Jeremia 17:26 - Labrador Inuttitut Heritage Bible

²⁶ Tikitoᴋaromârporlo Judab iglugasaksoanginit, Jerusalemiblo erᴋânêtunit, Benjamiblo nunanganit, naternamillo, ᴋaᴋᴋanillo, seᴋinermillo, ᴋaitsilutik tunergutiksanik ôtaksanik, tunergutiksaniglo toᴋotaksanik, tunergutiksaniglo nerᴋiksanik, tipitsiariksautiksaniglo, tunergutiksaniglo ᴋujalitiksanik, Nâlakab iglunganut.

Jeremia 17:26 Iomraidhean Croise

Esra 3:11

Imgerpullo Nalegak nertorlugo ᴋujagilugolo, pitsiarmat, napkoarningalo sorainiangmat Israelemut. Innugasaksuillo illunatik nipliadlarput Nalegak nertorlugo Nalekab iglungata tungavia illijaumangmat.

Imgerut 107:22

Tunnijijuksaulutiglo tunnergutinnik ᴋujalijutiksannik, pinniarningillo unnipkautigilugit igiaᴋomijarlutik.

Imgerut 116:17

Igvit ᴋujalinermik tunitsivigijomavagit, Nâlekablo attinga oᴋâlautigijomavara.

Imgerut 66:13

Tamanna pivlugo iglungnut aijomavunga tunnergutiksalijarlunga ôtaksanik, akkilêvigijomavlutillo angernerilauktamnik;

Jesaiase 58:13

Ittikkatit udsertorungne sabbateme, sullijaksatit piniarnagit uvloᴋotimne ivsornaitome; sabbate ᴋuvianarnerarungne, Nâlekablo (uvlunga) ivsornaitoᴋ ivlernarnerarungne opigivlugolo, apᴋutigijomajatit attornagit, sullijaksatit piniarnagit, oᴋautsit piungitut attornagit,

Jeremia 30:19

Kujalijullo nertordlertullo nippingit anijomârput tâpkonangat; unuksititsomârpakkalo ikitônialungilallo; angijorortitsomârpakkalo mikijôniangilallo.

Jeremia 32:44

Perorsêviksilârput kênaujanut, aglaillo nalonaijaijut aglavigilârpait attermingnik, nalonaikuserlugillo, kigligiutsijuksallo najûtiᴋolugit, Benjamib nunangane, Jerusalemiblo erᴋâne, Judablo iglugasaksoangine, iglugasaksoarnalo ᴋaᴋᴋanêtune, iglugasaksoarnalo naᴋsanêtune, iglugasaksoarnalo seᴋinerdline; aularutijaujungit utertitsomârapkit, oᴋarpoᴋ Nâlagaᴋ.

Jeremia 33:11

Kuviasuktut nippinginik, aliasuktullo nippinginik, nulianiktûb nippinganik, uiniktûblo nippinganik, ipkoalo nippinginik oᴋartut: Nâlagaᴋ Zebaot ᴋujagisiuk, Nâlagaᴋ ajungitôngmat, nâpkiningningalo soraijuitôngmat; ipkoalo tunergutinik ᴋujalitiksanik Nâlakab iglunganut âtsijut nippinginik. Nunab aularutijaujungit utertitsomârapkit sorlo pigiarnerme, oᴋarpoᴋ Nâlagaᴋ.

Jeremia 33:13

Iglugasaksoarne ᴋaᴋᴋanêtune, iglugasaksoanalo naksanêtune, iglugasaksoanalo ânêtune, Benjamiblo nunangane, Jerusalemiblo erᴋâne, Judablo iglugasaksoangine, nergjutit katimgajut kititsijûb tâpkoninga aggangita atâgôromârivut, oᴋarpoᴋ Nâlagaᴋ.

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

Ebrêerinut 13:15

Sorairata tagva Gûde âtsivigilavut tunergutinik nertordleruinik tâpsomûna, tagva oᴋautsinik nertordlertunik ᴋangasinângnit pijunik, attinganik kigligiudsijunik.

I Pêtrusib 2:5

Ilipsetauᴋ ujarᴋatitut ômajutitut igloliangotitse, igloᴋsoangolerᴋovluse anernelingmik ajoᴋertuijuksaulerluselo ivsornaitunik; tunijijuksauᴋovluse tunergutinik anernilingnik, Gûdib idluarijanginik Jêsuse Kristusikut.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,