Jeremia 17:23 - Labrador Inuttitut Heritage Bible

²³ Tâpkoale nâlalaungilat, siutitiglônêt mannilaungilait, ᴋongasetigle ᴋeratatipait, tusaromanginamik ajoᴋertortaujomanginamiglo.

Jeremia 17:23 Iomraidhean Croise

Imgerut 50:17

Illisainermik ômisugalloartotit egitsilutillo oᴋausimnik tunnungnut.

Salomob Okâl 1:3

Ilisimanerub Nâlektitsiningit, idluarnerlo, nâmanerlo, nellagornerlo pigijaulerᴋovlugit;

Salomob Okâl 1:5

Ilisimajub tussârniarpait, pivallianiarlunelo Ajuᴋertutsinne, silatôjorlo ilisimanermik (atannertortautsiarnermik) ilangiutititauniarpok;

Salomob Okâl 29:1

Kunujok pitlartaunermik, tamna tagvainak asseroromârpok, ikajortauneᴋarane.

Salomob Okâl 5:12

Oᴋarlutillo: Kappê Nâlektitaunek omigilaurapᴋo, ommatimalo sugiartaunek nachogilaungmago;

Salomob Okâl 8:10

Nâlektitsinera ilalliungarsiuk Silberemit; ilitarksinerlo anginersaunasugissiuk Goldemit pivianartomit.

Jesaiase 48:4

Mangaidlarnit ᴋaujimagapko ᴋollêkiglo nukkeᴋartuk kikkiangojunik, ᴋaullo kannujaujoᴋ,

Jeremia 11:10

Uterput atâtagilauᴋtangita, oᴋauserijamnik tuseromalaungitut, idluitulininginut; malikpullo Gudib assinginik, kivgartoromavlugit; Israêlib kinguvângita Judablo kinguvângita angiᴋatigêngneᴋ angerutigilauᴋtara atâtagijanginut, serᴋomipât.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 32:33

Tunuterpullo uvamnut, kênalijaromangimut; ajoᴋertulauralloarapkillo, nikovisaraivlunga ajoᴋertorlugit, sulle nâlalaungilat ajoᴋertutsit ilalioromalaungilait.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 6:8

Aᴋilerit, Jerusalem, ômatiga allarᴋonago ilingnit; asserortauᴋonak nunaulerᴋonak inuêrutjausimajomik.

Jeremia 7:28

Oᴋautijaksarivatillo: Tagga tamadja inôᴋatigêksuit nâlalungitut Nâlakab Gudingata nippinganik, ajoᴋertortaujomangitullo; nalâgôrneᴋ asserorsimavoᴋ kipijauvorlo ᴋaninginit.

Hesekiel 20:13

Israêlible ᴋitorngangita tapagilauᴋpânga sunaᴋajuitome; arvertalaungilat maligaksauᴋojamne ajaktuivulle perᴋojamnik, inûb tamakkoa piniarpagit inôjûtigilârpait; sabbatikkalo sôngojomik ivsornaijungnaitipait: oᴋarpunga tagva ningaumajârnera kovijomagapko tâpkonunga sunaᴋajuitome, nungutsomavlugit.

Hesekiel 20:16

Perᴋojakka ajaktulaungmagit, arvertaratiglo maligaksauᴋojamne, sabbatikkalo ivsornaijungnaitingmagit; ômatingita gudingoaliarimajatik malingmagit.

Hesekiel 20:21

Kitorngalletauᴋ tapagivânga; arvertalaungilat maligaksauᴋojamne, perᴋojakkalo nâlengilait piniaromavlugit, inûb tamakkoa piniarpagit inôjûtigijangit; sabbatikka ivsornaijungnaitipait, oᴋarpunga tagva ᴋaningaumajârnera kovijomagapko tâpkonunga, ningaumajârnera tâpkoninga nâmaksijomavlugo sunaᴋajuitome.

Sefania 3:7

Oᴋarpunga: Âhamarik, erᴋsiginiarpalukparma, inertertauniarpalukpotit; ininga piniarvioᴋonago kajusijutigilauktamnik tâmna pivlugo: uvlârolaukpulle asserornartulijomavlutik.

Apostelit Piniarningit 7:51

Tapatojoksôjose kipimangitoselo ômatipsigut siutipsigullo, akkerartutsainarpase Anernek ajunginek. Atâtagijapsitut ilipsetauk taimailiorivose.

Idluarsaijut 6:10

Oᴋautilaukpapselo: Nâlegauvunga Gûdise, Amorterit nunangine nunaᴋarvigijapse Gûdingit sivoraginiarasigik. Illipselo nippiga Nâlalaungilase.