritage Bible

⁹ Omate nalangaitoᴋsôluarpoᴋ assinginit tamainit, ᴋanimadlartoᴋsôvorlo; kia ilitarijungnarᴋaûk?

Jeremia 17:9 Iomraidhean Croise

Genesis 6:5

Nalegarle takovoᴋ inuit uivêtoᴋsôninginik nuname, ômatingitalo issumangita sanajangit idluênarmatta ᴋaut tamât.

Genesis 8:21

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

II Samuel 11:15

Aglakporle aglangne tapkonane imâk: Uria pitisiuk sorsungnerub sugaluluarvianut, tunnulugolo allarsiuk, ullimartauᴋovlugo, toᴋᴋoᴋovlugolo.

Imgerut 51:5

Ahâk kinguvângnit ajortolingnit ernertarijaulaukpunga anânamalo ajorneᴋarlune erniarilaukpânga.

Imgerut 64:7

Gûdible tagvainak pittingniarpait ᴋarᴋjumut, âniaᴋovlugit.

Salomob Okâl 28:26

Ommatiminik tatteᴋartok silaitovok; ilisimanermigle attutsiartok, ᴋemâjungnarniarpok.

Okaluktok 9:3

Tamanna sugalungnerpauvok tamainit sekᴋerngûb atâne Pijoᴋartunit, ilûnatik adsigêktomik illiorneᴋarmatta; tamanna pivlugo inuit ômattingit tattalerputtauk idluitomik, ᴋaujimangojarneᴋarlunelo ômatinginne inôtillugit; kingornganelo tokᴋungajunut aijariaᴋarput.

Jesaiase 1:5

Naukut annaujaksauvisê sulle, idluitullinise unuksivalliatitsainarapsigik? Niaᴋoᴋ illũnane ãniavoᴋ, õmallo illũnane ᴋanimavoᴋ.

Jesaiase 1:6

Allûgingnit niaᴋoanut ᴋanoengitoᴋangilaᴋ tâpsomane, ikkinigle killiniglo tiglûjarnerniglo nutânik maᴋitertaumangitunik mangiptaᴋangituniglo orᴋsumullo ânanausijaumangitunik.

Jesaiase 6:10

Inuit tâpkoa õmatingit mangaitikit siutingillo tussilartikit, ijingillo takpẽtikit, ijimingnut takkurᴋonnagit, siutimingnut tussarᴋonnagit, õmatimingnullo tukkiserᴋonnagit, sâgiarᴋonnagillo inûlijaurᴋonnagillo.

Jeremia 16:12

Ilipselo angiluartomik idluitulisimavose atâtagijapsingnit; tagva, ahâk, atunit ilûnase arvertarpose ômatipse idluitut mangaitisimaningit maliklugit, nâlalugaselo uvamnik;

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Mattêuse 13:15

Inuit ukkua ômatingit mangaidlarmata, siutimingnullo tussânerludlarput sikungilarmiglo; ijimingnut takoᴋonagit, siutimingnullo tussarᴋonagit sâgiarᴋonagillo ikajortauvlutik uvamnut.

Mattêuse 15:19

Omamit erᴋarsautikulluit pingmatta, inuarnerlo, nuliarêngnermik asserorsainerlo, assiniarnerlo, tiglingnerlo, sagluterᴋarnerlo, mitauteᴋarnerlo.

Markuse 2:17

Jêsusib tamanna tussaramiuk, oᴋautivait: Atsuilît inûlijeᴋariaᴋangilat, ᴋanimajut kissimik. Ajortulit ᴋaiᴋojartorpakka, ablatsâmik issumaᴋarᴋovlugit, idluartut pinagit.

Rômiunut 1:21

Gûdeᴋartomik ᴋaujimagalloarlutik, nertornagolo ᴋujagilaunginamitsuk Gûdetut, issumamikut piungitoᴋsôlerput, ômatingillo silaitut tâᴋtoᴋsôlerput.

Rômiunut 7:11

Ajornerub perᴋojaᴋ kajungersautigivlugo uivêringmanga toᴋotilungalo tamattomunga perᴋojamut.

Efêsusemiunut 4:22

Inutoᴋaᴋ atorungnairsiuk piusiovalauᴋtut allarlugit, ikligunermut ingminik asseroijoᴋ tamarnartomut.

Ebrêerinut 3:12

Udjertoritse ᴋatangutikka, nelise ilipsingne ômateᴋartailile ajortomik, okpingitomik, Gûde ômajoᴋ nâlegungnairlugo pijomik.