Jeremia 17:13 - Labrador Inuttitut Heritage Bible

¹³ Nâlagaᴋ, Israêlib nerriugijangat, ᴋemaijut ilingnik kangusudlaromârput; aviktut uvamnit aglaktaujomârput nuname, Nâlagaᴋ imiub ômanartub puailavinga ᴋemangmatsuk.

Jeremia 17:13 Iomraidhean Croise

Imgerut 22:4

Atâtagijapta tattigilaukpâtit, tatteᴋartillugillo ikajorlaukpâttit.

Imgerut 69:29

Uvangale pattangavunga, âniadlarlungalo. Gûde ikajornivît sapputilinga!

Imgerut 71:5

Igvit nerriungnerivagit, Nâlegak, Nâlegak sungertutigijara innuosungnimnit.

Imgerut 73:27

Ahâgle, illingnit nûlertut nungujomârmatta, illunaita idluitullivigijitit nungupâttit.

Imgerut 97:7

Kangusugariaᴋarput illûnatik adsingoanik kivgartortut, Gûdingoaniglo nertuteᴋartut. Gûdiojose illûnase tâmna tuksiarvigissiuk!

Salomob Okâl 10:7

Idluartut erᴋaumajauningat saimanarneliutsainarpok; Gûdeᴋangitulle atingit nunguniarput.

Salomob Okâl 14:14

Omat tappatôjok apᴋotigijame ilinganinganik tukisiniarpok, angullo ajungitok nangminerminut nâmaksititauniarpok.

Jesaiase 1:28

Tapatojoᴋsuille idluitullijullo illunamasiatik asserortaujomârput, Nâlekamiglo ᴋemaijut toᴋotaujomârput,

Jesaiase 66:5

Nâlekab oᴋausinginik tussaleritse, illipse, tâpsoma oᴋausinginik sivorajose: Kattangutise illipsingnik ômisuktut, avitsijut illipsingnik attera pivlugo oᴋaralloarput: Nâlegaᴋ nertornarsile, ᴋuviasungnipsingnik takonârᴋovluta, — tâpkoale kangusuktitaujomârput.

Jeremia 14:8

Igvit, Israêlib nerriugijanga, piulijinga naliutome kapianartovingme, sôᴋ takorngartatut nuname ilingavêt, ingergajotullo sangujotut siniktartuinaromavlunê?

Jeremia 17:17

Kapiasûtauniarnak uvamnut; saputijauvigivagit kapianartûb uvlungane.

Jeremia 17:18

Kangusudlarlit uvamnik unangmiklertut, kangusungniarnangale; ᴋoaᴋsâdlarlit, ᴋoaᴋsârniarnangale; tikitautilaukit kapianartûb uvlunganut, asserorlaukillo asserornermut maggolimajomut.

Jeremia 17:5

Imâk Nâlagaᴋ oᴋarpoᴋ: Inuk ôminarsivoᴋ sungertuteᴋartoᴋ inungnik, uviningmiglo ajakpaveᴋarasuartoᴋ, ômatimigullo allartoᴋ Nâlakamit.

Jeremia 19:4

Kemaksimagaminga, nunalo tamanna takorngartautilât, isserluanititsivigivlugolo gudingoanut uvanga assimnut ilitaringitamingnut, tâpkoalônêt atâtangitalônêt, Judab ataningitalônêt; nunalo tamanna ilumeramitsuk pasijaksaungitut aunginik kovisilutik;

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Jeremia 2:17

Tamanna pitilaungipiûk nangminernût, Nâlagaᴋ Gudit ᴋemakangne tasiornigomajoᴋ ilingnik apᴋomê?

Jeremia 50:7

Naipitingita ilûnatik nerrilauᴋpait; akkerangillo oᴋarput: Pidlaraksautingilagut, Nâlakamut idluitulilaungmatta, idluarsainerub inigijanganut, ila, Nâlakamut, atâtagijangita nerriugijanganut.

Hesekiel 13:9

Aggamnullo tiglulârpakka nelautaijut uivêrinartunik oᴋâlajut saglonerniglo nelautaijut; inuᴋotikka ᴋaggimiolerpatta najûtijuksaungilat, aglaktaujuksaungilallônêt Israêlib ᴋitorngangita aglaksimaviane, aijuksaungilallônêt Israêlib nunanganut; ᴋaujijuksauvoselo uvangaugama Nâlegaᴋ Nâlegaujoᴋ.

Hesekiel 16:63

Erᴋaiᴋovlutit kangusuᴋovlutillo, oᴋausiksairutiᴋovlutit kangusungnit pivlugo; issumagijungnaivigigupkit tamainik piniarnerijarnik, oᴋarpoᴋ Nâlegaᴋ Nâlegaujoᴋ.

Hesekiel 36:32

Ilipse pivluse taimailiolungilanga, oᴋarpoᴋ Nâlegaᴋ Nâlegaujoᴋ, tamanna ᴋaujijaksarivase; iktôdlaritse kangusukluselo iluserijase pivlugit, ilipse Israêlib ᴋitorngangit.

Daniel 12:2

Nunablo saningini siniktut ilangit unuktut tupagomârput, ilangit inôtsimut nâksaungitomut, ilangillo kangusuktitaunimut naggogijaunimut nâksaungitomut.

Joel 3:16

Nâlegarlo ᴋalingoaromârpoᴋ Zionemit, nippinelo anitilugo Jerusalemit; ᴋillaillo nunalo sajugomârput: Nâlegarle ᴋemâviksaujomârpoᴋ inuᴋotiminut, saputjauviksauvlunelo Israêlib ᴋitornganginut.

Saggaria 13:1

Uvlorme tâpsomane Dâvidekunut Jerusalemiunullo puilavik matoêrtaujomârpok ajortoêrutiksak ivsornairutiksarlo.

Saggaria 9:12

Ungalujijoksoarmut uteritse nerriungnartomik parngnanairsortaumajose: uvlome kigligiutjivunga maggortortomik akkileromârapkit.

Lukase 10:20

Anernerille (idluiluktut) nâlengmase, ᴋuviasûtiginasiuk; ᴋuviasugitsele, atise aglaksimangmatta ᴋilangme.

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Apostelit Piniarningit 28:20

Tamanna pivlugo tamaunga ᴋaiᴋovapse, takojomavluse oᴋautsomalapselo. Israêlitit nerriungningat pivlugo ᴋelaksorsimagama ᴋelaumgujanut ukkununga.

I Timôteusemut 1:1

Pauluse Jêsusib Kristûsib Apostelinga, Gûdib piulijipta, Nâlekablo Jêsusib nerriugijaksaᴋartitipta perᴋojanganut,

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.

Takotitaunermik 22:17

Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.