Jeremia 17:4 - Labrador Inuttitut Heritage Bible

⁴ Igvillo nangmineᴋ avilârpotit kingormgutijarnit tunilauᴋtamnit ilingnut; kivgartortitsomavagillo ômigijingnik nuname ilitaringitarne; ikomamik ikitsisimagapse ningaumajârnimne ikoâlatsainaromârtomik.

Jeremia 17:4 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Atannit 25:21

Babelemiullo atanningata ullimârlugit toᴋopait Riblateme, Hematib nunanganetome. Taimak Judakut aularutitaumalaukput nunakotimingnit.

Nehemia 9:28

Merngoêrserviksaᴋalauruniglo mumiktilerput idluitullilutik sângne. Tagva ᴋemalaukpâttit omigijingita agganginut, atanniotiᴋovlugit tapᴋonunga. Tagva sâlerput nipliarlutiglo ilingnut; igvillo tussarlaukpâttit ᴋilangmit piuliᴋattarlugillo napᴋoarosuktoksônernut,

Jesaiase 14:3

Pijoᴋaromârporlo, Nâlekab merngoerserviksarsitipattit ogguarnernit kiksarnernillo kippaludlarnernillo attortarnit taipsomane,

Jesaiase 30:33

Ikkoalaviksoaᴋ itsaᴋsoarnit pijarêrsimavoᴋ, attanermuttauᴋ pijarêrsimavoᴋ, ittijôvlune nerrotovlunelo; ikkoalaviksoarlo ikkomaᴋarpoᴋ ikkomaksaᴋarlunelo amigangitunik. Nâlekab anerningata ikkitsomârpait, orᴋsorutitut kôktotut illingavlune.

Jesaiase 5:25

Taimaimat Nãlegaᴋ katsungaitomik ningalerpoᴋ inuᴋotiminut, agganelo issakpait tâpkonunga, pattakpaillo, ᴋaᴋᴋat sajukpiluktillugit timingillo toᴋungajut aktarlukkutitut egidlugit apᴋosinermut.

Jesaiase 50:11

Okoᴋsê tamapse, ikkomamik ikkitsijose, ᴋargjolijartose ikkomalingnik, ingergaleritse ikkomakut ikkitapsigut ᴋargjuᴋtigullo ikkomaliktigut ikkitapsigut. Agganginit tamanna pivoᴋ illipsingnut, ãnernartome innangajuksauvose.

Jesaiase 66:24

Annijomârpullo takojartorlugit toᴋungajut uvamnut idluitullijut timingit; taipkoa ᴋuglugiangat toᴋoniatsangimat, ikkomangalo ᴋamminiatsangimat; uvinilingnullo illũnainut maᴋojugijaujomârput.

Jeremia 12:7

Igluga ᴋemaksimavara, kingormgutijara sapkosimavara; tarnima nagligidlartanga tunisimavara ômigijingita agganginut.

Jeremia 15:14

Atautitsomârpakkalo ômigijingnut nunamut ilitaringitarnut; ikoma ikoâlangmat ningaumajârnimne, ikitsilârtomik ilipsingnik.

Jeremia 16:13

Tamakkoa pitjutigilugit pingujaromârpapse nunamit omangat nunamut ilitarilaungitapsingnut, ilipselônêt atâtapselônêt; tagvanalo kivgartoromârpose assimnik gudingoanik uvlôtilugolo unnuarmelo; tagvane saimarvigijomânginapse.

Jeremia 18:23

Igville, Nâlagaᴋ, ᴋaujimatsiarpotit kajusinerijanginik tamainik pivlunga toᴋotsomavlunga; idluituliningit issumagijungnainiarnagittôᴋ, piungituliningillo pêjarniarnagit saᴋᴋarnit; oggotitaulille sângne; piniarvigikillo ningaluarnivît naliuningane.

Jeremia 2:14

Israêle kivgauvâ? Kipalokullutuinauvâ? Suna pivlugo aᴋsârnigaksangorsimavâ?

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 22:28

Angut taimna Kônia iluleᴋuteovâ suksaungitoᴋ serᴋomisimajôᴋ? Iluleᴋuteovâ ᴋuviagijaungitôᴋ? Suna pivlugo pingujartauvât, tâmna kinguvângillo, egitauvlutiglo nunamut ilitarilaungitamingnût?

Jeremia 5:19

Oᴋaraloarupselo: Suna pivlugo Nâlakab Gudipta tamakkoninga tamainik piniarvigivâtigût? kiojaksarivatit: Sorlo ᴋemakapsinga gudingoallo takorngartat kivgartorlugit nunapsingne, taimaluatsiaᴋ takorngartat kivgartoraksarivase nuname nunagingitapsingne.

Jeremia 5:29

Sugiartuksaungilangâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoarnik taimaitunîk?

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremiab Ogguarutigijangit 1:12

Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.

Jeremiab Ogguarutigijangit 5:2

Kingormgutijavut (nunavut) tunijauvok takorngartanut, iglovullo nunaᴋatigilungitaptingnut.

Hesekiel 21:31

Kaningaumajârneralo kovijomavara ilingnut, ningaumajârnima ikomanga supôrdlugo ilingnut: pititsomavagillo angutit nâpkiningneᴋangitut agganginut, asseroinermik ilisimajut.

Hesekiel 7:24

Tamanna pivlugo nelojut ajornerpât tikiutijomârpakka, tâpkoalo iglungit aᴋsârnigarijomârpait: sorairtitsomârparalo pitsartujut pingijainingat; ivlernartoᴋotingillo sujuktaujomârput.

Deuteronomy 28:25

Nâlekab pikaluktautitsomârpâtit ômigijivit sângine; apᴋut atausek atorlugo anilârpotit tâpkonunga, apᴋulle sevenit atorlugit ᴋemâlârpotit tâpkonangat; egitauᴋatalârpotillo utertarᴋatartomik silaᴋsûb nâlegauvingine tamaine.