Jeremia 17:25 - Labrador Inuttitut Heritage Bible

²⁵ Tagva iglugasaksuit ukkoa itertarvingitigut itilârput atanit atanertuksallo iksivavlutik Dâvidib iksivautaksoangane, ikimavlutik aksaloalingne, ablangalutiglo horsine, tâpkoa, atanertuksangillo, Judablo inungit, Jerusalemiullo; iglugasaksuillo ukkua inuᴋatsainaromârput issoᴋangitomut.

Jeremia 17:25 Iomraidhean Croise

II Samuel 7:16

Igluille, attanniovîllo soᴋᴋosijuituksauvuk issoᴋangitomut sângne, iksivautallo soraijuituksauvok issoᴋangitomut.

II Samuel 8:4

Davidiblo tapkonangat tiguvait 1,700 dit horsit ᴋângine ablangajut, 20,000 dillo pissuktut, aksalloalingillo illunaita attoraksaujungnaitipait, aksalloaggillo 100 dit amiakoᴋovait.

Exodus 12:14

Uvlorlo tamanna erᴋaumanartôjuksauvok ilipsingnut, naliuneᴋsiorutigijaksarivase Nâlekamut kinguvâpsigut; naliuneᴋsiorutigijaksarivase âᴋiksimajok soraijuitomut.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Jeremia 13:13

Igville oᴋautiniarpatit: Imâk Nâlagaᴋ oᴋarpoᴋ: Ahâk, nunab tamattoma inungit ilûnaita, aglât atanîttauᴋ iksivajut Davidib iksivautangane, ajoᴋertuijullo, nalautaijullo, Jerusalemiullo ilûnaita, imertitsomavakka tallanartomik tallasimaᴋovlugit.

Jeremia 22:2

Oᴋarlutillo: Tusaruk Nâlakab oᴋausinga, igvit ataniojotit Judame, iksivajotit Dâvidib iksivautaksoangane, igvit, kivgatillo, inuᴋotitillo iterpaktut itertarviksoatigut ukkutiguna.

Jeremia 22:30

Imâk oᴋarpoᴋ Nâlagaᴋ, Angut una aglaksiuk ᴋitorngaᴋangitomik, angumik piloringniatsangitomik inôsine nâvlugo; kinguvângine piloriktoᴋarniatsangimat iksivajomik Dâvidib iksivautaᴋsoangane aulatsilunalo Judame.

Jeremia 22:4

Taimailiorniarupse nalâgut, iglub tamattoma upkoangitigut itertoᴋaromârpoᴋ atanernik iksivajunik Dâvidib iksivautaᴋsoangane, ikimavlutiglo ᴋamutine aksaloalingne, ablangalutiglo horsine, tâmna kivgangillo inuᴋotingillo.

Jeremia 25:5

Oᴋarlutik: Sâgiaritse mâna ilûnase apᴋotigijapsingnit idluitunit, piniarnipselo idluininginit, nunaᴋaritselo nuname Nâlakab tunijangane ilipsingnut atâtagijapsingnullo itsarsoarmit issoᴋangitomullo;

Jeremia 33:15

Uvlune tâpkonane, naliutomelo tâpsomane, nuitatitsijomârpunga nutaijoᴋtomik idluartomik Dâvidemut; tâmnalo erᴋartuitsiaromârpoᴋ idluarsaitsiarlunalo nuname.

Jeremia 33:17

Imâk oᴋarmat Nâlagaᴋ: Dâvide kingumaklerjuituksauvoᴋ angutimik iksivajomik Israêlib kinguvângita iksivautaksoangane;

Jeremia 33:21

Tagvatauᴋ angerutigijara kivgamnut Dâvidemut, erneᴋarungnaituksaungimat iksivautaksoangane ataniojuksamik, kivgamnullo Levikunut ajoᴋertuijunut, serᴋomitaujungnarivok.

Jeremia 7:3

Imâk Nâlagaᴋ Zebaot, Israêlib Gudinga oᴋarpoᴋ: Arvertarnise piniarniselo âᴋiksorsigik, nunaᴋarᴋojomavapselo tagva tamâne.

Jeremia 7:7

Inniksaᴋartitsomavapse tamâne, nuname tunilauᴋtamne atâtagijapsingnut, itsarsoarmit issoᴋangitomullo.

Deuteronomy 17:16

Kisianele horseᴋutiksane unuksititaksaringilait, inuillo utertitaksaringilait Egiptenemut, horsit unuksititsomavlugit; Nâlekab oᴋautilaungmase: Mattoma kingorngane apᴋotikut omûna utertuksaungilase.

Ebrêerinut 12:22

Ilipsele Zionib ᴋaᴋᴋanganut tikisimavose, Gûdiblo ômajub iglugasaksoanginut, Jerusalemut ᴋilangmêtomut, Engelillo tausendeoᴋattartut unuktoᴋsôninginut,

I Samuel 8:11

Tamakkoa attaniub attaniojomârtub illipsingnut illuserijungnaromârtangit: Ernise tiguniarpait aksalloaliᴋotiminut, ablangajuksanullo horsit ᴋângine, aksalloaliᴋotinganik sivorlerᴋovlugit pangaliklutik;